ന്യൂഡൽഹി:പ്രധാനമന്ത്രി നരേന്ദ്ര മോദിയുടെ പിറന്നാളോടനുബന്ധിച്ച് ഡൽഹിയിലെ എയിംസ് ആശുപത്രി തൂത്തുവാരി കേന്ദ്ര അഭ്യന്തര മന്ത്രി അമിത് ഷാ. മോദിയുടെ ജന്മദിനത്തോടനുബന്ധിച്ച് ആവിഷ്കരിച്ച 'സേവസപ്‌താഹം' പദ്ധതിയുടെ ഭാഗമായിട്ടാണ് അമിത്ഷായുടെ നേതൃത്വത്തിലുള്ള ബി.ജെ.പി നേതാക്കൾ ആശുപത്രി വൃത്തിയാക്കിയത്. കൂടാതെ ആശുപത്രിയിലുള്ള രോഗികൾക്ക് നേതാക്കൾ ഭക്ഷണവും പഴങ്ങളും വിതരണം ചെയ്തു.

'ബി.ജെ. പി പ്രവർത്തകരുടെ 'സേവസപ്‌താഹം' പരിപാടികൾക്ക് ഇന്ന് തുടക്കമാകും. രാഷ്ട്രത്തിനും ദരിദ്രജനങ്ങൾക്കും വേണ്ടി പ്രവർത്തിക്കാനാണ് പ്രധാനമന്ത്രി അദ്ദേഹത്തിന്റെ ജീവിതം സമർപ്പിച്ചത്. അതിനാൽ അദ്ദേഹത്തിന്റെ ജന്മദിനവാരം സേവസപ്താഹമായി ആഘോഷിക്കുന്നു'- അമിത്ഷാ പറഞ്ഞു.

സെപ്തംബർ 17നാണ് പ്രധാനമന്ത്രിയുടെ 69ാം ജന്മദിനം. മോദിയുടെ ജന്മദിനത്തിന്റെ ഭാഗമായി സേവനമുൾപ്പെടെയുള്ള ഒരാഴ്ച നീണ്ടുനിൽക്കുന്ന പരിപാടികളാണ് ബി.ജെ.പി ആസൂത്രണം ചെയ്തിരിക്കുന്നത്. ബി.ജെ.പി വർക്കിംഗ് പ്രസിഡന്റ് ജെ.പി നഡ്ഡയുൾപ്പെടെയുള്ള നേതാക്കളും അമിത് ഷായ്ക്കൊപ്പമുണ്ടായിരുന്നു.

രാജ്യത്തുടനീളമുള്ള 'സേവസപ്താഹം' പരിപാടികൾ ബി.ജെ.പി നിരീക്ഷിക്കുമെന്ന് പാർട്ടി ജനറൽ സെക്രട്ടറി അരുൺ സിംഗ് മുമ്പ് പറഞ്ഞിരുന്നു. സേവന വാരത്തോടനുബന്ധിച്ച് രക്തദാന ക്യാമ്പുകൾ,​ സൗജന്യ ആരോഗ്യ പരിശോധന,​ അനാഥർക്ക് ഭക്ഷണ വിതരണം എന്നിങ്ങനെയുള്ള സേവനപ്രവർത്തനങ്ങൾ പാർട്ടി നടത്തുന്നുണ്ട്.

#WATCH BJP President Amit Shah with working president JP Nadda and leaders Vijay Goel and Vijender Gupta sweeps the floor in AIIMS as part of the party's 'Seva Saptah'campaign launched to celebrate PM Modi's birthday pic.twitter.com/1bO0nzGgoU

— ANI (@ANI) September 14, 2019