കൊല്ലം: പ്ര​തി​യു​ടെ സാ​ഹ​ച​ര്യം പ​രി​ഗ​ണി​ച്ച് ന​ല്ല​ന​ട​പ്പി​ന് അ​വ​സ​രം നൽ​കേ​ണ്ട​തു​ണ്ടെന്നും വി​ധി​ന്യാ​യ​ങ്ങ​ളി​ൽ അർ​ഹ​മാ​യ​വ​യ്‌​ക്കെ​ല്ലാം ന​ല്ല​ന​ട​പ്പ് നി​യ​മം (പ്രൊ​ബേ​ഷൻ നി​യ​മം) ബാ​ധ​ക​മാ​ക്കാൻ ന്യാ​യാ​ധി​പന്മാർ ശ്ര​ദ്ധി​ക്കു​ന്ന​ത് ഉ​ചി​ത​മാ​യി​രി​ക്കുമെന്നും ജി​ല്ലാ ജ​ഡ്​ജി എ​സ്. എ​ച്ച് പ​ഞ്ചാ​പ​കേ​ശൻ പറഞ്ഞു.

പ്രൊ​ബേ​ഷൻ സം​വി​ധാ​നം ശ​ക്തി​പ്പെ​ടു​ത്തു​ന്ന​തി​ന് സാ​മൂ​ഹ്യ​നീ​തി വ​കു​പ്പ് ന​ട​പ്പി​ലാ​ക്കി വ​രു​ന്ന 'നേർ​വ​ഴി' പ​ദ്ധ​തി​യു​ടെ ഭാ​ഗ​മാ​യി സം​ഘ​ടി​പ്പി​ച്ച ഏ​ക​ദി​ന ശി​ല്​പ​ശാ​ല ഉ​ദ്​ഘാ​ട​നം ചെ​യ്യുകയായിരുന്നു അദ്ദേഹം.
പാ​പ​ത്തെ വെ​റു​ക്കു​ക, പാ​പി​യെ വെ​റു​ക്കാ​തി​രി​ക്കു​ക എ​ന്ന അ​ടി​സ്ഥാ​ന ത​ത്വ​ത്തിൽ ഊ​ന്നി​യാ​ണ് പ്രൊ​ബേ​ഷൻ ഒ​ഫ് ഒ​ഫ​ന്റേ​ഴ്​​സ് ആ​ക്ട് ന​ട​പ്പി​ലാ​ക്കു​ന്ന​ത്. പ്ര​തി​യു​ടെ സാ​ഹ​ച​ര്യം കൂ​ടി വി​ധി​ന്യാ​യ​ത്തിൽ പ​രി​ഗ​ണി​ക്കു​മ്പോ​ഴാ​ണ് ഈ നി​യ​മ​ത്തി​ന് പ്ര​സ​ക്തി​യേ​റു​ന്ന​ത്. ജ​യിൽ ശി​ക്ഷ​യ്​ക്ക് പ​ക​രം കു​റ്റ​ത്തി​ന്റെ സാ​ഹ​ച​ര്യം, ഉ​ദ്ദേ​ശ​ല​ക്ഷ്യം, പ്ര​തി​യു​ടെ സ്വ​ഭാ​വ - വ്യ​ക്തി​ത്വ സ​വി​ശേ​ഷ​ത​കൾ തു​ട​ങ്ങി​യ​വ ക​ണ​ക്കി​ലെ​ടു​ത്ത് താൽ​ക്കാ​ലി​ക​മാ​യി ശി​ക്ഷ മാ​റ്റി​വ​യ്​ക്കാം. ഇ​ങ്ങ​നെ ന​ല്ല​ന​ട​പ്പി​ന് വി​ധേ​യ​മാ​ക്കി സ​മൂ​ഹ​ത്തി​ന്റെ മു​ഖ്യ​ധാ​ര​യി​ലേ​ക്ക് കൊ​ണ്ടു വ​രു​ന്ന​തി​ന് സാ​ഹ​ച​ര്യം ഒ​രു​ക്കു​ക​യാ​ണ് പ്രൊ​ബേ​ഷൻ നി​യ​മ​ത്തി​ലൂ​ടെ ല​ക്ഷ്യ​മാ​ക്കു​ന്നതെന്നും അ​ദ്ദേ​ഹം പറഞ്ഞു.
