തൊടുപുഴ: തൊടുപുഴയിൽ പ്രവർത്തിക്കുന്ന ആത്മഹത്യാ പ്രതിരോധ സന്നദ്ധ സംഘടനയായ ഉണർവിന്റെ ആഭിമുഖ്യത്തിൽ 'ആത്മഹത്യകൾ മാനസികാരോഗ്യ പശ്ചാത്തലത്തിൽ' എന്ന വിഷയത്തിൽ സെമിനാർ നടത്തി. കൂത്താട്ടുകുളം സന്തുഹോസ്പിറ്റൽ ഡയറക്ടറും ക്ലിനിക്കൽ സൈക്കോളജിസ്റ്റുമായ ഫാ. എഡ്വേർഡ് ജോർജ്ജ് മുഖ്യപ്രഭാഷണം നടത്തി. ഡോ. ജോൺ മുഴുത്തേറ്റ്, ഡോ. ലിനു തോമസ്, കൊച്ചി മൈത്രിയിലെ അനിൽ, ജെയിംസ് എന്നിവർ ചർച്ചകൾക്ക് നേതൃത്വം നൽകി. ഉണർവ് പ്രസിഡന്റ് ജോസ് സി. പീറ്റർ അദ്ധ്യക്ഷത വഹിച്ചു. ആത്മഹത്യാ പ്രവണത ഉള്ളവരോ മറ്റു മാനസിക പിരിമുറുക്കം അനുഭവിക്കുന്നവരോ നേരിട്ട് ഇടുക്കി റോഡിൽ പീറ്റേഴ്സ് 9 ബിൽഡിംഗിലുള്ള ഉണർവ്വിൽ വന്നോ ഫോണിലൂടെയോ (04862 225544) ബന്ധപ്പെടാം. സമയം - എല്ലാ ദിവസവും 1 മണി മുതൽ അഞ്ച് വരെ. ഈ സേവനം തികച്ചും സൗജന്യവും സ്വകാര്യവും ആയിരിക്കും.