ന്യൂഡൽഹി: ഇന്ത്യയുടെ വാണിജ്യാധിഷ്‌ഠിത കയറ്റുമതി വരുമാനം ആഗസ്‌റ്റിൽ 6.05 ശതമാനം കുറഞ്ഞ് 2,​613 കോടി ഡോളറിൽ എത്തിയെന്ന് കേന്ദ്രസർക്കാരിന്റെ റിപ്പോർട്ട് വ്യക്തമാക്കി. ഇറക്കുമതിയും കുറഞ്ഞതിനാൽ വ്യാപാരക്കമ്മിയിൽ ഇന്ത്യയിൽ ആശ്വസിക്കാനും വകയുണ്ട്. 2018 ആഗസ്‌റ്രിനെ അപേക്ഷിച്ച് 13.45 ശതമാനം കുറഞ്ഞ് ഇറക്കുമതിച്ചെലവ് 3,​958 കോടി ഡോളറായി. ഇതോടെ,​ വ്യാപാരക്കമ്മി 1,​792 കോടി ഡോളറിൽ നിന്ന് 1,​345 കോടി ഡോളറിലേക്ക് താഴ്‌ന്നു. കയറ്റുമതി വരുമാനവും ഇറക്കുമതി ചെലവും തമ്മിലെ അന്തരമാണ് വ്യാപാരക്കമ്മി.

ഇരുമ്പയിര്,​ ഇലക്‌ട്രോണിക്‌സ് ഉത്‌പന്നങ്ങൾ,​ സമുദ്രോത്‌പന്നങ്ങൾ,​ സുഗന്ധവ്യഞ്ജനങ്ങൾ എന്നിവയാണ് കഴിഞ്ഞമാസം കയറ്റുമതി വർദ്ധന നേടിയത്. എൻജിനിയറിംഗ് ഉത്‌പന്നങ്ങൾ,​ ജെം ആൻഡ് ജുവലറി,​ പെട്രോളിയം ഉത്‌പന്നങ്ങൾ എന്നിവ നഷ്‌ടത്തിലേക്ക് വീണു. ഇന്ധന ഇറക്കുമതി കഴിഞ്ഞമാസം 8.9 ശതമാനം താഴ്‌ന്ന് 1,​088 കോടി ഡോളറിലെത്തി. സ്വർണം ഇറക്കുമതി 62.49 ശതമാനം കുറഞ്ഞ് 136 കോടി ഡോളറിൽ ഒതുങ്ങിയതും വ്യാപാരക്കമ്മി താഴാൻ സഹായകമായി.