ഒരു ഇടവേളയ്ക്ക് ശേഷം ദുബായ് ഡ്യൂട്ടിപ്രീ നറുക്കെടുപ്പിൽ ഇന്ത്യക്കാർക്ക് വീണ്ടും ഭാഗ്യദേവതയുടെ അനുഗ്രഹം. ഇന്നു നടന്ന നറുക്കെടുപ്പിൽ അബുദാബയിൽ ജോലി ചെയ്യുന്ന ശ്രീ സുനിൽ ശ്രീധരൻ, ചെന്നൈ സ്വദേശിയായ ബിസിനസുകാരൻ ലളിത് ശർമ എന്നിവർക്ക് ഏഴ് കോടിയിലേറെ രൂപയാണ് (10 ലക്ഷം യുഎസ് ഡോളർ)​ സമ്മാനമായി ലഭിച്ചത്. 310 –ാം സീരീസിലെ 4638-ാം നമ്പർ ടിക്ക​റ്റാണ് ഭാഗ്യം കൊണ്ടുവന്നത്. എന്നാൽ, മലയാളിയാണെന്ന് സംശയിക്കുന്ന ഇദ്ദേഹവുമായി ബന്ധപ്പെടാൻ അധികൃതർ ഇതുവരെ സാധിച്ചിട്ടില്ല.

311–ാം സീരീസിലെ 3743 നമ്പർ ടിക്ക​റ്റാണ് ലളിത് ശർമയ്ക്ക് ഭാഗ്യം കൊണ്ടുവന്നത്. ഇത് രണ്ടാം തവണയാണ് ലളിത് ശർമ ഓൺലൈൻ വഴി ടിക്ക​റ്റെടുക്കുന്നത്. തടിയുടെയും പ്ലൈവുഡിന്റെയും ബിസിനസ് നടത്തുകയാണ് ലളിത് ശർമ.

മ​റ്റൊരു നറുക്കെടുപ്പിൽ അമേരിക്കൻ സ്വദേശിയായ ഇബ്രാഹിം ബിത്താറിന് ഓഡി ക്യൂ8 3.0 സീരിസ് കാറും ജുമ മുഹമ്മദ് അബ്ദുല്ല എന്ന യുവാവിന് ഇന്ത്യൻ സ്‌കോട്ട് മോട്ടോർബൈക്കുമാണ് ലഭിച്ചത്.