തിരുവനന്തപുരം: ടെെറ്റാനിയം മാലിന്യപ്ലാന്റ് അഴിമതിക്കേസിന്റെ അന്വേഷണം സി.ബി.ഐക്ക് വിട്ടു. വിജിലൻസ് ശുപാർശയിൽ സംസ്ഥാന സർക്കാരാണ് ഇക്കാര്യത്തിൽ തീരുമാനമെടുത്തത്. മുൻ മുഖ്യമന്ത്രി ഉമ്മൻചാണ്ടിയും പ്രതിപക്ഷ നേതാവ് രമേശ് ചെന്നിത്തലയും കേസിൽ ആരോപണ വിധേയരാണ്. മുൻ വ്യവസായമന്ത്രി ഇബ്രാഹിംകുഞ്ഞിനെതിരെയും ആരോപണമുണ്ട്. ഉദ്യോഗസ്ഥരുൾപ്പെടെ ആറ് പേർ കേസിൽ പ്രതികളാണ്. മാലിന്യ സംസ്കരണത്തിനായി ഉപകരണങ്ങൾ വാങ്ങിയതിലുള്ള അഴിമതിയിൽ 80 കോടി നഷ്ടം സംഭവിച്ചതായി വിജിലൻസ് നേരത്തെ കണ്ടെത്തിയിരുന്നു.

2006ലാ​ണ് ടൈ​റ്റാ​നി​യം അ​ഴി​മ​തി​ക്കേ​സി​ന്റെ അന്വേഷ​ണം ആ​രം​ഭി​ച്ച​ത്. ടൈ​റ്റാ​നി​യം പ്ലാ​ന്റിന്റെ നി​ർ​മാ​ണ​ത്തി​നാ​വ​ശ്യ​മാ​യ ഉ​പ​ക​ര​ണ​ങ്ങ​ൾ ഇ​റ​ക്കു​മ​തി ചെ​യ്യു​ന്ന​തി​ന് അ​ന്ന​ത്തെ മ​ലി​നീ​ക​ര​ണ നി​യ​ന്ത്ര​ണ വ​കു​പ്പിന്റെ ചു​മ​ത​ല ഉ​ണ്ടാ​യി​രു​ന്നത് മ​ന്ത്രി കെ.​കെ. രാ​മ​ച​ന്ദ്ര​നാണ്. എന്നാൽ,​ ര​മേ​ശ് ചെ​ന്നി​ത്ത​ല സ​മ്മ​ർ​ദം ചെ​ലു​ത്തി​യാ​ണ് മെ​ക്കോ​ൺ ക​മ്പ​നി വ​ഴി ഫി​ൻ​ലാ​ൻ​ഡി​ലെ ക​മ്പ​നി​ക്ക്​ ക​രാ​ർ ന​ൽ​കി​യ​തെ​ന്നാ​ണ്​ ആ​രോ​പ​ണം. 256 കോ​ടി രൂ​പ​യു​ടെ അ​ഴി​മ​തി ന​ട​ന്നെ​ന്നും ആരോപണമുണ്ട്.