പ​ത്ത​നാ​പു​രം: ഓണവിപണിയുടെ ആരവങ്ങൾ അവസാനിച്ചതോടെ പത്തനാപുരം മാർക്കറ്റ് മാലിന്യ കൂമ്പാരമായി. നഗരഹൃദയത്തിലുള്ള മാർക്കറ്റിലാണ് പച്ചക്കറി മാലിന്യങ്ങൾ അടക്കം കുന്നുകൂടിയിരിക്കുന്നത്. മാ​ലി​ന്യ​ സം​സ്​ക​ര​ണ​ത്തി​നുള്ള സംവിധാനങ്ങൾ പാളിയതാണ് സ്ഥിതി ഏറെ സങ്കീർണമാക്കിയത്. നിലവിൽ ആഴ്ചകൾ പഴക്കമുള്ള അവശിഷ്ടങ്ങളാണ് കുമിഞ്ഞുകൂടി ദുർഗന്ധം പരത്തുന്നത്. ഇതോടെ മാർക്കറ്റിനുള്ള കടക്കണമെങ്കിൽ മൂക്കുപൊത്തേണ്ട ഗതികേടിലായി വ്യാപാരികളും ജനങ്ങളും.

പൊ​ളി​ച്ചുമാ​റ്റി​യ പഴയ ഷോ​പ്പിം​ഗ് കോം​പ്ല​ക്‌​സ് കെ​ട്ടി​ട​ത്തി​ന്റെ ഭാഗത്തേക്കും മാലിന്യം വ്യാപിച്ചിട്ടുണ്ട്. മ​ത്സ്യ,​ മാം​സാ​വ​ശി​ഷ്ട​ങ്ങ​ളും കു​ന്നു​കൂ​ടി പു​ഴു​വ​രി​ച്ച നി​ല​യിലായതോടെ പകർച്ചവ്യാധി ഭീഷണിയും വർദ്ധിച്ചു. മാർ​ക്ക​റ്റി​നു​ള്ളിൽ ല​ക്ഷ​ങ്ങൾ ചെല​വ​ഴി​ച്ച് നിർ​മ്മി​ച്ച ര​ണ്ട് മാ​ലി​ന്യ സം​സ്​ക​ര​ണ പ്ലാന്റു​കൾ പുതിയ ഷോ​പ്പി​ഗ് കോം​പ്ല​ക്‌​സ് നിർ​മ്മാ​ണ​ത്തി​ന്റെ പേ​രിൽ പൊളിച്ചുനീക്കിയിരുന്നു. ഇതും മാലിന്യം കുന്നുകൂടുന്നതിന് ഒരു കാരണമാണ്. ദുർഗന്ധം ടൗണിലേക്കും വ്യാപിച്ചതോടെ ഇതുവഴി യാത്ര ചെയ്യുന്നതിനും ജനങ്ങൾ ബുദ്ധിമുട്ട് നേരിടുകയാണ്.

പ്രഖ്യാപനങ്ങൾ പാഴ്വാക്കായി....

മാ​ലി​ന്യ​ സം​സ്​ക​ര​ണ​ത്തി​ന് ആ​ധു​നി​ക സൗ​ക​ര്യ​ങ്ങൾ ഒ​രു​ക്കു​മെ​ന്ന് അ​ധി​കൃ​തർ പ​റ​യാൻ തു​ട​ങ്ങി​യി​ട്ട് വർ​ഷ​ങ്ങ​ളാ​യി. ആ​വ​ശ്യ​ത്തി​ന് തൊ​ഴി​ലാ​ളി​കൾ ഇ​ല്ലാ​ത്ത​തും സം​സ്​ക​ര​ണ​ത്തി​നാ​യി പ്ര​ത്യേ​ക ​സ്ഥ​ലം ക​ണ്ടെ​ത്താൻ ക​ഴി​യാ​ത്ത​തു​മാ​ണ് തടസമായത്.

