പാലാ: ശ്രീനാരായണ ഗുരുദേവന്റെ 165-ാമത് ജയന്തി വിപുലമായ പരിപാടികളോടെ നാടെങ്ങും ആഘോഷിച്ചു. എസ്.എൻ.ഡി.പി. യോഗം മീനച്ചിൽ യൂണിയനു കീഴിലെ 48 ശാഖകളിലും പതാക ഉയർത്തൽ, ഗുരുപൂജ, ഘോഷയാത്ര, സമൂഹപ്രാർത്ഥന, സമൂഹസദ്യ, പായസവിതരണം, സാംസ്‌കാരിക സമ്മേളനം എന്നിവ ഉണ്ടായിരുന്നു.

എസ്.എൻ.ഡി.പി യോഗം 158ാം നമ്പർ ഏഴാച്ചേരി ശാഖയിൽ രാവിലെ 7ന് ഗുരുപൂജ നടന്നു., 8.30ന് ശാഖാ പ്രസിഡന്റ് പി.ആർ. പ്രകാശ് പെരികിനാൽ പതാക ഉയർത്തി . 9ന് നടന്ന സർവൈശ്വര്യപൂജയിൽ നിരവധി ഭക്തർ പങ്കെടുത്തു. സാംസ്‌കാരിക സമ്മേളനം മീനച്ചിൽ യൂണിയൻ ചെയർമാൻ അഡ്വ. കെ.എം. സന്തോഷ് കുമാർ ഉദ്ഘാടനം ചെയ്തു. അഡ്വ. കെ. അനിൽകുമാർ ജയന്തിദിന സന്ദേശം നൽകി. പി.ആർ. പ്രകാശിന്റെ അദ്ധ്യക്ഷതയിൽ ചേർന്ന സമ്മേളനത്തിൽ ശാഖാ സെക്രട്ടറി കെ.ആർ. ദിവാകരൻ കൈപ്പനാനിക്കൽ, ടി.കെ. വാരിജാക്ഷൻ, പി.ഡി. സജി, സാബു ജി, മാസ്റ്റർ അഭിരാം തുടങ്ങിയവർ ആശംസകൾ നേർന്നു. ശാഖാ വൈസ് പ്രസിഡന്റ് റ്റി.എസ്. രാമകൃഷ്ണൻ തയ്യിൽ സ്‌കോളർഷിപ്പ് വിതരണം ചെയ്തു.. ശാഖാ കമ്മറ്റിയംഗം വി.എസ്. പീതാംബരൻ സമ്മാനദാനം നിർവഹിച്ചു. കെ.ആർ. ദിവാകരൻ സ്വാഗതവും ശോഭന സോമൻ നന്ദിയും പറഞ്ഞു.. തുടർന്ന് പ്രസാദമൂട്ടും പായസവിതരണവുമുണ്ടായിരുന്നു.

എസ്.എൻ.ഡി.പി യോഗം 4035ാം നമ്പർ മല്ലികശ്ശേരി ശാഖയിൽ രാവിലെ 7ന് ശാഖാ പ്രസിഡന്റ് ഇ.കെ. രാജൻ ഈട്ടിക്കൽ പതാക ഉയർത്തി.. 8.30 ന് ഗുരുപൂജയും സമൂഹപ്രാർത്ഥനയും 12.30 പ്രസാദമൂട്ടം 1.30 ന് ജയന്തി ഘോഷയാത്രയും നടന്നു. രാത്രി 7 ന് നടന്ന ജയന്തി സമ്മേളനത്തിൽ ശാഖാ പ്രസിഡന്റ് ഇ.കെ. രാജൻ അദ്ധ്യക്ഷത വഹിച്ചു. സ്‌കോളർഷിപ്പ് വിതരണവും സമ്മാനദാനവും നടന്നു.

എസ്.എൻ.ഡി.പി യോഗം 896ാം നമ്പർ മേലുകാവ് ശാഖയിൽ രാവിലെ 10.30 ന് ജയന്തി ഘോഷയാത്ര അഡ്വ. കെ.എം. സന്തോഷ് കുമാർ ഉദ്ഘാടനം ചെയ്തു. ഗുരുപൂജ, ഗുരുപുഷ്പാജ്ഞലി, ഗണപതിഹോമം എന്നിവയും നടന്നു. 1.30 ന് നടന്ന പൊതുസമ്മേളനം അനീഷ് ഉദ്ഘാടനം ചെയ്തു. എ.എസ്. ശശി അദ്ധ്യക്ഷത വഹിച്ചു. അനുരാഗ് പാണ്ടിക്കാട്ട് ജയന്തി സന്ദേശം നൽകി.. എൻ. ഭാസ്‌കരൻ സ്‌കോളർഷിപ്പ് വിതരണം ചെയ്തു. കെ. ബെന്നി സമ്മാനങ്ങൾ വിതരണം ചെയ്തു. ബിന്ദു വിനു, സൈജു ഭാസ്‌കരൻ, ഓമന ശിവരാമൻ, കെ.ആർ. സോമൻ, എൻ.കെ. പ്രകാശൻ എന്നിവർ ആശംസകൾ നേർന്നു.

