കൊല്ലം: ക​ള​ങ്ക​മി​ല്ലാ​ത്ത ക​ളി​ചി​രി​കൾ​ക്ക് വേ​ദി​യാ​യി ഫോ​സ്റ്റർ കെ​യർ സം​ഗ​മം 2019. ജി​ല്ലാ ചൈൽ​ഡ് വെൽ​ഫെ​യർ ക​മ്മി​റ്റി​യു​ടെ​യും ശി​ശു​സം​ര​ക്ഷ​ണ യൂ​ണി​റ്റി​ന്റെ​യും സം​യു​ക്താ​ഭി​മു​ഖ്യ​ത്തിൽ ട്രി​നി​റ്റി ലൈ​സി​യം സ്​കൂ​ളിൽ സം​ഘ​ടി​പ്പി​ച്ച ഫോ​സ്റ്റർ കെ​യർ സം​ഗ​മ​ത്തി​ലാ​ണ് ജീ​വി​ത​ത്തിൽ ഒ​റ്റ​യ്​ക്കാ​യ കു​ഞ്ഞു​ങ്ങ​ളും അ​വ​രു​ടെ ക​രം പി​ടി​ച്ച് ക​രു​ത​ലേ​കി​യ മാ​താ​പി​താ​ക്ക​ളും ഒ​ത്തു​ചേർ​ന്ന​ത്. ജി​ല്ല​യിൽ പ്ര​വർ​ത്തിക്കു​ന്ന ചിൽ​ഡ്രൻ​സ് ഹോ​മു​ക​ളിൽ നി​ന്ന് ഫോ​സ്റ്റർ കെ​യർ അ​ഥ​വാ വീ​ട്ടുവ​ളർ​ത്തൽ പ​രി​ച​ര​ണ​ത്തി​ന് അ​വ​സ​രം ല​ഭി​ച്ച കു​ട്ടി​ക​ളു​ടെ​യും അ​വ​രെ ഏ​റ്റെ​ടു​ത്ത മാ​താ​പി​താ​ക്ക​ളു​ടെയും ഒ​ത്തു​ചേ​ര​ലിൽ നൂ​റോ​ളം കു​ടും​ബ​ങ്ങ​ളാ​ണ് പ​ങ്കെ​ടു​ത്ത​ത്.
മേ​യർ വി. രാ​ജേ​ന്ദ്ര​ബാ​ബു ഉ​ദ്​ഘാ​ട​നം ചെയ്തു. ഏ​റ്റെ​ടു​ത്ത കു​ടും​ബ​ങ്ങ​ളു​ടെ പ​രി​ച​ര​ണ മി​ക​വിൽ തി​ള​ക്ക​മാർ​ന്ന വി​ജ​യം നേ​ടി​യ കു​ട്ടി​ക​ളെ​യും ച​ട​ങ്ങിൽ അ​നു​മോ​ദി​ച്ചു. മി​ക​ച്ച ബാ​ല​നീ​തി പ്ര​വർ​ത്ത​ന​ങ്ങൾ​ക്ക് കൊ​ല്ലം ബി.ആർ.സി നൽ​കി​വ​രു​ന്ന പു​ര​സ്​കാ​ര​ങ്ങ​ളു​ടെ വി​ത​ര​ണ​വും ന​ട​ന്നു. ജി​ല്ലാ ചൈൽ​ഡ്‌​ലൈൻ കോ​ ഓർ​ഡി​നേ​റ്റർ സി. എ​ബ്ര​ഹാം, സാ​മൂ​ഹ്യ പ്ര​വർ​ത്ത​കൻ കെ. മ​നോ​ഹ​രൻ എ​ന്നി​വർ​ക്കാ​യി​രു​ന്നു പു​ര​സ്​കാ​ര​ങ്ങൾ.
ചൈൽ​ഡ് വെൽ​ഫെ​യർ ക​മ്മി​റ്റി ചെ​യർ​മാൻ കെ. പി. സ​ജി​നാ​ഥ് അദ്ധ്യക്ഷത വഹിച്ചു. ബാ​ലാ​വ​കാ​ശ സം​ര​ക്ഷ​ണ ക​മ്മി​ഷൻ അം​ഗം സി.ജെ. ആന്റ​ണി, ജു​വ​നൈൽ ജ​സ്റ്റി​സ് ബോർ​ഡ് അം​ഗ​ങ്ങ​ളാ​യ സ​നിൽ വെ​ള്ളി​മൺ, ഡോ. അ​നി​ത​കു​മാ​രി, സി.ബി.എം. ആർ. പ്ര​സി​ഡന്റ് ഷ​റ​ഫു​ദ്ദീൻ, ജ​ന​റൽ സെ​ക്ര​ട്ട​റി ഡോ. അ​ബു ചെ​റി​യാൻ, ജി​ല്ലാ ചൈൽ​ഡ് പ്രൊ​ട്ട​ക്ഷൻ ഓ​ഫീ​സർ ജെ. പ്ര​സ​ന്ന​കു​മാ​രി, ചൈൽ​ഡ് വെൽ​ഫെ​യർ ക​മ്മി​റ്റി അം​ഗ​ങ്ങ​ളാ​യ ഷൺ​മു​ഖ​ദാ​സ്, മീ​നാ​കു​മാ​രി, മു​ര​ളീ​ധ​രൻ​പി​ള്ള, സോ​നു എ​സ്. നാ​യർ തു​ട​ങ്ങി​യ​വർ പ​ങ്കെ​ടു​ത്തു. ഫോ​സ്റ്റർ കെ​യർ ര​ക്ഷി​താ​ക്ക​ളു​ടെ അ​നു​ഭ​വം പ​ങ്കി​ടൽ, കു​ട്ടി​ക​ളു​ടെ വി​വി​ധ ക​ലാ​പ​രി​പാ​ടി​കൾ എ​ന്നി​വ​യും ന​ട​ന്നു.