കണ്ണൂർ/കൊല്ലം: സംസ്ഥാനത്ത് കെട്ടിടങ്ങൾ തകർന്ന് മൂന്ന് പേർ മരിച്ചു. കൊല്ലം പരവൂർ പാരിപ്പള്ളിക്ക് സമീപം പുത്തൻകുളത്ത് കെട്ടിടത്തിന് മുകളിലേക്ക് മണ്ണിടിഞ്ഞ് വീണ് രണ്ടു പേർ മരിച്ചു. മൂന്നുപേരെ പരിക്കുകളോടെ രക്ഷപ്പെടുത്തി. രഞ്ജിത്ത്, ചന്തു എന്നിവരാണ് മരിച്ചത്. ഇന്ന് പുലർച്ചെ മൂന്നുമണിയോടെയായിരുന്നു സംഭവം. അഞ്ചു പേർ താമസിക്കുന്ന കെട്ടിടത്തിന് മുകളിലേക്കാണ് മണ്ണിടിഞ്ഞ് വീണത്. മരിച്ച രണ്ടുപേരും ആനപ്പാപ്പൻമാരാണെന്നാണ് റിപ്പോർട്ട്. കണ്ണൂരിൽ വീടു തകർന്ന് ചാല ഈസ്റ്റ് പൂക്കണ്ടി ഹൗസിൽ സരോജിനി മരിച്ചു.