കിടങ്ങൂർ: എസ്.എൻ.ഡി.പി യോഗം കിടങ്ങൂർ ശാഖയിലെ ആഘോഷം ശിവപുരം ക്ഷേത്രാങ്കണത്തിൽ നടന്നു. രാവിലെ 6ന് ക്ഷേത്രത്തിൽ മഹാഗണപതിഹോമം, 6.30ന് ഗുരുപൂജ, 7ന് ഉഷ:പൂജ, 8.30ന് പതാക ഉയർത്തൽ-മേൽശാന്തി അനീഷ് കിടങ്ങൂർ എന്നിവ ഉണ്ടായിരുന്നു.9ന് വിശേഷാൽപൂജ, കുടുംബപൂജ,10ന് കലാമത്സരങ്ങൾ,11ന് അത്തപ്പൂക്കളമത്സരം, 11.30ന് ബിന്ദു പ്രകാശിന്റെ പ്രഭാഷണം, തുടർന്ന് എൻഡോവ്‌മെന്റ് വിതരണം,സമ്മാനദാനം.12.30ന് മഹാപ്രസാദമൂട്ട്. എന്നിവയും നടന്നു.

തിടനാട്: എസ്.എൻ.ഡി.പി യോഗം തിടനാട് ശാഖയുടെ ആഭിമുഖ്യത്തിൽ രാവിലെ 8ന് പതാക ഉയർത്തൽ, 9ന് സമൂഹപ്രാർത്ഥന, ഗുരുദേവ കൃതികളുടെ പാരായണം, ഉച്ചയ്ക്ക് 12ന് പിണ്ണാക്കനാട് ഗുരുമന്ദിരത്തിൽ ഗൂരുപൂജ,പ്രസാദമൂട്ട്, 12.30ന് പ്രസാദ് കൂരോപ്പടയുടെ ചതയദിന സന്ദേശം, ഉച്ചകഴിഞ്ഞ് 2.30ന് പിണ്ണാക്കനാട് ഗുരുദേവ മന്ദിരത്തിൽ നിന്ന് രഥഘോഷയാത്ര. 4.15ന് തിടനാട് ഗുരുദേവമന്ദിരത്തിൽ ഗുരുപൂജ തുടർന്ന്. വിദ്യാഭ്യാസ അവാർഡ് വിതരണം,പായസവിതരണം എന്നിവ നടന്നു.

ഇടപ്പാടി: ആനന്ദഷൺമുഖ ക്ഷേത്രത്തിന്റേയും എസ്.എൻ.ഡി.പി. യോഗം ഇടപ്പാടി ശാഖയുടേയും സംയുക്താഭിമുഖ്യത്തിൽ ശ്രീനാരായണ ഗുരുദേവജയന്തിയും ഓണാഘോഷവും സംയുക്തമായി നടത്തി. ക്ഷേത്രയോഗം പ്രസിഡന്റ് എം.എൻ. ഷാജി മുകളേൽ പതാക ഉയർത്തി.. ഉച്ചകഴിഞ്ഞ് ഭരണങ്ങാനം കാണിക്കമണ്ഡപം ജംഗ്ഷനിൽനിന്ന് ഘോഷയാത്ര ക്ഷേത്രസന്നിധിയിലേക്ക്, നടന്നു. ജയന്തി സമ്മേളനത്തിൽ ഇടപ്പാടി ശാഖാ പ്രസിഡന്റ് വത്സലാ ബോസ് അദ്ധ്യക്ഷതവഹിച്ചു. വൈക്കം സനീഷ് ശാന്തി മുഖ്യ പ്രഭാഷണം നടത്തി. മത്സര വിജയികൾക്ക് ക്ഷേത്രയോഗം സെക്രട്ടറി ഒ.എം. സുരേഷ് ഇട്ടികുന്നേൽ സമ്മാനദാനം നിർവഹിച്ചു.