എ​സ്.എ​ഫ്.സി.കെ​യു​ടെ പ​റ​ങ്കി​മാം​തോ​ട്ട​ത്തി​ലും പ​ഞ്ചാ​യ​ത്തി​ന്റെ ഉടമസ്ഥതയിലുള്ള

നീ​ലി​ക്കോ​ണ​ത്തെ വ​സ്​തു​വി​ലും മാ​ലി​ന്യം ​നി​ക്ഷേ​പിക്കാൻ ശ്രമം നടന്നിരുന്നു. ഇതും പാഴായി. പ​ല ത​വ​ണ ജ​ന​പ്ര​തി​നി​ധി​ക​ളു​ടെ​യും വി​വി​ധ വ​കു​പ്പു​ദ്യോഗ​സ്ഥ​രു​ടെ​യും സാ​ന്നി​ദ്ധ്യ​ത്തിൽ അ​വ​ലോ​ക​ന യോ​ഗ​ങ്ങൾ ന​ട​ന്നെ​ങ്കി​ലും അതും പ്രയോജനം ചെയ്തില്ല.

പ്ളാന്റുകൾ പ്രവർത്തനരഹിതം

മാർ​ക്ക​റ്റി​നു​ള്ളിൽ വൈ​ദ്യു​തി ഉ​ത്​പാ​ദ​ന​ത്തി​നാ​യി ബ​യോ​ഗ്യാ​സ് പ്ലാന്റും ജൈ​വ​വ​ള​ നിർമ്മാ​ണ​ത്തി​നാ​യി എ​യ്‌റോബി​ക് പ്ലാന്റും സ്ഥാ​പി​ച്ചിരുന്നു. ഇവയുടെ പ്രവർത്തനവും ഫലപ്രദമല്ല. മാർ​ക്ക​റ്റി​ലെ വ്യാ​പാ​രി​കൾ അ​താ​ത് വ്യാ​പാ​ര​ശാ​ല​ക​ളി​ലെ മാ​ലി​ന്യ​ങ്ങൾ നീ​ക്കം ചെ​യ്യ​ണ​മെ​ന്ന് ആ​രോ​ഗ്യ വ​കു​പ്പും പ​ഞ്ചാ​യ​ത്തും നിർ​ദേ​ശം നൽ​കി​യെ​ങ്കി​ലും അ​തും പ്രാ​യോ​ഗി​ക​മാ​യി​ല്ല. മാ​ലി​ന്യ​നീ​ക്ക​ത്തി​നാ​യി മാ​ത്രം പ്ര​തി​മാ​സം നാൽ​പ്പ​തി​നാ​യി​രം രൂ​പ​യാ​ണ് പ​ത്ത​നാ​പു​രം പ​ഞ്ചാ​യ​ത്ത് ചെ​ല​വ​ഴി​ക്കു​ന്ന​ത്.

...............................................................................

പ​ത്ത​നാ​പു​ര​ത്തെ പൊ​തു​വാ​യ പ്ര​ശ്‌​ന​മാ​ണ് മാ​ലി​ന്യ സം​സ്​ക​ര​ണം. രോ​ഗ​ങ്ങൾ പടരാൻ സാദ്ധ്യതയുള്ളതിനാൽ അടിയന്തര പ​രി​ഹാ​രം കാ​ണാൻ അ​ധി​കൃ​തർ ത​യ്യാ​റാ​ക​ണം ആ​ധു​നി​ക മാ​ലി​ന്യ സം​സ്​ക​ര​ണ പ്ലാന്റ് സ്ഥാ​പി​ക്ക​ണം

ബി​ജു ഡി​ക്രൂ​സ്.പൊ​തു പ്ര​വർ​ത്ത​കൻ

...........................................................................................

വർ​ഷ​ങ്ങ​ളാ​യു​ള്ള മാ​ലി​ന്യ​പ്ര​ശ്‌​ന​ങ്ങൾ​ക്ക് പ​രി​ഹാ​രം കാ​ണാൻ അ​ധി​കൃ​തർ ത​യ്യാ​റാ​ക​ണം. മാ​ലി​ന്യ നി​ക്ഷേ​പ​ത്തി​ന് പ്ര​ത്യേ​ക സ്ഥ​ലം ക​ണ്ടെ​ത്ത​ണം.

അ​ഡ്വ​. സാ​ജു ഖാൻ (പൊ​തുപ്ര​വർ​ത്ത​കൻ).