രാജ്കോട്ട്: ടിക് ടോക് വീ‌ഡിയോ ചെയ്യുന്നതിന് വേണ്ടി സ്വന്തം ജീപ്പിന് തീയിടുന്ന യുവാവിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ വെെറലാകുന്നത്. ഗുജറാത്തിലെ രാജ്‌കോട്ട് സ്വദേശിയായ ഇന്ദ്രജീത് സിംഗ് ജഡേജയാണ് ഈ അതിബുദ്ധി കാട്ടിയത്. തുടർ‌ന്ന് ഇന്ദ്രജീത് പൊലീസിന്റെ പിടിയിലായി. അഗ്നിശമന സേന ഒാഫീസിന് മുന്നിലെ തിരക്കേറിയ റോഡിലാണ് യുവാവ് തീയിട്ടത്. വണ്ടിക്ക് പെട്രോള്‍ ഒഴിച്ച് തീകൊളുത്തുയതിന് ശേഷം അയാൾ പുറകിലേക്ക് നടന്നുവരുന്നതും വീഡിയോയിൽ കാണുന്നുണ്ട്.

വീഡിയോ സോഷ്യൽ മീഡിയയിൽ വെെറലായതിനെ തുടർന്നാണ് ഇന്ദ്രജീതിനെതിരെ കേസെടുത്തത്. ടിക് ടോക് വീഡിയോ ചെയ്യുന്നതിനായി ജീപ്പ് സ്റ്റാർട്ട് ചെയ്യാൻ ശ്രമിച്ചപ്പോൾ വണ്ടി ഓണായില്ല. ഇതിൽ പ്രകോപിതനായാണ് ഇന്ദ്രജീത് ജീപ്പ് കത്തിച്ചത്. ഇതിന്റെ വീഡിയോ പ്രചരിച്ചതോടെ ശക്തമായ പ്രതിഷേധമാണ് ഇന്ദ്രജീതിനെതിരെ ഉയർന്നു വന്നത്. ജീപ്പിന് തീയിട്ട് യാതൊരു കൂസലുമില്ലാതെ ഇന്ദ്രജീത് നടന്നു നീങ്ങുന്നുണ്ട്. എന്നാൽ ജീപ്പിന്റെ ഡീസൽ ടാങ്ക് പൊട്ടിത്തെറിച്ചിരുന്നെങ്കിൽ സമീപമുണ്ടായിരുന്ന എല്ലാവരും കൊല്ലപ്പെട്ടേനെയെന്നും ഇതുകൊണ്ട് ഇയാൾക്കെതിരെ വധശ്രമത്തിന് കേസെടുക്കണമെന്നും സോഷ്യൽ മീഡ‌ിയയിൽ ആവശ്യമുയർന്നു.

Check out this person setting his jeep on fire for a tik tok video in Rajkot.. Hope there’s some action. Let’s make him more famous.. @hvgoenka pic.twitter.com/eO5HgfilSq

— Dinesh Joshi. (@dineshjoshi70) September 3, 2019