മൂന്നാംതോട്: എസ്.എൻ.ഡി.പി. യോഗം മൂന്നാംതോട് ശാഖയുടേയും പോഷകസംഘടനകളുടേയും സംയുക്താഭിമുഖ്യത്തിൽ ഗുരുദേവ ജയന്തിദിനാഘോഷം നടത്തി. രാവിലെ പത്തിന് ശാഖാ പ്രസിഡന്റ് ഇ.കെ. സന്തോഷ് പതാക ഉയർത്തി. പത്തര മുതൽ പ്രാർത്ഥനാ മഞ്ജരി, ഉച്ചയ്ക്ക് 12ന് ശാഖാങ്കണത്തിൽനിന്ന് ജയന്തി ഘോഷയാത്ര, തുടർന്ന് മഹാപ്രസാദമൂട്ട്, പായസ വിതരണം. എന്നിവയുമുണ്ടായിരുന്നു.

എസ്.എൻ.ഡി.പി യോഗം മാറിടം ശാഖയിലെ ഗുരുദേവ പ്രതിഷ്ഠാ വാർഷികവും ഗുരുദേവ ജയന്തി ആഘോഷവും സംയുക്തമായി നടത്തി. രാവിലെ ഗുരുപൂജ,ഗുരുപുഷ്പാഞ്ജലി, 8.30ന് ജയന്തിഘോഷയാത്ര. തുടർന്ന് കായികമത്സരങ്ങൾ. 11ന് പ്രഭാഷണം-കെ.എസ് ജയപ്രകാശ് മോനിപ്പള്ളി എന്നിവ നടന്നു. ചതയദിന സന്ദേശം,ശാഖാ സെക്രട്ടറി ബാബു വെള്ളൂർ നൽകി. പ്രസാദമൂട്ട്. തുടർന്ന് കലാകായിക മത്സരങ്ങൾ. എന്നിവയും നടത്തി. വിജയികൾക്ക് ശാഖാ വൈസ് പ്രസിഡന്റ് ശിവൻ അറയ്ക്കമറ്റം സമ്മാനങ്ങൾ വിതരണം ചെയ്തു. വൈകിട്ട് സമൂഹപ്രാർത്ഥന, ദീപാരാധന എന്നിവയും ഉണ്ടായിരുന്നു.

എസ്.എൻ.ഡി.പി യോഗം 3249ാം നമ്പർ നീലൂർ ശാഖയിൽ രാവിലെ 9 ന് ശാഖാ പ്രസിഡന്റ് തങ്കച്ചൻ കുന്നേൽ പതാക ഉയർത്തി. തുടർന്ന് സമൂഹപ്രാർത്ഥനയും, ഗുരുപൂജയുമുണ്ടായിരുന്നു. 1ന് സമൂഹസദ്യ. 2ന് രഥഘോഷയാത്ര എന്നിവ നടന്നു. 4ന് നടന്ന ചതയദിന സമ്മേളനം മീനച്ചിൽ യൂണിയൻ കൺവീനർ അഡ്വ. കെ.എം. സന്തോഷ് കുമാർ ഉദ്ഘാടനം ചെയ്തു. സുഷമ സുരൻ പൂഞ്ഞാർ മുഖ്യ പ്രഭാഷണം നടത്തി. തങ്കച്ചൻ കുന്നേൽ അദ്ധ്യക്ഷത വഹിച്ചു. ലളിത രാജു പാറയ്ക്കൽ , ഗോപിനാഥൻ കല്ലേപ്പിള്ളിൽ, അനീഷ് പി.ജി, ഷൈല വിനോദ് എന്നിവർ പ്രസംഗിച്ചു. വിദ്യാഭ്യാസ അവാർഡ് ദാനവും കുട്ടികളുടെ ഡാൻസും അരങ്ങേറ്റവുമുണ്ടായിരുന്നു.

കൊല്ലപ്പിള്ളി: 1889ാം നമ്പർ ശാഖയിൽ രാവിലെ 7ന് പ്രസിഡന്റ് സാംകുമാർ കൊല്ലപ്പിള്ളിൽ പതാക ഉയർത്തി. തുടർന്ന് ഗണപതി ഹോമം, മഹാഗുരുപൂജ, മഹാപ്രസാദമൂട്ട്, ഉച്ചകഴിഞ്ഞ് ഘോഷയാത്ര, പ്രസാദ വിതരണം, പായസവിതരണം, ദീപാരാധന എന്നിവയുമുണ്ടായിരുന്നു.

അരീക്കര: എസ്. എൻ. ഡി. പി. 157-ാമത് ശാഖയിൽ രാവിലെ 6.30 മുതൽ ഗുരുപൂജ, വഴിപാടുകൾ, 8 മുതൽ സമൂഹപ്രാർത്ഥന.10ന് ഗുരുദേവ പ്രഭാഷണം പി.പി. നിർമ്മലൻ, 12.30ന് പ്രസാദമൂട്ട് എന്നിവ നടന്നു. പരിപാടികൾക്ക് എ.എം. ഷാജി അമ്മായികുന്നേൽ, സന്തോഷ് പൊട്ടക്കാനാൽ എന്നിവർ നേതൃത്വം നൽകി.

