കാബൂൾ: 2014ലെ തിരഞ്ഞെടുപ്പിൽ വോട്ട് ചെയ്തതിന്റെ പേരിലാണ് സഫിയുല്ല സാഫി എന്ന കച്ചവടക്കാരന്റെ വലത് ചൂണ്ടുവിരൽ താലിബാൻ മുറിച്ചുകളഞ്ഞത്. എന്നാൽ, തന്റെ ജനാധിപത്യബോധ്യത്തിൽനിന്ന് സഫിയുല്ല പിന്തിരിഞ്ഞില്ല. അഞ്ചുവർഷത്തിനുശേഷം കഴിഞ്ഞദിവസം നടന്ന അഫ്ഗാൻ പ്രസിഡന്റ് തിരഞ്ഞെടുപ്പിലും അദ്ദേഹം വോട്ടുചെയ്യാനെത്തി. ഇത്തവണ മഷി പുരട്ടിയത് ഇടതുചൂണ്ടുവിരലിലാണെന്ന് മാത്രം.

വോട്ട് ചെയ്ത് മഷിപുരട്ടിയ വിരലും താലിബാൻ മുറിച്ചെടുത്ത വിരലും ഉയർത്തിക്കാട്ടുന്ന സഫിയുല്ല സാഫിയുടെ ഫോട്ടോ ട്വിറ്ററിൽ ഏറെ അഭിനന്ദനം ഏറ്റുവാങ്ങുകയാണ്. പ്രസിഡന്റ് തിരഞ്ഞെടുപ്പിൽ വോട്ട് ചെയ്യരുതെന്ന് ഇത്തവണയും താലിബാൻ ആഹ്വാനം ചെയ്തിരുന്നു. 2014ലെ തിരഞ്ഞെടുപ്പിൽ വോട്ട് ചെയ്തതിന്റെ പിറ്റേ ദിവസമാണ് താലിബാൻ സഫിയുല്ലയെ പിടികൂടി ചോദ്യംചെയ്ത് മഷിപുരട്ടിയ വിരൽ മുറിച്ചത്. മറ്റ് ചിലരുടെയും വിരൽ താലിബാൻ മുറിച്ചതായി അന്ന് റിപ്പോർട്ടുകളുണ്ടായിരുന്നു.
''താലിബാൻ ഭീഷണി മുഴക്കിയതിനാൽ ഇത്തവണ വോട്ട് ചെയ്യാൻ പോവരുതെന്ന് തന്റെ കുടുംബാംഗങ്ങളും ആവശ്യപ്പെട്ടിരുന്നു. എന്നാൽ, അവരെയെല്ലാം താൻ കൂടെ കൊണ്ടുപോയി വോട്ട് രേഖപ്പെടുത്തി"- സഫിയുല്ല പറഞ്ഞു.

ക​ന​ത്ത സു​ര​ക്ഷ​യി​ലാണ് അ​ഫ്​​ഗാ​നി​സ്ഥാ​നി​ൽ പ്ര​സി​ഡന്റ് തി​ര​ഞ്ഞെ​ടു​പ്പ് നടന്നത്. താ​ലി​ബാന്റെയും മ​റ്റു​ സാ​യു​ധ വി​ഭാ​ഗ​ങ്ങ​ളു​ടെ​യും ആ​ക്ര​മ​ണം ത​ട​യാ​ൻ 70,000 സു​ര​ക്ഷാ സൈ​നി​ക​രെ​യാ​ണ്​ രാ​ജ്യ​ത്തു​ട​നീ​ളം വി​ന്യ​സി​ച്ചി​ട്ടു​ള്ള​ത്. പോ​ളിംഗ് സ്​​റ്റേ​ഷ​നു​ക​ളെ ല​ക്ഷ്യം​വ​ച്ച്​ താ​ലി​ബാ​ൻ ആ​ക്ര​മ​ണം ന​ട​ത്തു​മെ​ന്ന​ത്​ മു​ൻ​കൂ​ട്ടി​ക​ണ്ടാ​ണ്​ സു​ര​ക്ഷ ശ​ക്ത​മാ​ക്കി​യ​ത്. വോട്ടിംഗ് ​ കേ​ന്ദ്രത്തിന് നേരെ ന​ട​ന്ന ആ​ക്ര​മ​ണ​ത്തി​ൽ ഒ​രാ​ൾ കൊ​ല്ല​പ്പെ​ട്ടി​രു​ന്നു. 27 പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്​​തു. താ​ലി​ബാ​നു​മാ​യു​ള്ള സ​മാ​ധാ​ന ച​ർ​ച്ച​ക​ൾ റ​ദ്ദാ​യ​തോ​ടെ ര​ണ്ടു​ത​വ​ണ വോ​​ട്ടെ​ടു​പ്പ്​ മാ​റ്റി​വ​ച്ചി​രു​ന്നു. അതേസമയം, തെ​ക്ക​ൻ ന​ഗ​ര​മാ​യ കാ​ണ്ടഹ​റി​ൽ വോ​ട്ടു​ ചെ​യ്യാ​ൻ സ്​​ത്രീ​ക​ളു​ടെ നീ​ണ്ട​നി​ര​യു​ണ്ടാ​യി​രു​ന്നു. മ​ണി​ക്കൂ​റു​ക​ളോ​ളം കാ​ത്തു​നി​ന്നാ​ലും വോ​ട്ടു​ചെ​യ്​​തി​​ട്ടേ മ​ട​ങ്ങൂ​വെ​ന്നാ​ണ്​ ജ​ന​ങ്ങ​ളു​ടെ പ​ക്ഷം. നി​ല​വി​ലെ പ്ര​സി​ഡ​ന്റ് അ​ഷ്​​റ​ഫ്​ ഗ​നി​യും ചീ​ഫ്​ എ​ക്​​സി​ക്യൂ​ട്ടി​വ്​ അ​ബ്​​ദു​ല്ല അ​ബ്​​ദു​ല്ല​യു​മാ​ണ്​ പ്ര​ധാ​ന സ്ഥാനാ​ർ​ത്ഥിക​ൾ. ​