കൊ​ല്ലം: പള്ളിമൺ എം.വി. ദേ​വൻ ക​ലാ​ഗ്രാ​മ​ത്തി​ന്റെ പ്ര​ഥ​മ 'അ​തി​വി​ശി​ഷ്ട ക​ലാ​ചാ​ര്യ' ബ​ഹു​മ​തി ആർ​ട്ടി​സ്റ്റ് ന​മ്പൂ​തി​രി​ക്ക് സമർപ്പിച്ചു. മ​ല​പ്പു​റം എ​ട​പ്പാ​ളിലെ അ​ദ്ദേ​ഹ​ത്തി​ന്റെ വ​സ​തി​യാ​യ ക​രു​വാ​റ്റ​ മ​ന​യി​ലെ​ത്തി ക​ലാ​ഗ്രാ​മം പ്ര​വർ​ത്ത​കർ നേ​രി​ട്ട് സമ്മാനിക്കു​ക​യാ​യി​രു​ന്നു. സു​ഹ്യ​ത്തും സ​ഹ​പ്ര​വർ​ത്ത​ക​നു​മാ​യി​രു​ന്ന എം.വി. ദേ​വ​ന്റെ പേ​രി​ലു​ള്ള പു​ര​സ്​കാ​രം ല​ഭി​ച്ച​തിൽ അദ്ദേഹം സന്തുഷ്ടി പ്രകടിപ്പിച്ചു. പ്രശസ്തരായ എഴുത്തുകാരുടെ കഥാപാത്രങ്ങൾക്ക് വരകളിലൂടെ ജീവൻ നൽകിയ കലാകാരനാണ് നമ്പൂതിരി. സംസ്ഥാന സർക്കാരിന്റെ രാ​ജാ​ര​വി​വർ​മ്മ പു​ര​സ്​കാ​രം ലഭിച്ചിട്ടുണ്ട്.
കൊ​ല്ലം ടി.കെ സ്​മാ​ര​ക​ത്തി​ലെ (നെ​ഹ്‌​റു പാർ​ക്ക്) പ്ര​ശ​സ്​ത​മാ​യ ചു​വർ ശി​ല്​പ​ങ്ങ​ളും ആർ​ട്ടി​സ്റ്റ് ന​മ്പൂ​തി​രി​യു​ടേതാ​ണ്.
ദേ​വൻ ക​ലാ​ഗ്രാ​മ​ത്തി​ന്റെ പ്ര​സി​ഡന്റ് ആർ​ട്ടി​സ്റ്റ് ദീ​പ​ക് മ​യ്യ​നാ​ട്, സെ​ക്ര​ട്ട​റി ആർ​ട്ടി​സ്റ്റ് വേ​ണു കോ​തേ​രിൽ, ആർ​ട്ടി​സ്​റ്റ് സ​ജി​ത് റെ​മ​ഡി എ​ന്നി​വ​രും ശി​ല്​പി ശ​ര​ത് മു​ള​ങ്കാ​ട​വും ച​ട​ങ്ങിൽ സം​ബ​ന്ധി​ച്ചു.