വള്ളിച്ചിറ: 4236ാം നമ്പർ ശാഖയിൽ രാവിലെ 7ന് പതാക ഉയർത്തി. തുടർന്ന് ഐ.ഡി. സോമൻ ഇഞ്ചനാൽ പുതിയ തിടമ്പ് സമർപ്പിച്ചു.. തുടർന്ന് ഗുരുപൂജ സനീഷ് ശാന്തികൾ നേതൃത്വം നൽകി. 9 മുതൽ ഗുരുദേവ കീർത്തനാലാപനം. 12.30ന് ചതയ സദ്യ. 2 മുതൽ ചതയദിന ഘോഷയാത്ര തുടർന്ന് പായസവിതരണം എന്നിവ ഉണ്ടായിരുന്നു. വൈകിട്ട് ശാഖാ അഡ്മിനിസ്‌ട്രേറ്റർ ഷിബു കല്ലറയ്ക്കലിന്റെ അദ്ധ്യക്ഷതയിൽ ചേർന്ന സാംസ്‌കാരിക സമ്മേളനം കരൂർ പഞ്ചായത്ത് പ്രസിഡന്റ് ഓമന ബാലകൃഷ്ണൻ ഉദ്ഘാടനം ചെയ്തു. മീനച്ചിൽ യൂണിയൻ ചെയർമാൻ എ.ജി. തങ്കപ്പൻ ചതയദിന സന്ദേശം നൽകി. അഡ്വ. കെ.എം. സന്തോഷ് കുമാർ, അനീഷ് കോലത്ത്. സന്ധ്യ ബിനു, ഐ.ഡി സോമൻ, ശശീന്ദ്രബാബു, ഒ.എൻ. ബാലകൃഷ്ണൻ തുടങ്ങിയവർ ആശംസകൾ നേർന്നു

എസ്. എൻ.ഡി.പി. 161ാം നമ്പർ രാമപുരം ശാഖയിൽ ശ്രീനാരായണ ജയന്തി ആഘോഷ ഭാഗമായി വിവിധ പരിപാടികൾ നടത്തി. ഉച്ചതിരിഞ്ഞ് കൊണ്ടാട് സുബ്രഹ്മണ്യ ഗുരുദേവക്ഷേത്രത്തിൽ നിന്നും രാമപുരം ഗുരുമന്ദിരത്തിലേക്ക് ജയന്തി ഘോഷയാത്ര പുറപ്പെട്ടു. യൂണിയൻ കമ്മിറ്റിയംഗം ഷിബു കല്ലറയ്ക്കൽ ഫ്ലാഗ് ഓഫ് ചെയ്തു. അനീഷ് ഇരട്ടയാനി ആശംസകൾ നേർന്നു. വൈകിട്ട് നടന്ന ജയന്തി സമ്മേളനം മന്ത്രി എം. എം. മണി ഉദ്ഘാടനം ചെയ്തു.. ശാഖാ പ്രസിഡന്റ് സുകുമാരൻ പെരുമ്പ്രായിൽ.അദ്ധ്യക്ഷത വഹിച്ചു. ബൈജു ജോൺ ജയന്തി സന്ദേശം നൽകി. അനിതാ രാജു മുഖ്യ പ്രഭാഷണം നടത്തി.. ദേവസ്വം സെക്രട്ടറി പി.ആർ. രവി, വനജാ ശശി എന്നിവർ സ്‌കോളർഷിപ്പുകൾ വിതരണം ചെയ്തു.. കെ.ആർ. ശശിധരൻ , സി.റ്റി. രാജൻ, ഷൈനി സന്തോഷ്, സുരേന്ദ്രൻ അറയാനിക്കൽ, മിനി ശശി, കെ.എ. രവി, സുധാകരൻ വാളി പ്ലാക്കൽ, സന്തോഷ് കിഴക്കേക്കര എന്നിവർ ആശംസകൾ നേർന്നു..

തെക്കുംമുറി: എസ്. എൻ. ഡി.പി യോഗം 3385ാം നമ്പർ ശാഖയിൽ രാവിലെ 8ന് പ്രസിഡന്റ് സതീശ് പാലം പുരയിടം പതാക ഉയർത്തി. 8.30ന് സമൂഹപ്രാർത്ഥന. 9.30 മുതൽ കലാകായിക മത്സരങ്ങൾ 1 ന് മഹാപ്രസാദമൂട്ട് എന്നിവയുമുണ്ടായിരുന്നു. വൈകിട്ട് ചതയദിന ഘോഷയാത്ര നടത്തി. 7ന് ദീപാരാധന നടന്നു. 7.30 ന് ശാഖാ പ്രസിഡന്റ് എം.എൻ. സതീശ് പാലം പുരയിടം സമ്മാനങ്ങൾ വിതരണം ചെയ്തു.

