പാലാ: കേരളത്തിൽ മാറ്റത്തിന്റെ രാഷ്ട്രിയ സാഹചര്യമാണ് നിലവിൽ ഉള്ളതെന്നും അതിനു മുന്നോടിയായിട്ടുള്ള തിരഞ്ഞെടുപ്പാണ് പാലായിൽ നടക്കാൻ പോകുന്നതെന്നും ബി.ജെ.പി സംസ്ഥാന പ്രസിഡന്റ് പി.എസ്.ശ്രീധരൻ പിള്ള പറഞ്ഞു. യുവമോർച്ച സംഘടിപ്പിച്ച യുവസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എൻ.ഡി.എ സ്ഥാനാർഥി എൻ.ഹരിയെ സമ്മേളന അദ്ധ്യക്ഷൻ ലാൽ കൃഷ്ണ ഷാൾ അണിയിച്ചു. സംസ്ഥാന സെക്രട്ടറി അഖിൽ രവീന്ദ്രൻ, കർഷകമോർച്ച സംസ്ഥാന പ്രസിഡന്റ് എസ്.ജയസൂര്യൻ, ന്യൂനപക്ഷമോർച്ച സംസ്ഥാന പ്രസിഡന്റ് അഡ്വ.നോബിൾ മാത്യു, ബി.ജെ.പി ജില്ലാ സെക്രട്ടറി കെ.പി. ഭുവനേഷ്, യുവമോർച്ച ജില്ലാ ജനറൽ സെക്രട്ടറി ശരത് കുമാർ, സംസ്ഥാന സമിതി അംഗം വിനയകുമാർ,ജില്ലാ ഭാരവാഹികളായ മഹേഷ് ചന്ദ്രൻ, വി.പി.മുകേഷ്,ഗിരീഷ് കുമാർ വടവാതൂർ, ആർ ദീപു, കെ.ആർ ശ്യാം തുടങ്ങിയവർ സംസാരിച്ചു.

---

യുവമോർച്ച പാലായിൽ സംഘടിപ്പിച്ച യുവസംഗമം ബി.ജെ.പി സംസ്ഥാന അദ്ധ്യക്ഷൻ പി.എസ്.ശ്രീധരൻ പിള്ള ഉദ്ഘാടനം ചെയ്യുന്നു