കൊച്ചി : ഉദ്ഘാടനം കഴി​ഞ്ഞ് മൂന്നു വർഷം തികയും മുമ്പാണ് ദേശീയപാത 66 ൽ ഇടപ്പള്ളി- അരൂർ ബൈപാസിലെ പാലാരിവട്ടം ഫ്ളൈ ഓവർ തകർന്നത്. ആദ്യമേയുണ്ടായി​രുന്ന കുലുക്കം വൈകാതെ വാഹനങ്ങൾക്ക് സഞ്ചരിക്കാൻ കഴിയാത്ത വിധത്തിലാകുകയായി​രുന്നു.

ദേശീയപാത, എറണാകുളം - മൂവാറ്റുപുഴ സംസ്ഥാന പാത എന്നിവ സന്ധിക്കുന്ന പാലാരിവട്ടം ജംഗ്ഷനിൽ ഗതാഗതത്തിരക്ക് ഒഴിവാക്കാനാണ് 2014 സെപ്തംബറിൽ നാലുവരി ഫ്ലൈ ഓവറി​ന്റെ നിർമ്മാണം ആരംഭിച്ചത്. റോഡ്സ് ആൻഡ് ബ്രിഡ്‌ജസ് ഡെവലപ്മെന്റ് കോർപറേഷനായിരുന്നു ചുമതല. ആർ.ഡി.എസ് പ്രോജക്ട്സ് കരാർ ഏറ്റെടുത്തു. സംസ്ഥാന സർക്കാരിനു കീഴിലുള്ള കേരള റോഡ് ഫണ്ട് ബോർഡിന് ഇന്ധന സെസ് വിഹിതമായി ലഭിക്കുന്ന തുക ഉപയോഗിച്ചായി​രുന്നു നി​ർമ്മാണം. 2016 ഒക്ടോബർ 12ന് മുഖ്യമന്ത്രി പിണറായി വിജയൻ നാടിന് സമർപ്പിച്ചു.

ഫ്ലെെഓവർ

 നീളം 750 മീറ്റർ. 442 മീറ്റർ പാലവും ഇരുഭാഗത്തും അനുബന്ധ റോഡും

 സ്പാനുകൾ: 19.35 മീറ്റർ നീളമുള്ള രണ്ടും 22 മീറ്റർ നീളമുള്ള പതി​നേഴും

 ഒരു മീറ്റർ വ്യാസമുള്ള 86 പൈലുകൾ, 122 ഗർഡറുകൾ

പ്രശ്നങ്ങൾ

 തുറന്ന് ഒരു വർഷം കഴിഞ്ഞപ്പോൾ പാലത്തിൽ റോഡിലെ ടാറിളകി.

 രണ്ടു വർഷം കഴിഞ്ഞപ്പോൾ ആറിടത്ത് വിള്ളൽ

 2019 മേയ് ഒന്നിന് രാത്രി അ‌ടച്ചുപൂട്ടി

പരി​ശോധന

ചെന്നെെ എെ.എെ.ടി സംഘത്തിന്റെ പരി​ശോധനയിൽ, എക്സ്പാൻഷൻ ജോയിന്റുകളുടെയും ബെയറിംഗുകളുടെയും നിർമ്മാണത്തിൽ വന്ന വീഴ്ചയാണ് പാലത്തിന്റെ ബലക്ഷയത്തിന് പ്രധാന കാരണമെന്ന് കണ്ടെത്തൽ. ഉപയോഗിച്ച കമ്പിയും സിമന്റുമുൾപ്പെടെ ഗുണനിലവാരമില്ലാത്തത്.