കു​ണ്ട​റ: കുണ്ടറ താ​ലൂ​ക്ക് ആ​ശു​പ​ത്രി​യിൽ നിർമ്മാണം പൂർത്തിയായ ആ​ധു​നി​ക ലേ​ബർ റൂം, ഓ​പ്പ​റേ​ഷൻ തീ​യേറ്റ​ർ, വ​ന്ധ്യ​താ നി​വാ​ര​ണ ക്ലി​നി​ക്ക് എന്നിവയുടെ ഉദ്ഘാടനം നാളെ നടക്കും. രാവിലെ 9.30​ന് ആ​ശു​പ​ത്രി അ​ങ്ക​ണ​ത്തിൽ നടക്കുന്ന ചടങ്ങിൽ മ​ന്ത്രി ജെ. മേ​ഴ്‌​സി​ക്കു​ട്ടിഅ​മ്മ ഉദ്ഘാടനം നിർവഹിക്കും. ചി​റ്റു​മ​ല ബ്ലോ​ക്ക് പഞ്ചായത്ത് പ്ര​സി​ഡന്റ് സി. സ​ന്തോ​ഷ് അദ്ധ്യക്ഷത വ​ഹി​ക്കും.

ഉദ്ഘാടനത്തോടുകൂടി ആശുപത്രിയിലെ ഗൈനക്കോളജി വിഭാഗവും ശിശുരോഗവിഭാഗവും തുടർന്നും കാര്യക്ഷമമായി പ്രവർത്തനമാരംഭിക്കുമെന്ന് അധികൃതർ അറിയിച്ചു.

 നടപ്പിലാകും, 35.56 കോടി രൂപയുടെ പദ്ധതി

താലൂക്ക് ആശുപത്രിയുടെ വികസനത്തിനായി കിഫ്ബിയിൽ ഉൾപ്പെടുത്തി 35.56 കോടി രൂപയുടെ പദ്ധതികളാണ് ആശുപത്രിയിൽ നടപ്പിലാകാൻ പോകുന്നത്. പദ്ധതി പ്രകാരം 200 രോ​ഗി​കളെ കി​ട​ത്തി​ ചി​കി​ത്സിക്കാൻ സൗ​ക​ര്യ​മു​ള്ള കെ​ട്ടി​ട​സ​മു​ച്ച​യം, ര​ണ്ട് മോ​ഡുലാർ ഓ​പ്പ​റേ​ഷൻ തീ​യേറ്റ​റു​കൾ, ലാ​ബു​കൾ, സർ​ജി​ക്കൽ ഐ.സി.യു, റേ​ഡി​യോ​ള​ജി വി​ഭാ​ഗം, ന​ഴ്‌​സു​മാർക്ക് ഡോർ​മെ​റ്റ​റി സൗകര്യം, ആർ.എം.ഒ ക്വാ​ട്ടേ​ഴ്‌​സ്, എ​ക്‌​സ് റേ യൂണിറ്റ്, സ്​കാ​നിം​ഗ് സെന്റർ, കേ​ന്ദ്രീ​കൃ​ത വാ​ത​ക സം​വി​ധാ​നം തു​ട​ങ്ങി​യ​വ​ ആശുപത്രിയിൽ സജ്ജമാകും.