എസ്.എൻ.ഡി.പി യോഗം 781ാം നമ്പർ മീനച്ചിൽ ശാഖയിൽ ചതയനാളിൽ രാവിലെ 8 ന് ശാഖാ പ്രസിഡന്റ് വി.കെ. ഹരിദാസ് വലിയമറ്റത്തിൽ പതാക ഉയർത്തി. ദേവരാജൻ വാര്യവീട്ടിൽ നിന്നും ഘോഷയാത്ര നടന്നു . 12ന് ചേർന്ന സമ്മേളനം മുൻശാഖ പ്രസിഡന്റ് പി.കെ. രാമൻ പുറക്കുന്നേൽ ഉദ്ഘാടനം ചെയ്തു. ശോഭന ഭാസ്‌കരൻ ചതയദിന സന്ദേശം നൽകി. സിബി ഇ.സി. എൻഡോവ്‌മെന്റ് വിതരണം ചെയ്തു. ലീലാ ഗോവിന്ദൻ സ്‌കോളർഷിപ്പ് വിതരണം ചെയ്തു.. ഘോഷയാത്ര വിജയികൾക്കുള്ള സമ്മാനദാനം കെ.ഡി. സുകുമാരൻ നിർവഹിച്ചു. ചികിത്സാ സഹായവിതരണം വി.കെ. ശിവൻ നിർവഹിച്ചു. മികച്ച വിജയം നേടിയ കുട്ടികളെ എൻ. ബാബു ഇരിക്കാട്ട് ആദരിച്ചു.. സമ്മേളനത്തിൽ ശാഖാ പ്രസിഡന്റ് വി.കെ. ഹരിദാസ് വലിയമറ്റത്തിൽ അദ്ധ്യക്ഷത വഹിച്ചു.. വി.എൻ. വിജയൻ വാഴയിൽ, സിറ്റി. പ്രകാശ്, സുനിൽ വി.എസ്, രാജേഷ് ഇ.റ്റി., സിന്ധു ഷാജു, വിഷ്ണുപ്രിയ തുടങ്ങിയവർ ആശംസകൾ നേർന്നു.. ചതയസദ്യയും ഗുരുപൂജയും ഉണ്ടായിരുന്നു.

കിടങ്ങൂർ പിറയാർ 1223ാം നമ്പർ ശാഖയിൽ രാവിലെ 8ന് ശാഖാ പ്രസിഡന്റ് കെ. ഗോപിനാഥ് കറുകശ്ശേരിൽ പതാക ഉയർത്തി. 8.30ന് ഗുരുദേവ ഭാഗവത പാരായണം രാമകൃഷ്ണൻ ഐക്കരേട്ട്, 9.30 മുതൽ ഗുരുപൂജ, 10.30ന് പി.കെ. രാജമ്മ ടീച്ചറിന്റെ പ്രഭാഷണം എന്നിവ നടന്നു, തുടർന്ന് നടന്ന ജയന്തി സമ്മേളനം മീനച്ചിൽ യൂണിയൻ കൺവീനർ അഡ്വ.കെ.എം. സന്തോഷ് കുമാർ ഉദ്ഘാടനം ചെയ്തു.. കരുണാകരൻ ടി.കെ, പ്രൊഫ. മെൽബി ജേക്കബ്, കുമാരി ആര്യാ അരവിന്ദ്, നിർമ്മല ശശി, കെ. ഗോപിനാഥൻ തുടങ്ങിയവർ പ്രസംഗിച്ചു.

എസ്.എൻ.ഡി.പി യോഗം 3245ാം നമ്പർ ഈരാറ്റുപേട്ട ശാഖയിൽ ശാഖാ ചെയർമാൻ കെ.ആർ. മനോജ് പതാക ഉയർത്തി.. തുടർന്ന് രഥഘോഷയാത്ര നടന്നു., ജയന്തി സമ്മേളനം അഡ്വ. കെ.എം. സന്തോഷ്‌കുമാർ ഉദ്ഘാടനം ചെയ്തു.. രവീന്ദ്രൻ കൊമ്പനാൽ ജയന്തി സന്ദേശം നൽകി. ആർ. നന്ദകുമാർ സ്‌കോളർഷിപ്പുകൾ വിതരണം ചെയ്തു. ഗീതാ നോബിൾ സമ്മാനദാനം നിർവ്വഹിച്ചു. കുഞ്ഞുമോൾ നന്ദൻ, സുമ ബാബു, സുമ വിജയൻ, രാജേഷ് എം.ആർ. ഡാനീഷ് മൂഴിയ്ക്കൽ, ആര്യ വിജയൻ, ബിജു എ.എസ്. എന്നിവർ പ്രസംഗിച്ചു.

