ഹൂസ്റ്റൺ: മണിക്കൂറുകൾക്ക് മുൻപ് തന്നെ പ്രധാനമന്ത്രി നരേന്ദ്രമോദിയെ ഒരുനോക്ക് കാണാൻ ഇന്ത്യൻ സമൂഹം ഉൾപ്പെടെ 50,​000ലേറെ പേർ ഹൂസ്റ്റണിലെ എൻ.ആർ.ജി. സ്റ്റേഡിയത്തിൽ തിങ്ങിനിറഞ്ഞിരുന്നു. ഒരു മണിക്കൂർ നീണ്ട കലാപരിപാടികൾക്ക് ഒടുവിലായിരുന്നു മോദിയുടെ വരവ്. വൈകാതെ ബിഗ് സ്ക്രീനിൽ മോദി നടന്നു വരുന്ന ദൃശ്യം പ്രത്യക്ഷപ്പെട്ടു. പ്ലീസ് വെൽക്കം, ഹിസ് എക്സലൻസി,​ ദി ഒാണറബിൾ പ്രൈം മിനിസ്റ്റർ ഓഫ് ഇന്ത്യ നരേന്ദ്ര മോദി. ഈ അറിയിപ്പിനെ ഹർഷാരവത്തോടെയും ആർപ്പുവിളികളോടെയുമാണ് സന്നിഹിതരായിരുന്ന പുരുഷാരം സ്വീകരിച്ചത്. വേദിയിലേക്ക് നടന്നു കയറിയ പ്രധാനമന്ത്രി അറുപതോളം ജനപ്രതിനിധികളുമായി ഹസ്തദാനം നടത്തി. ഹൂസ്റ്റൺ മേയർ ആദരസൂചകമായി നഗരത്തിന്റെ 'താക്കോൽ' കൈമാറി.

Thank you Houston for such amazing affection! #HowdyModi pic.twitter.com/xlbWsMVkae

— PMO India (@PMOIndia) September 22, 2019