പുത്തൂർ: മീൻ കഴുകിയ വീട്ടമ്മയുടെ സ്വർണവളയുടെ നിറം മാറി. പുത്തൂർ തെക്കുംപുറം രവി നിവാസിൽ റിട്ട. അദ്ധ്യാപിക സുലോചനഭായിക്കാണ് ഈ അനുഭവം ഉണ്ടായത്.

കഴിഞ്ഞ ദിവസം പുത്തുർ മാർക്കറ്റിൽ നിന്ന് വാങ്ങിയ മഞ്ഞക്കോര (കിളിമീൻ ) കഴുകിയപ്പോഴാണ് കൈയിലണിഞ്ഞിരുന്ന രണ്ടു സ്വർണ വളകളുടെ നിറം മാറിയത്. ഒരെണ്ണം ഒടിഞ്ഞ് മാറുകയും ചെയ്തു.

അങ്കലാപ്പിലായ വീട്ടുകാർ മീൻ ഉപയോഗിക്കാതെ ഫ്രിഡ്ജിൽ സുക്ഷിച്ചിരിക്കുകയാണ്. കൊട്ടാരക്കര നിന്നും ഭക്ഷ്യ സുരക്ഷാ വിഭാഗം ഇന്നെത്തി പരിശോധനയ്ക്കായി കൊണ്ടുപോകും. മത്സ്യം കേടാകാതിരിക്കാൻ ചേർത്ത രാസവസ്തുക്കൾ മുലമാകാം ഇത് സംഭവിച്ചതെന്നും വിദഗ്ദ പരിശോധന നടത്തുമെന്നും അധ്യകൃതർ പറഞ്ഞു.