ഇടുക്കി : കുവൈറ്റിലെ അർദ്ധ സർക്കാർ റിക്രൂട്ട്‌മെന്റ് കമ്പനിയായ അൽദുര ഫോർ മാൻ പവറുമായുള്ള (കെ.എസ്.സി.സി, കുവൈറ്റ്) ധാരണപത്രത്തിന്റെ അടിസ്ഥാനത്തിൽ, നിയമപരവും,സുരക്ഷിതവും, സുതാര്യവുമായ കുടിയേറ്റം ഉറപ്പു വരുത്തുക എന്ന ലക്ഷ്യത്തോടെ വനിത ഗാർഹിക തൊഴിൽ മേഖലയിൽ ജോലി ചെയ്യാൻ സന്നദ്ധരായ വനിതകളെ നോർക്ക റൂട്ട്സ് മുഖാന്തിരം തെരഞ്ഞെടുത്ത് അൽദുര കമ്പനി മുഖേന കുവൈറ്റിൽ നിയമനം നൽകുന്നു. ശമ്പളം ഏകദേശം 25,000രൂപ. തെരഞ്ഞടുക്കപ്പെടുന്നവർക്ക് വിസ, വിമാന ടിക്കറ്റ് , താമസം, ഭക്ഷണം സൗജന്യമാണ്. നോർക്ക റിക്രൂട്ട്‌മെന്റ് തികച്ചും സൗജന്യമാണ്. ഇതുമായി ബന്ധപ്പെട്ട് സെപ്തംബർ 28ന് 10 മുതൽ നെടുംങ്കണ്ടം പഞ്ചായത്ത് ഓഫീസിൽ സെന്റർ ഫോർ മാനേജ്‌മെന്റ് ആന്റ് ഡെവലപ്പ്‌മെന്റ് നടത്തുന്ന പ്രീ ഡിപ്പാർച്ചർ ഓറിയന്റേഷൻ പ്രോഗാമിനോടൊപ്പം തൽപര്യമുള്ളവരെ അഭിമുഖത്തിലൂടെ തെരഞ്ഞെടുക്കും. 30 നും 45 നും മദ്ധ്യേ പ്രായമുള്ള വനിതകൾ വിശദമായ ബയോഡാറ്റ, ഫുൾ സൈസ് ഫോട്ടോ, പാസ്‌പോർട്ടിന്റെ പകർപ്പ് എന്നിവയുമായി 28ന് നെടുംങ്കണ്ടം പഞ്ചായത്ത് ഓഫീസിൽ എത്തണം. കൂടുതൽ വിവരങ്ങൾക്ക് ഫോൺ 04712770544, 18004253939