പ്രവാസികൾക്ക് ആധാർകാർഡ് ലഭ്യമാക്കുന്നത് സംബന്ധിച്ച ഉത്തരവ് പുറത്തിറങ്ങി. ആധാർ അതോറിറ്റിയാണ് ഇതു സംബന്ധിച്ച പ്രഖ്യാപനം നടത്തിയത്. ഇതോടെ നാട്ടിലെത്തുന്ന പ്രവാസികൾക്ക് ആധാർ കാർഡിന് അപേക്ഷിക്കാൻ കഴിയും.

പാസ്‌പോർട്ടിനു പുറമെ താമസ രേഖ, ജനന തീയതി തെളിയിക്കുന്ന സർട്ടിഫിക്കറ്റ് എന്നിവയാണ് അപേക്ഷക്കൊപ്പം നൽകേണ്ടത്. പാസ്‌പോർട്ട് ഇല്ലാത്ത സാഹചര്യത്തിൽ താമസ രേഖയുടെ പുറത്ത് ആധാർ കാർഡ് അനുവദിക്കണമെന്നും ഉത്തരവിലുണ്ട്. നാട്ടിലെത്തുന്ന പ്രവാസികൾക്ക് ആധാർ കാർഡ് എളുപ്പം ലഭ്യമാക്കാനുള്ള സൗകര്യം വിവിധ കേന്ദ്രങ്ങളിൽ ഏർപ്പെടുത്തുമെന്നും അധികൃതർ അറിയിച്ചു. നേരത്തെ 180 ദിവസമെങ്കിലും തുടർച്ചയായി നാട്ടിൽ നിൽക്കുന്നവർക്കു മാത്രമായിരുന്നു ആധാർകാർഡ് ലഭിക്കാനുള്ള അർഹത. നാട്ടിലേക്ക് പുറപ്പെടും മുൻപ് തന്നെ ഓൺലൈൻ വഴി ആധാർ കാർഡിന് അപേക്ഷിക്കാനുള്ള സൗകര്യവും ലഭ്യമായിരിക്കും.

എന്നാൽ നാട്ടിലെ ആധാർ കേന്ദ്രങ്ങൾക്കു പുറമെ വിദേശത്തെ ഇന്ത്യൻ നയതന്ത്ര കേന്ദ്രങ്ങളിലും ഇതിനുള്ള സൗകര്യം ഏർപ്പെടുത്തണമെന്ന ആവശ്യം ശക്തമാണ്.