എസ്.എൻ.ഡി.പി 780ാം നമ്പർ അമ്പാറ ശാഖയിൽ രാവിലെ 6ന് അഷ്ടദ്രവ്യമഹാ ഗണപതിഹോമം നടന്നു., 8ന് ശാഖാ പ്രസിഡന്റ് വിജയൻ പി.ജി. പതാക ഉയർത്തി. 8.15 ന് ഗുരുപൂജ നടന്നു, 9.30 ന് നടന്ന ജയന്തിദിന ഘോഷയാത്ര അഡ്വ. കെ.എം. സന്തോഷ് കുമാർ ഉദ്ഘാടനം ചെയ്തു. തുടർന്ന് ഗുരുപൂജ സമർപ്പണം, സനീഷ് ചെല്ലപ്പന്റെ പ്രഭാഷണം . സ്‌കോളർഷിപ്പ് വിതരണം, 1 ന് മഹാപ്രസാദഊട്ട്, വൈകിട്ട് 6 ന് ദീപാരാധന. എന്നിവയുമുണ്ടായിരുന്നു.

എസ്.എൻ.ഡി.പി യോഗം 1131ാം നമ്പർ വയല ശാഖയിൽ രാവിലെ 8 ന് ശാഖാ പ്രസിഡന്റ് പി.റ്റി. അനിൽകുമാർ പതാക ഉയർത്തി. 9.30 ന് ഗുരുദേവ കീർത്തനാലാപനം, 12.30 ന് ഗുരുപൂജ, 2 ന് വയല നെല്ലിക്കുന്ന് ജംഗ്ഷനിൽ നിന്നും ഘോഷയാത്ര, എന്നിവ നടന്നു. വയല ബാങ്ക് ജംഗ്ഷനിലും സ്‌കൂൾ ജംഗ്ഷനിലും ഘോഷയാത്രയ്ക്ക് സ്വീകരണം നൽകി. ഘോഷയാത്ര സമാപനവും തുടർന്ന് എൻഡോവ്‌മെന്റ് വിതരണവും പായസ സദ്യയും നടത്തി.

എസ്.എൻ.ഡി.പി യോഗം 1135ാം നമ്പർ കുമ്മണ്ണൂർ ശാഖയിൽ രാവിലെ 6ന് ഗണപതിഹോമം, ഗുരുപൂജ, സമൂഹപ്രാർത്ഥന, 9ന് ശാഖാ പ്രസിഡന്റ് കെ.കെ. ഗോപിനാഥൻ പതാക ഉയർത്തി. 10ന് സമൂഹ പ്രാർത്ഥന, 12 ന് ഗുരുപൂജ, എന്നിവ നടന്നു. വൈകിട്ട് അഡ്വ. കെ.എം. സന്തോഷ് കുമാർ ചതയദിന സന്ദേശം നൽകി.. 4ന് ഗുരുദേവ ചൈതന്യ യാത്ര കിടങ്ങൂർ പഞ്ചായത്ത് പ്രസിഡന്റ് ഷൈബി മാത്യു ഉദ്ഘാടനം ചെയ്തു. പി.എൻ. ബിനു, അഖിൽ കെ. രാധാകൃഷ്ണൻ, ബിന്ദു രമേശ്, ജയൻ കുമ്മണ്ണൂർ തുടങ്ങിയവർ പ്രസംഗിച്ചു. വിനോദ് ശാന്തി അനുഗ്രഹ പ്രഭാഷണം നടത്തി. വൈകിട്ട് ദീപാരാധനയും ഭജനയും നടന്നു

