ആയുർവേദം നൂറ്റാണ്ടുകൾക്ക് മുൻപേ കണ്ടെത്തിയ ഔഷധമാണ് ചിറ്റമൃത്. ചിറ്റമൃത് വെള്ളത്തിലിട്ട് തിളപ്പിച്ച് കുടിക്കുന്നത് രോഗപ്രതിരോധശേഷി വർദ്ധിപ്പിക്കും. നീരിൽ തേൻ ചേർത്തു കഴിയ്ക്കുന്നത് ദഹനപ്രശ്നങ്ങൾ ഇല്ലാതാക്കും. ചിറ്റമൃത് നീര്, നെല്ലിക്കാനീര്, മഞ്ഞൾപ്പൊടി എന്നിവ തുല്യഅളവിൽ രാവിലെ വെറുംവയറ്റിൽ കഴിക്കുന്നത് പ്രമേഹം കുറയ്ക്കും. ആസ്ത്മ,അലർജി, ശ്വാസകോശ സംബന്ധമായ പ്രശ്നങ്ങൾ, ടോൺസിലൈറ്റിസ്, ചുമ, ജലദോഷം എന്നിവയ്ക്കും ഔഷധം. ഇതിന്റെ തണ്ട് പാലിൽ ചേർത്ത് തിളപ്പിച്ചോ ഇതിന്റെ നീര് ഇഞ്ചിനീരുമായി ചേർത്തോ കഴിക്കുന്നത് റുമാറ്റോയ്ഡ് ആർത്രൈറ്റിസ് ഉൾപ്പെടെ വാതസംബന്ധമായ രോഗങ്ങൾക്ക് മികച്ച പ്രതിവിധിയാണ്. മൂത്രാശയ സംബന്ധമായ രോഗങ്ങൾ അകറ്റും.
ഇതിന്റെ നീര് മുഖക്കുരു, മുഖത്തെ കറുത്ത പാടുകൾ, ചുളിവുകൾ എന്നിവ മാറാൻ സഹായിക്കും. വിഷാദം, ഉത്കണ്ഠ എന്നിവയകറ്റാനും ഓർമശക്തി വർദ്ധിപ്പിയ്ക്കാനും ഉത്തമം. ഇത് ശരീരത്തിലെ ടോക്സിനുകൾ നീക്കുന്നതിലൂടെ മാരകരോഗങ്ങളെപ്പോലും പ്രതിരോധിക്കും.