ഓയൂർ: പൂയപ്പള്ളി സർവീസ് സഹകരണ ബാങ്ക് ആരംഭിക്കുന്ന ലഘുഗ്രാമീണ വായ്പാ പദ്ധതിയായ മുറ്റത്തെ മുല്ലയുടെ ഉദ്ഘാടനം മന്ത്രി ജെ. മേഴ്‌സിക്കുട്ടിഅമ്മ നിർവഹിച്ചു. ജി.എസ്. ജയലാൽ എം.എൽ.എ അദ്ധ്യക്ഷത വഹിച്ചു. ചടങ്ങിൽ ഉന്നത വിദ്യാഭ്യാസ രംഗത്തെ റാങ്കുകാരെ ജില്ലാ പഞ്ചായത്തംഗം ഗിരിജാകുമാരിയും, പ്ലസ് ടു പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയവരെ പൂയപ്പള്ളി പഞ്ചായത്ത് പ്രസിഡന്റ് ഹംസാ റാവുത്തരും എസ്.എസ്.എൽ.സി പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയവരെ സഹകരണ ജോയിന്റ് രജിസ്ട്രാർ അബ്ദുൽ ഗഫാറും അനുമോദിച്ചു. ബ്ലോക്കംഗങ്ങളായ ആർ. വേണുഗോപാൽ, വൈ. രാജൻ, ഷൈലജ അനിൽകുമാർ, പഞ്ചായത്ത് വൈസ് പ്രസിഡന്റ് സൂസൻ മാണി, പഞ്ചായത്തംഗങ്ങളായ ടി.എസ്. പത്മകുമാർ, രാജശേഖരൻപിള്ള, മായ, ജെ.അനിൽകുമാർ എന്നിവർ സംസാരിച്ചു.