എസ്.എൻ.ഡി.പി. യോഗം കെഴുവംകുളം ശാഖയുടെ ആഭിമുഖ്യത്തിൽ ശ്രീനാരായണ ഗുരുദേവ ജയന്തിയാഘോഷം നടത്തി. രാവിലെ അഞ്ചരയ്ക്ക് ഗണപതിഹോമം, 7.05ന് പതാക ഉയർത്തൽ-ശാഖാ പ്രസിഡന്റ് പി.എൻ. രാജു, 7.15 മുതൽ ഗുരുദേവകൃതികളുടെ ആലാപനം, എട്ടിന് വിശേഷാൽപൂജ, ഒൻപതിന് ജയന്തിദിന ഘോഷയാത്ര, പത്തിന് ഘോഷയാത്രകളുടെ സംഗമം, 10.15ന് സംയുക്ത ഘോഷയാത്ര, 10.45ന് മഹാഗുരുപൂജ, സമൂഹ പ്രാർത്ഥന, എന്നിവ നടന്നു. തുടർന്ന് നടന്ന ജയന്തിസമ്മേളനത്തിൽ ശാഖാ പ്രസിഡന്റ് പി.എൻ. രാജു അദ്ധ്യക്ഷത വഹിച്ചു. കൊഴുവനാൽ പഞ്ചായത്ത് പ്രസിഡന്റ് തോമസ് ജോർജ് തെക്കേൽ ഉദ്ഘാടനം ചെയ്തു. എലിക്കുളം ജയകുമാർ ജയന്തിദിന സന്ദേശം നൽകി. മഹാപ്രസാദമൂട്ട്, വൈകിട്ട് അഞ്ചിന് സർവ്വൈശ്വര്യപൂജ, ആറരയ്ക്ക് വിശേഷാൽ ദീപാരാധന, ദീപക്കാഴ്ച, ഏഴു മുതൽ വോഡാഫോൺ കോമഡിസ്റ്റാർ ഫെയിം ജോബി പാലാ അവതരിപ്പിച്ച കലാസന്ധ്യയും കോമഡിഷോയും. തുടർന്ന് ശാഖാംഗങ്ങളുടെ നേതൃത്വത്തിൽ വിവിധ കലാപരിപാടികളും നടന്നു.

പൊൻകുന്നം:എസ്.എൻ.ഡി.പി.യോഗം പൊൻകുന്നം ശാഖയിൽ ശ്രീനാരായണഗുരുദേവജയന്തി ഭക്തിനിർഭരമായ ചടങ്ങുകളോടെ നടന്നു.രാവിലെ ശാഖാ പ്രസിഡന്റ് ടി.എസ്.പ്രദീപ് പതാക ഉയർത്തി.1.30ന് സത്യൻ പന്തത്തലയുടെ പ്രഭാഷണത്തിനുശേഷം അലങ്കാരഗോപുരത്തിന്റെ സമർപ്പണം പ്രസിഡന്റ് നിർവഹിച്ചു. ശാഖയ്ക്ക് അലങ്കാരഗോപുരം നിർമ്മിച്ച് നൽകിയ പ്രമുത്ത് തകടിയേലിനെ യൂണിയൻ സെക്രട്ടറി അഡ്വ.പി.ജീരാജ് പൊന്നാട അണിയിച്ച് ആദരിച്ചു.തുടർന്ന് ജയന്തി ഘോഷയാത്രയും സമ്മേളനവും നടന്നു.

പറത്താനം:എസ്.എൻ.ഡി.പി.യോഗം 2634ാം നമ്പർ ശാഖയിൽ ഗുരുദേവജയന്തി ആഘോഷത്തോടനുബന്ധിച്ച് നടന്ന ജയന്തി ഘേഷയാത്രയിൽ നൂറുകണക്കിന് പേർ പങ്കെടുത്തു.പൊതുസമ്മേളനവും വിദ്യാഭ്യാസ അവാർഡ് വിതരണവും നടന്നു. ശാഖാ പ്രസിഡന്റ് കെ.വി.ജയലാൽ അദ്ധ്യക്ഷനായി. യൂണിയൻ പ്രസിഡന്റ് ബാബു ഇടയാടിക്കുഴി ഉദ്ഘാടനം ചെയ്തു. സെക്രട്ടറി അഡ്വ.പി.ജീരാജ് മുഖ്യപ്രഭാഷണവും മൂലമറ്റം ഗവ.വി.എച്ച്.എസ്.എസ് അദ്ധ്യാപകൻ കെ.എസ്.കീർത്തിമോൻ ചതയദിനസന്ദേശവും നൽകി.യൂണിയൻ വൈസ് പ്രസിഡന്റ് ലാലിറ്റ് എസ്.തകടിയേൽ,ശാഖാ സെക്രട്ടറി പി.വി.സുരേന്ദ്രൻ, യൂത്ത്മൂവ്‌മെന്റ് സെക്രട്ടറി കെ.ആർ വിനോദ് എന്നിവർ പ്രസംഗിച്ചു.

