കൊല്ലം: കാക്കനാടന്റെ എഴുത്തുവഴികളിലെ വെളിച്ചമായിരുന്ന ഭാര്യ അമ്മിണി കാക്കനാടൻ (ഏലിയാമ്മ മാത്യു, 80) അന്തരിച്ചു. കാക്കനാടൻ അവസാന കാലത്ത് താമസിച്ചിരുന്ന ഇരവിപുരത്തെ അർച്ചനയിൽ ഇന്നലെ വൈകിട്ടായിരുന്നു അന്ത്യം. സംസ്‌കാര ശുശ്രൂഷ ഇന്നു വൈകിട്ട് നാലിന് തേവള്ളി മാർത്തോമ പള്ളിയിൽ.
പത്തനംതിട്ട കുറിയന്നൂർ സ്വദേശിയായ അമ്മിണിയെ 1965 മേയ് 29-നാണ് കാക്കനാടൻ വിവാഹം കഴിച്ചത്. വിവാഹശേഷം, എഴുത്തുകാരനെന്ന നിലയിൽ ശ്രദ്ധേയനായ കാലം തൊട്ട് കാക്കനാടന്റെ രചനകളെല്ലാം ആദ്യം വായിച്ചിരുന്നത് അമ്മിണിയാണ്. കാക്കനാടന്റെ മരണശേഷം അദ്ദേഹത്തെക്കുറിച്ചുള്ള ഓർമ്മകൾ ഉൾപ്പെടുത്തി 'എന്റെ ബേബിച്ചായൻ' എന്ന പുസ്‌തകം പ്രസിദ്ധീകരിച്ചു. കാക്കനാടൻ ജീവിച്ചിരിക്കെ, എഴുതാൻ അമ്മിണിയെ നിർബന്ധിച്ചിരുന്നെങ്കിലും ഭർത്താവിനെക്കുറിച്ച് അദ്ദേഹത്തിന്റെ മരണശേഷം എഴുതിയ പുസ്തകത്തിൽ എഴുത്ത് ഒതുങ്ങി.
മക്കൾ: രാധ (കൊല്ലം ജില്ലാ അസി.പ്ലാനിംഗ് ഓഫീസർ ), രാജൻ (ഇക്കണോമിക്‌ ടൈംസ്, മുംബയ്), ഋഷി (ഇക്കണോമിക്‌ ടൈംസ്, ഡൽഹി),