കോന്നി: ശാന്തിഗിരി ആശ്രമം ജനറൽ സെക്രട്ടറിയായി ചുമതലയേറ്റ സ്വാമി ഗുരുരത്നം ജ്ഞാന തപസ്വിക്ക് കോന്നി ഉപാശ്രമത്തിൽ സ്വീകരണം നല്കി.സ്വാമി ചിത്തശുദ്ധൻ ജ്ഞാന തപസ്വിയുടെ നേതൃത്വത്തിൽ ഭക്തരും ആശ്രമത്തിന്റെ വിവിധ സാംസ്‌കാരിക സംഘടനയുടെ പ്രവർത്തകരും ചേർന്നാണ് സ്വാമിക്ക് സ്വീകരണം നല്കിയത്. ആലപ്പുഴയിലെ ചേർത്തല സ്വദേശിയായി സാധാരണ കുടുംബത്തിൽ ജനിച്ച സ്വാമി ഗുരുരത്നം മതാതീത ആത്മീയതയുടെ വക്താവ് എന്നതിലുപരി പ്രഭാഷകൻ, എഴുത്തുകാരൻ, സാംസ്‌കാരിക നായകൻ എന്നീ നിലകളിൽ സാമൂഹ്യരംഗത്ത് തിളങ്ങുന്ന വ്യക്തിത്വമാണ്. ശാന്തിഗിരി ആശ്രമം ഓർഗനൈസിംഗ് സെക്രട്ടറി എന്ന നിലയിൽ കഴിഞ്ഞ ഒരു പതിറ്റാണ്ടിലധികമായി രാജ്യത്തുടനീളം നിരവധി ജീവകാരുണ്യപ്രവർത്തനങ്ങൾക്ക് സ്വാമി നേതൃത്വം നല്കിയിരുന്നു. ഇക്കഴിഞ്ഞ തിരുവോണദിനത്തിലാണ് സ്വാമി ശാന്തിഗിരി ആശ്രമത്തിന്റെ ജനറൽ സെക്രട്ടറിയായി ചുമതലയേറ്റത്. ചുമതലയേറ്റ ശേഷം ശാന്തിഗിരി ആശ്രമത്തിന്റെ ഉപാശ്രമങ്ങൾ സന്ദർശിക്കുന്നതിന്റെയും പ്രവർത്തനങ്ങൾ വിലയിരുത്തുന്നതിന്റെയും ഭാഗമായാണ് സ്വാമിജി കോന്നിയിൽ എത്തിയത്. ചടങ്ങിൽ സ്വാമി ജനനന്മ ജ്ഞാന തപസ്വി, സ്വാമി വത്സലൻ ജ്ഞാന തപസ്വി, ആശ്രമം ഗവേണിംഗ് കമ്മിറ്റി അസി. ജനറൽ കൺവീനർ പ്രിയകുമാർ എന്നിവർ പങ്കെടുത്തു.