കരുനാഗപ്പള്ളി: കേരള ഗവർണർ ആരിഫ് മുഹമ്മദ് ഖാൻ അമൃതപുരിയിലെത്തി മാതാ അമൃതാനന്ദമയിയെ സന്ദർശിച്ചു. ഗവർണർ അമൃതപുരിയിലെത്തിയത്. ഇന്നലെ വൈകിട്ട് 3.45ന് ആശ്രമത്തിന്റെ പ്രധാന കവാടത്തിൽ എത്തിയ ഗവർണറെ മാതാ അമൃതാനന്ദമയി ട്രസ്റ്റ് വൈസ് ചെയർമാൻ സ്വാമി അമൃത സ്വരൂപാനന്ദയുടെ നേതൃത്വത്തിൽ സന്യാസി ശ്രേഷ്ഠർ സ്വീകരിച്ചു. ഗവർണർ ഒന്നര മണിക്കൂറോളം അദ്ധ്യാത്മിക കാര്യങ്ങളെക്കുറിച്ച് അമൃതാനന്ദമയിയുമായി ചർച്ച ചെയ്തു. ഇരുവരും ഭജനഹാളിലെത്തി ഭക്തർക്കൊപ്പം ധ്യാനത്തിലും പങ്കെടുത്തു.