കാഞ്ഞിരപ്പള്ളി:എസ്.എൻ.ഡി.പി.യോഗം 55ാം നമ്പർ കാഞ്ഞിരപ്പള്ളി ശാഖയിൽ ചതയദിനാഘോഷവും 44ാമത് പ്രതിഷ്ഠാവാർഷികവും ഭക്തിനിർഭരമായ ചടങ്ങുകളോടെ നടന്നു. ജയന്തിഘോഷയാത്രയ്ക്ക് ശേഷം ശാഖാ പ്രസിഡന്റ് വി.ആർ.പ്രദീപിന്റെ അദ്ധ്യക്ഷതയിൽ നടന്ന സമ്മേളനം യൂണിയൻ പ്രസിഡന്റ് ബാബു ഇടയാടിക്കുഴി ഉദ്ഘാടനം ചെയ്തു.സെക്രട്ടറി അഡ്വ.പി.ജീരാജ് മുഖ്യപ്രഭാഷണവും അവാർഡ് വിതരണവും നടത്തി.വൈസ് പ്രസിഡന്റ് ലാലിറ്റ് എസ്.തകടിയേൽ ചതയദിന സന്ദേശം നൽകി.ശാഖാ സെക്രട്ടറി ജി.സുനിൽകുമാർ വൈസ് പ്രസിഡന്റ് പി.എം.മണി എന്നിവർ പ്രസംഗിച്ചു.

പള്ളിക്കത്തോട്:ആനിക്കാട് ഗുരുദേവദർശന കൂട്ടായ്മയുടെ ആഭിമുഖ്യത്തിൽ ആനിക്കാട്,ആനിക്കാട് പടിഞ്ഞാറ്,അരുവിക്കുഴിമാടപ്പാട്ട്,ഇളമ്പള്ളി എന്നീ ശാഖകളുടെ നേതൃത്വത്തിൽ ഗുരുദേവജയന്തി ദിനാഘോഷം നടന്നു.പള്ളിക്കത്തോട് ബസ് സ്റ്റാന്റ് മൈതാനത്തുനിന്നും ആരംഭിച്ച വിളമ്പരറാലി എസ്.എൻ.ഡി.പി.യോഗം കോട്ടയം യൂണിയൻ വൈസ് പ്രസിഡന്റ് വി.എം.ശശി ഉദ്ഘാടനം ചെയ്തു. യൂത്ത് മൂവ്‌മെന്റ് യൂണിയൻ പ്രസിഡന്റ് ലിനീഷ് ടി.ആക്കുളം ജയന്തിദിന സന്ദേശം നൽകി. ജയന്തി ഘോഷയാത്രകൾ പള്ളിക്കത്തോട് മന്ദിരം ജംഗ്ഷനിൽ സംഗമിച്ച് സംയുക്തഘോഷയാത്ര ശ്രീനാരായണ നഗറിൽ സമാപിച്ചു.തുടർന്ന് ഇ.പി.കൃഷ്ണന്റെ അദ്ധ്യക്ഷതയിൽ നടന്ന സമ്മേളനം യൂണിയൻ പ്രസിഡന്റ് എം.മധു ഉദ്ഘാടനം ചെയ്തു.യോഗം ജനറൽ സെക്രട്ടറിയുടെ പ്രളയദുരിതാശ്വാസ ഫണ്ടുപയോഗിച്ച് നിർമ്മിച്ച വീടിന്റെ താക്കോൽദാനവും പ്രസിഡന്റ് നിർവ്വഹിച്ചു.യൂണിയൻ വൈസ് പ്രസിഡന്റ് വി.എം.ശശി മുഖ്യപ്രഭാഷണവും വിധവാ പെൻഷൻ വിതരണവും വനിതാസംഘം കേന്ദ്രകമ്മിറ്റി അംഗം ഷൈലജ രവീന്ദ്രൻ വിദ്യാഭ്യാസ അവാർഡ് വിതരണവും നിർവഹിച്ചു. ആഘോഷകമ്മിറ്റി കൺവീനർ കെ.എൻ.വിജയകുമാർ, സംഘാടക ശാഖകളുടെ ഭാരവാഹികളായ പി.പി.ബാബു, ഇ.ജി.ഗോപാലകൃഷ്ണൻ, കെ.ആർ.രവീന്ദ്രൻ, കെ.ജ്യോതിലാൽ, ശ്രീജ വിനോദ്, പി.കെ.ശശി, വി.ടി.ബോബി , വി.ആർ.സാജു, ജയാ പ്രദീപ്, അരുൺ ജി, ദീപ്തി സാജു, അദ്വൈദ് എം.സന്തോഷ്,എന്നിവർ പ്രസംഗിച്ചു.

ഇളങ്ങുളം:44ാം നമ്പർ ഇളങ്ങുളം ശാഖയിൽ ഗുരുദേവജയന്തി ഘോഷയാത്ര,സമ്മേളനം അവാർഡ്ദാനം എന്നിവ നടന്നു.

എലിക്കുളം:45ാം നമ്പർ എലിക്കുളം ശാഖയിൽ ജയന്തി ഘോഷയാത്ര,സമ്മേളനം പായസനേർച്ച,പ്രാർത്ഥനാ മന്ദിരത്തിന്റെ ശിലാസ്ഥാപനം എന്നിവ നടന്നു.