കാസർകോട്: ഖത്തറിലേക്കുള്ള വിമാന യാത്രയ്ക്കിടെ ദേഹാസ്വാസ്ഥ്യം അനുഭവപ്പെട്ട പ്രവാസി മരിച്ചു. ചെട്ടുംകുഴി എം.ഇ.എസ് കെ.എസ്. അബ്ദുള്ള ഇംഗ്ലീഷ് മീഡിയം സ്കൂൾ റോഡിലെ ആലിക്കോയ (63) യാണ് മരിച്ചത്. ഇന്നലെ പുലർച്ചെ നാലോടെയാണ് സംഭവം. ഖത്തറിൽ കോടതിയിൽ ജീവനക്കാരനായ ആലിക്കോയ അവധി കഴിഞ്ഞ് ഞായറാഴ്ച വൈകിട്ട് അഞ്ചു മണിക്കാണ് മംഗളൂരു വിമാനത്താവളം വഴി ഖത്തറിലേക്ക് പുറപ്പെട്ടത്. വിമാനത്തിൽ ദേഹാസ്വാസ്ഥ്യം അനുഭവപ്പെട്ടതിനാൽ അടിയന്തരമായി മസ്കറ്റിൽ ഇറക്കുകയായിരുന്നു. ഉടനേ മസ്കറ്റിലെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. മൃതദേഹം നാട്ടിലെത്തിക്കാനുള്ള ശ്രമത്തിലാണ്.

കോഴിക്കോട് കല്ലായി പള്ളിക്കണ്ടി സ്വദേശിയാണ്. 40 വർഷത്തിലധികമായി ഖത്തറിലെ കോടതിയിലെ ജീവനക്കാരനായിരുന്നു. ബിച്ചുമ്മദ് - ഹലീമകുട്ടി ദമ്പതികളുടെ മകനാണ്. ഭാര്യമാർ: റസീഖ കോഴിക്കോട്, ഹലീമ ബാങ്കോട് തളങ്കര. മക്കൾ: നിസാം (ഖത്തർ), താജുദ്ദീൻ, നജ്മുന്നിസ, അമീറ, അസീറ. ഇബ്രാഹിം ബാദുഷ (ഖത്തർ), മരുമക്കൾ: സഫീന, റഹ്മത്ത്, ഫൈസൽ, ലുക്ക്മാൻ, അഷ്റഫ് (ഇരുവരും ലൂംസ് ബേക്കറി പാർട്ട്ണേഴ്സ്)