കൊച്ചി: കനറാ ബാങ്ക്,​ എട്ടു മുതൽ 12-ാം ക്ളാസ് വരെ പഠിക്കുന്ന കേരളത്തിലെ വിദ്യാർത്ഥികൾക്കായി സംഘടിപ്പിക്കുന്ന 'കനറാ നോളഡ്‌ജ് ചാമ്പ് 2019" പൊതു വിജ്ഞാന ക്വിസ് 22ന് എറണാകുളത്ത് നടക്കും. ഒരു സ്‌കൂളിൽ നിന്ന് പരമാവധി,​ രണ്ടുപേർ വീതമുള്ള രണ്ടു ടീമുകൾക്ക് മത്സരിക്കാം. 50,​000 രൂപയാണ് ഒന്നാം സമ്മാനം.

രണ്ടാംസ്ഥാനക്കാർക്ക് 30,​000 രൂപയും മൂന്നാംസ്ഥാനത്തിന് 20,​000 രൂപയും ലഭിക്കും. വിജയികൾ ദേശീയതല സെമി ഫൈനലിലേക്ക് യോഗ്യത നേടും. താത്പര്യമുള്ള വിദ്യാർത്ഥികൾ സ്‌കൂൾ മുഖേന അടുത്തുള്ള കനറാ ബാങ്ക് ശാഖയിലോ ഓഫീസിലോ ബന്ധപ്പെടണം. ഫോൺ: 94479 53241