ഇടുക്കി: ഒക്‌ടോബർ ഒന്ന് ദേശീയ സന്നദ്ധ രക്തദാന ദിനമായി ആചരിക്കുന്നു. ബോധവൽക്കരണത്തിലൂടെ രക്തദാനത്തിന് സ്വമേധയാ എല്ലാവരെയും സന്നദ്ധരാക്കുക എന്നതാണ് ദിനാചരണത്തിന്റെ പ്രധാന ലക്ഷ്യം. ജിനാചരണത്തിന്റെ ജില്ലാതല ഉദ്ഘാടനം ഇന്ന് ഉച്ചകഴിഞ്ഞ് 1.30ന് അറക്കുളം ആശുപത്രി ജംഗ്ഷനിൽ നിന്നും ബോധവൽക്കരണ റാലയോടെ ആരംഭിച്ച് മൂലമറ്റം സെന്റ് ജോസഫ് കോളേജിൽ സമാപിക്കും. തുടർന്ന് പൊതുസമ്മേളനം, സെമിനാർ, രക്തദാന പ്രതിജ്ഞ, എക്‌സിബിഷൻ എന്നിവ നടത്തും.
ജില്ലാതല ഉദ്ഘാടനം ഇടുക്കി ബ്ലോക്ക് പഞ്ചായത്ത് പ്രസിഡന്റ് റെജി മുക്കാട്ട് നിർവ്വഹിക്കും. അറക്കുളം പഞ്ചായത്ത് മെമ്പർ ടോമി ജോസഫ് അദ്ധ്യക്ഷത വഹിക്കും. ജില്ലാ മെഡിക്കൽ ഓഫീസർ ഡോ. പ്രിയ എൻ മുഖ്യപ്രഭാഷണം നടത്തും. നോഡൽ ഓഫീസർ ഡോ. സുരേഷ് വർഗ്ഗീസ് വിഷയാവതരണം നടത്തും. ജില്ലാ പഞ്ചായത്ത് മെമ്പർ സി.വി. സുനിത, ബ്ലോക്ക് പഞ്ചായത്ത് മെമ്പർ ലീന അഗസ്റ്റിൻ, ഗ്രാമപഞ്ചായത്ത് വൈസ് പ്രസിഡന്റ് ഉഷ ഗോപിനാഥ്, ആരോഗ്യ സ്റ്റാന്റിംഗ് കമ്മിറ്റി ചെയർപേഴ്‌സൺ ശ്രീകല ഗോപി, ഡെപ്യൂട്ടി ഡി.എം.ഒ ഡോ. പി.കെ. സുഷമ, ഡോ. ഗുരേഷ് വർഗ്ഗീസ്, കോളേജ് പ്രിൻസിപ്പാൾ സാജു എം സെബാസ്റ്റ്യൻ, ടെക്‌നിക്കൽ അസിസ്റ്റന്റ് കെ.എൻ. വനോദ്, ഡെപ്യൂട്ടി മാസ് മീഡിയ ഓഫീസർ ജയിംസ് സി.ജെ, ബ്ലോക്ക് മെഡിക്കൽ ഓഫീസർ കെ.സി ചാക്കോ, മെഡിക്കൽ ഓഫീസർ ഡോ. അനില ബേബി, ഹെൽത്ത് സൂപ്പർവൈസർ ജോജോ സിറിയക്, ജില്ലാ മാസ് മീഡിയ ഓഫീസർ തങ്കച്ചൻ ആന്റണി, അറക്കുളം ഹെൽത്ത് ഇൻസ്‌പെക്ടർ വിൽസൺ മാത്യു എന്നിവർ സംസാരിക്കും.