പ​ത്ത​നം​തി​ട്ട​ ​:​ കോന്നിയിൽ യു.ഡി.എഫ് സ്ഥാനാർത്ഥിയായി പി. മോഹൻരാജ് പ്രചാരണം തുടങ്ങിയെങ്കിലും അടൂർപ്രകാശ് അയയുന്നില്ല. താൻ നിർദ്ദേശിച്ച സ്ഥാനാർത്ഥിയെ പരിഗണിക്കാത്തതിലുള്ള കടുത്ത അമർഷത്തിലാണ് അദ്ദേഹം.

അടൂർ പ്രകാശിന്റെ നിലപാട് നേതൃത്വത്തെ ആശങ്കപ്പെടുത്തുന്നുണ്ട്. പ്രവർത്തകർക്കിടയിൽ വലിയ സ്വാധീനമുള്ള പ്രകാശിനൊപ്പമാണ് താഴേത്തട്ടിലുള്ള പാർട്ടി കമ്മിറ്റികളിൽ ഭൂരിഭാഗവും. എങ്ങനെയും സഹകരിപ്പിക്കാനുള്ള തിരക്കിട്ട ശ്രമത്തിലാണ് നേതൃത്വം.

അതിനിടെ, ജില്ലാ കോൺഗ്രസ് കമ്മിറ്റിയിലെ ചി​ല​ർ​ ​ന​ട​ത്തു​ന്ന​ ​ഗൂ​ഢ​നീ​ക്ക​ങ്ങ​ളി​ൽ​ ​വീ​ണ്ടു​വി​ചാ​ര​മു​ണ്ടാ​കേ​ണ്ട​ ​സ​മ​യം​ ​അ​തി​ക്ര​മി​ച്ച​താ​യി​ ​അ​ടൂ​ർ​പ്ര​കാ​ശ്​ ​പ​റ​ഞ്ഞു.​ ​ ​പി.​ ​മോ​ഹ​ൻ​രാ​ജി​ന്റെ​ ​സ്ഥാ​നാ​ർ​ത്ഥി​ത്വ​ത്തെ​ക്കു​റി​ച്ച് ​മാ​ദ്ധ്യ​മ​ങ്ങ​ളി​ൽ​ ​കൂ​ടി​യാ​ണ് ​അ​റി​ഞ്ഞ​ത്.​ ​പൊ​തു​സ​മ്മ​ത​ൻ​ ​എ​ന്ന​ ​നി​ല​യി​ൽ​ ​റോ​ബി​ൻ​ ​പീ​റ്റ​റു​ടെ​ ​പേ​ര് ​ഞാ​ൻ​ ​നി​ർ​ദേ​ശി​ച്ചി​രു​ന്നു.

വി​തു​മ്പി മോഹൻരാജ്

വർഷങ്ങളുടെ കാത്തിരിപ്പിനൊടുവിൽ കിട്ടിയ അംഗീകാരത്തിന്റെ ആഹ്ളാദത്തിലാണ് മുൻ ഡി.സി.സി പ്രസിഡന്റ് കൂടിയായ മോഹൻരാജ്. ഇന്നലെ ഡി.​സി.​സി​ ​നേ​തൃ​യോ​ഗ​ത്തി​ൽ​ ​അദ്ദേഹം തൊ​ഴു​കൈ​ക​ളോ​ടെ​ ​വി​തു​മ്പി.​ ​നാ​ൽ​പ്പ​ത്തിയഞ്ച് ​വ​ർ​ഷ​ത്തെ​ ​പൊ​തു​പ്ര​വ​ർ​ത്ത​ന​ത്തി​നി​ട​യി​ൽ​ ​ആ​ദ്യ​മാ​യി​ ​ല​ഭി​ച്ച​ ​അ​വ​സ​ര​മാ​ണി​ത്. ​വി​ജ​യി​ച്ചേ​ ​മ​തി​യാ​കു.​ ​നേ​താ​ക്ക​ളും​ ​സ​ഹ​പ്ര​വ​ർ​ത്ത​ക​രും​ ​ഒ​റ്റ​ക്കെ​ട്ടാ​യി ​പ്ര​വ​ർ​ത്തി​ക്ക​ണ​മെന്ന് അഭ്യർത്ഥിക്കുകയും ചെയ്തു.

വിമതനാവില്ല: റോബിൻ പീറ്റർ

തന്നെ സ്ഥാനാർത്ഥി ആക്കാത്തതിൽ നിരാശയില്ലെന്ന് റോബിൻ പീറ്റർ പറഞ്ഞു. വിമതനായി മത്സരിക്കാനില്ല. മോഹൻരാജിന് വേണ്ടി സജീവമായി പ്രചാരണത്തിനിറങ്ങും. വ്യക്തിഹത്യ നടത്താൻ ചിലർ ശ്രമിച്ചു. അടൂർ പ്രകാശിനെയും എന്നെയും രാഷ്ട്രീയമായി ഇല്ലാതാക്കാനുള്ള ശ്രമം പലരും നടത്തുന്നുണ്ട്.