മണക്കാട് : നെല്ലിക്കാവ് ശ്രീ ദുർഗ്ഗാദേവി ക്ഷേത്രത്തിലെ നവരാത്രി മഹോത്സവം ഇന്ന് തുടക്കമാകും. ഒക്ടോബർ 8 ന് സമാപിക്കും. ഒക്ടോബർ 5 ന് വൈകിട്ട് പൂജവയ്പ്പും,​ 8 ന് രാവിലെ പൂജയെടുപ്പും നടക്കും. വിദ്യാരംഭം,​ വിദ്യാഗോപാല മന്ത്രാർച്ചന,​ സാരസ്വതഘൃത വിതരണം,​ വിശേഷാൽ പൂജകൾ എന്നിവ ഉണ്ടായിരിക്കും. എല്ലാ ദിവസവും ദേവീമാഹാത്മ്യ പാരായണം,​ ഭജന,​ സംഗീതാർച്ചന,​ വിശേഷാൽ പൂജകൾ,​ അർച്ചനകൾ എന്നിവ നടക്കും. ചടങ്ങുകൾക്ക് ക്ഷേത്രം മേൽശാന്തി ഹരീഷ് നമ്പൂതിരിപ്പാട് മുഖ്യ കാർമ്മികത്വം വഹിക്കും.