പ്രൊ​ബേ​ഷൻ ഓ​ഫീ​സി​ന്റെ​യും ലീ​ഗൽ സർ​വീ​സ​സ് അ​തോ​റി​റ്റി​യു​ടെ​യും സം​യു​ക്താ​ഭി​മു​ഖ്യ​ത്തിൽ പോ​ലീ​സ് ക്ല​ബ് കോൺ​ഫ​റൻ​സ് ഹാ​ളിൽ ന​ട​ത്തി​യ പ​രി​പാ​ടി​യിൽ പ​ര​വൂർ മുൻ​സി​പ്പൽ ചെ​യർ​മാ​ഴ കെ.പി കു​റു​പ്പ് അദ്ധ്യക്ഷത വഹിച്ചു. വ്യ​ക്തി​പ​രി​വർ​ത്ത​ന സി​ദ്ധാ​ന്ത​വും പ്രൊ​ബേ​ഷൻ സം​വി​ധാ​ന​വും എ​ന്ന വി​ഷ​യ​ത്തിൽ ജ​യിൽ മുൻ ഡി.ജി.പി അ​ല​ക്​സാ​ണ്ടർ ജേ​ക്ക​ബ് പ്ര​ഭാ​ഷ​ണം ന​ട​ത്തി. നേർ​വ​ഴി പ​ദ്ധ​തി​യും പ്രൊ​ബേ​ഷൻ സം​വി​ധാ​ന​വും എ​ന്ന വി​ഷ​യ​ത്തിൽ ജി​ല്ലാ പ്രൊ​ബേ​ഷൻ അ​സി​സ്റ്റന്റ് റോ​യി ഡേ​വി​ഡ് പ്ര​ഭാ​ഷ​ണം ന​ട​ത്തി. സാ​മൂ​ഹ്യ​നീ​തി വ​കു​പ്പ് നൽ​കി വ​രു​ന്ന വി​വി​ധ സേ​വ​ന​ങ്ങ​ളെ​യും സ്കീ​മു​ക​ളെ​യും കു​റി​ച്ച് പ്രൊ​ബേ​ഷൻ ഓ​ഫീ​സ് സീ​നി​യർ ക്ലർ​ക്ക് അ​ഴൂർ ശി​വ​കു​മാർ വി​ശ​ദീ​ക​രി​ച്ചു. അ​ഡീ​ഷ​ണൽ പ്രൊ​ബേ​ഷൻ ഓ​ഫീ​സർ സി. എ​സ് സു​രേ​ഷ് കു​മാർ പ്ലീ​ന​റി സെ​ക്ഷൻ ന​യി​ച്ചു. നി​യ​മ വി​ദ്യാർ​ത്ഥി​ക​ളും പോ​ലീ​സ് ഉ​ദ്യോ​ഗ​സ്ഥ​രും പ​ങ്കെ​ടു​ത്തു.
ജി​ല്ലാ പ്രൊ​ബേ​ഷൻ ഓ​ഫീ​സർ സി​ജു ബെൻ, ജി​ല്ലാ ജ​യിൽ സൂ​പ്ര​ണ്ട് ജി. ച​ന്ദ്ര​ബാ​ബു, ജി​ല്ലാ ഇൻ​ഫർ​മേ​ഷൻ ഓ​ഫീ​സർ സി. അ​ജോ​യ്, ബാർ അ​സോ​സി​യേ​ഷൻ സെ​ക്ര​ട്ട​റി മ​നോ​ജ് ശ്രീ​ധർ, പ്രൊ​ബേ​ഷൻ അ​ഡൈ്വ​സ​റി ക​മ്മി​റ്റി അം​ഗ​ങ്ങ​ളാ​യ അ​ഡ്വ. ആർ. എ​സ്. രാ​ഹുൽ, എ​സ്. ച​ന്ദ്ര​ശേ​ഖ​രൻ പി​ള്ള എ​ന്നി​വർ സം​സാ​രി​ച്ചു.