വൈക്കം: ശ്രീനാരായണ ഗുരുദേവ ജയന്തിയുടെ മുന്നോടിയായി എസ്.എൻ.ഡി.പി യോഗം വൈക്കം യൂണിയനും 54 ശാഖാ യോഗങ്ങളും പതാകദിനം ആചരിച്ചു. യൂണിയൻ ആസ്ഥാനത്ത് പ്രസിഡന്റ് പി.വി.ബിനേഷ് പതാക ഉയർത്തി. സെക്രട്ടറി എം.പി.സെൻ, വൈസ് പ്രസിഡന്റ് കെ.ടി.അനിൽ കുമാർ, യോഗം അസി.സെക്രട്ടറി പി.പി.സന്തോഷ്, ഭാരവാഹികളായ രാജേഷ് മോഹൻ, കെ.കെ.ഹരിദാസ്, വിജയൻ, വി.വേലായുധൻ, സുധീർ ഇടവട്ടം, പി.വി.വിവേക്, രതീഷ് അക്കരപ്പാടം, വനിതാസംഘം പ്രസിഡന്റ് ഷീജ സാബു, വൈസ് പ്രസിഡന്റ് രമാ സജീവൻ തുടങ്ങിയവർ പങ്കെടുത്തു. യൂണിയന്റെ കീഴിലുള്ള 54 ശാഖകളിൽ ശാഖാ പ്രസിഡന്റുമാർ പതാക ഉയർത്തി. എല്ലാ ഭവനങ്ങളിലും സ്ഥാപനങ്ങളിലും പീതവർണ്ണക്കൊടികൾ കെട്ടി.