കരുനാഗപ്പള്ളി: അനുദിനം വർദ്ധിക്കുന്ന തെരുവ്നായ്ക്കളുടെ ശല്യം കാരണം കരുനാഗപ്പള്ളിയുടെ വിവിധ ഭാഗങ്ങളിൽ ജനം വലയുന്നു. വന്ധ്യംകരണ നടപടികൾ പാളിയതും മാലിന്യനിക്ഷേപം രൂക്ഷമായതുമാണ് നായ്ക്കൾ പെരുകുന്നതിനുള്ള പ്രധാന കാരണം. ഇവയെ ഭയന്ന് വഴിനടക്കാൻ പോയിട്ട് സമാധാനമായി ഉറങ്ങാൻപോലും സാധിക്കാറില്ലെന്നാണ് ജനങ്ങൾ പറയുന്നത്. കരുനാഗപ്പള്ളി നഗരസഭയുടെ ഭാഗങ്ങളിൽ മാത്രമല്ല ഗ്രാമപ്രദേശങ്ങളിലും ഇതാണ് അവസ്ഥ.

പ്രഭാതസവാരിക്കിറങ്ങുന്നവരും വളർത്തുമൃഗങ്ങളുമാണ് ആക്രമണങ്ങൾക്ക് ഏറെയും വിധേയമാകുന്നത്. കഴിഞ്ഞ ദിവസം മരുതൂർക്കുളങ്ങര തെക്ക് മേക്കേ അയണിവേലിൽ രാധാകൃഷ്ണപിള്ളയുടെ 4 പശുക്കുട്ടികളെയാണ് തെരുവ് നായ്ക്കൾ സംഘം ചേർന്ന് കടിച്ചുകൊന്നത്. രണ്ട് പശുക്കൾക്കും പരിക്കേറ്റു. രണ്ടാഴ്ച മുമ്പ് കോഴിക്കോട് വലിയത്ത് വീട്ടിൽ ബി.എൻ. കനകന്റെ 9 മുട്ടക്കോഴികളെയും നായ്ക്കൾ കൊന്നിരുന്നു. നിരവധി ആടുകളും ആക്രമണത്തിന് ഇരയായി.

ഇരുട്ടിന്റെ മറപിടിച്ച് കൂട്ടത്തോടെയെത്തുന്ന നായ്ക്കൾ കൂട് തകർത്ത ശേഷമാണ് വളർത്തുമൃഗങ്ങളെ ആക്രമിക്കുന്നത്. കരച്ചിൽ കേട്ട് വീട്ടുകാരെത്തുമ്പോഴേക്കും എല്ലാം കഴിഞ്ഞിരിക്കും. കടിയേൽക്കുമെന്ന് ഭയന്ന് ഇവയെ വിരട്ടിഓടിക്കാൻ പോലും ആരും ധൈര്യപ്പെടാറില്ല.

വില്ലനായി മാലിന്യ നിക്ഷേപം

വിവിധ ഭാഗങ്ങളിൽ അനുദിനം വർദ്ധിക്കുന്ന മാലിന്യനിക്ഷേപമാണ് ശരിക്കുള്ള വില്ലൻ. ഹോട്ടൽ മാലിന്യങ്ങൾക്കൊപ്പം അറവുമാലിന്യവും പലയിടത്തും വലിച്ചെറിയുന്നുണ്ട്. ഇവ കഴിക്കാനെത്തുന്ന നായ്ക്കളാണ് ഏറെ അപകടകാരികൾ.രക്തം കലർന്ന മാംസവശിഷ്ടങ്ങൾ കഴിച്ചുവളരുന്ന നായ്ക്കൾ മനുഷ്യനെ ആക്രമിക്കാനുള്ള സാദ്ധ്യത ഏറെയാണെന്നാണ് വിദഗ്ദ്ധർ പറയുന്നത്.

സൂക്ഷിക്കണം തെരുവുനായ്ക്കളെ...

പ​ല​പ്പോ​ഴും നാ​യ​കൾ ആ​ക്ര​മ​ണ​കാ​രി​ക​ളാ​കു​ന്ന​ത്​ പേ​ടി​ച്ചി​ട്ടാ​ണ്​. അ​തു​കൊ​ണ്ട്​ ത​ന്നെ അ​വ​യെ പ്ര​കോ​പി​പ്പി​ക്കാ​തി​രി​ക്കു​ക.

നാ​യ ആ​ക്ര​മ​ണ​കാ​രി​യാ​ണെ​ന്ന്​ തി​രി​ച്ച​റി​ഞ്ഞാൽ തി​രി​ഞ്ഞ്​ ഓ​ട​രു​ത്​. ഓ​ടി​യാൽ അ​വ പി​ന്നാ​ലെ വ​ന്ന്​ ആ​ക്ര​മി​ക്കും.

സാ​വ​ധാ​നം ന​ട​ന്നു പോ​കാൻ ശ്ര​ദ്ധി​ക്കു​ക.

നാ​യ ആ​ക്ര​മ​ണ​കാ​രി​യാ​ണെ​ങ്കിൽ ഓ​ടു​ന്ന​തി​ന്​ പ​ക​രം അ​വ​യ്​ക്ക് എ​ത്തി​പ്പെ​ടാൻ പ​റ്റാ​ത്ത ഉ​യ​ര​ത്തിൽ ക​യ​റു​ക​യും മ​റ്റൊ​രാ​ളു​ടെ സ​ഹാ​യം തേ​ടു​ക​യും വേ​ണം.

ആ​ക്ര​മ​ണ​കാ​രി​യാ​യ നാ​യ​യു​ടെ ക​ണ്ണിൽ നോ​ക്കാ​തി​രി​ക്കു​ക.

നാ​യ​യെ തി​രി​ച്ചാ​ക്ര​മി​ക്കു​ന്ന രീ​തി​യിൽ പെ​രു​മാ​റാ​തി​രി​ക്കു​ക. ഇ​ത്​ അ​വ​രെ​ കൂടു​തൽ പ്ര​കോ​പി​പ്പി​ക്കും.

നാ​യ​യു​ടെ നേ​രെ ന​ട​ക്കാ​തെ അ​രി​കി​ലൂ​ടെ മാ​ത്രം ന​ട​ക്കു​ക.

നാ​യ​യു​ടെ പ​ല്ലോ ന​ഖ​മോ ശ​രീ​ര​ത്ത്​ കൊ​ണ്ടാൽ എ​ത്ര​യും പെ​ട്ട​െന്ന്​ ചി​കി​ത്സ തേ​ടു​ക.

തെരുവ് നായ്ക്കളുടെ ശല്യം വർദ്ധിച്ചത് മുനിസിപ്പാലിറ്റിയുടെ ശ്രദ്ധയിൽപ്പെട്ടിട്ടുണ്ട്.

കഴിഞ്ഞ കൗൺസിൽ യോഗത്തിൽ തെരുവ് നായ്ക്കളെ വന്ധ്യംകരിക്കാൻ ടെണ്ടർ ക്ഷണിച്ചു. ഏറ്റവും കുഞ്ഞ റേറ്റ് കോട്ട് ചെയ്തു നൽകിയ ടെണ്ടർ അംഗീകരിച്ച് മൃഗസംരക്ഷണ വകുപ്പിലെ ഉദ്യോഗസ്ഥർക്ക് കൈമാറി കഴിഞ്ഞു. എത്രയും വേഗം നടപടികൾ ഉണ്ടാകും.

എം. ശോഭന ചെയർപേഴ്സൺ കരുനാഗപ്പള്ളി നഗരസഭ