ബോ​ണ​സ് തീ​രു​മാ​ന​മാ​യി
കൊ​ല്ലം: ജി​ല്ല​യി​ലെ സ്വകാര്യ ബ​സ് തൊ​ഴി​ലാ​ളി​ക​ളു​ടെ 2018-​19 വർ​ഷ​ത്തെ ബോ​ണ​സ് തീ​രു​മാ​ന​മാ​യി. 2016-​17 ഫെ​യർ വേ​ജ​സി​ന്റെ 8.33 ശ​ത​മാ​നം ബോ​ണ​സാ​യും 1300 രൂ​പ എ​ക്‌​സ്‌​ഗ്രേ​ഷ്യ​യാ​യും നൽ​കാൻ തൊ​ഴി​ലു​ട​മ​ക​ളും തൊ​ഴി​ലാ​ളി യൂ​ണി​യ​നു​ക​ളും റീ​ജി​യ​ണൽ ജോ​യിന്റ് ലേ​ബർ ക​മ്മി​ഷ​ണർ പി. ആർ ശ​ങ്ക​റു​ടെ സാ​ന്നി​ധ്യ​ത്തിൽ ന​ട​ത്തി​യ ചർ​ച്ച​യിൽ ധാ​ര​ണ​യാ​യി.
കൊ​ല്ലം സി​റ്റി​യി​ലെ വി​വി​ധ വ്യാ​പാ​ര സ്ഥാ​പ​ന​ങ്ങ​ളി​ലെ ക​യ​റ്റി​റ​ക്ക് തൊ​ഴി​ലാ​ളി​ക​ളു​ടെ ബോ​ണ​സും വേ​ത​ന വ്യ​വ​സ്ഥ​ക​ളും ജി​ല്ലാ ലേ​ബർ ഓ​ഫീ​സ​റു​ടെ സാ​ന്നി​ധ്യ​ത്തിൽ ന​ട​ന്ന ചർ​ച്ച​യിൽ തീ​രു​മാ​ന​മാ​യി. 2018-​19 വർ​ഷ​ത്തെ ബോ​ണ​സ് ക​ഴി​ഞ്ഞ വർ​ഷ​ത്തെ ബോ​ണ​സ് തു​ക​യിൽ നി​ന്നും 1800 രൂ​പ വർ​ധ​ന​ വ​രു​ത്തി 22550 രൂ​പ​യാ​ക്കി. മി​നി​മം കൂ​ലി നി​ല​വി​ലെ മി​നി​മം കൂ​ലി​യിൽ നി​ന്നും 30 രൂ​പ വർ​ദ്ധിപ്പി​ച്ച് 580 രൂ​പ​യു​മാ​ക്കി. വർ​ഷം ഒൻ​പ​ത് ഒ​ഴി​വ് ശ​മ്പ​ളം പു​തു​ക്കി​യ മി​നി​മം കൂ​ലി​യു​ടെ അ​ടി​സ്ഥാ​ന​ത്തിൽ നൽ​കാൻ ധാ​ര​ണ​യാ​യി.
ജി​ല്ല​യി​ലെ സി​നി​മാ തീ​യേ​റ്റർ തൊ​ഴി​ലാ​ളി​ക​ളു​ടെ ബോ​ണ​സ് 20 ശ​ത​മാ​ന​വും എ​ക്‌​സ്‌​ഗ്രേ​ഷ്യ​യാ​യി 13.75 ശ​ത​മാ​ന​വും ഉ​ത്സ​വ​ബ​ത്ത​യാ​യി 150 രൂ​പ​യും നൽ​കു​ന്ന​തി​ന് തീ​രു​മാ​നി​ച്ചു. ശ​മ്പ​ള​ത്തിൽ നി​ന്നും തി​രി​ച്ചു​പി​ടി​ക്കു​ന്ന അ​ഡ്വാൻ​സാ​യി ഒ​രു മാ​സ​ത്തെ ശ​മ്പ​ളം നൽ​കാ​നും ധാ​ര​ണ​യാ​യി.
മെ​ട്രോ സ്​കാൻ തൊ​ഴി​ലാ​ളി​ക​ളു​ടെ ബോ​ണ​സ് മാ​സ വേ​ത​നം 7000 രൂ​പ ക​ണ​ക്കാ​ക്കി വാർ​ഷി​ക വേ​ത​ന​ത്തി​ന്റെ 10 ശ​ത​മാ​നം നൽ​കു​ന്ന​തി​നും തീ​രു​മാ​ന​മാ​യി.