കൊ​ട്ടി​യം: അ​ഗ്നി​ബാ​ധ​യിൽ ക​ണ്ണ​ന​ല്ലൂ​രിൽ പ്രവർത്തിച്ചിരുന്ന വ്യപാരസ്ഥാപനം ഭാഗികമായി ക​ത്തിന​ശി​ച്ചു. ബി.എ​സ്.കെ ബേ​ക്ക​റി ആൻഡ് ഫ്രൂ​ട്‌​സ് എന്ന സ്ഥാപനത്തിലാണ് തീപി​ടി​ത്ത​മു​ണ്ടാ​യ​ത്. ഇന്നലെ പു​ലർ​ച്ചെ ഒ​രുമ​ണി​യോ​ടെ​യാ​യി​രു​ന്നു അ​പ​ക​ടം.

രാ​ത്രി പ​ന്ത്ര​ണ്ട​ര വ​രെ സ്ഥാപനം പ്ര​വർ​ത്തി​ച്ചി​രു​ന്നു. ക​ട പൂ​ട്ടി ഏ​താ​നം നി​മി​ഷ​ങ്ങൾ​ക്കു​ള്ളി​ലാ​ണ് തീ പ​ടർ​ന്നുപി​ടി​ച്ച​ത്. ക​ട​യ്​ക്ക് മു​ന്നിൽ പഴവർഗങ്ങളുടെ വിൽ​പ്പ​ന​യ്​ക്കാ​യി നിർ​മ്മി​ച്ച ഭാ​ഗ​ത്തേ​ക്ക് വ​ലി​ച്ചി​ട്ടു​ള്ള ഇ​ല​ക്ട്രി​ക് വ​യ​റിംഗിലു​ണ്ടാ​യ ഷോർ​ട്ട് സർ​ക്യൂ​ട്ടാ​ണ് തീപി​ടി​ത്തത്തി​ന് കാ​ര​ണ​മാ​യ​തെ​ന്നാ​ണ് പ്രാ​ഥ​മി​ക നി​ഗ​മ​നം.

ക​ണ്ണ​ന​ല്ലൂർ സെ​ക്ഷൻ ഓ​ഫീ​സിൽ നി​ന്ന് വൈ​ദ്യു​തി വ​കു​പ്പ് ഉ​ദ്യോ​ഗ​സ്ഥ​രെ​ത്തി വൈ​ദ്യു​തി ബ​ന്ധം വി​ശ്ചേ​ദി​ച്ചു. കൊ​ല്ലത്ത് നിന്നും കു​ണ്ട​റയിൽ നി​ന്നുമായി മൂ​ന്ന് യൂ​ണി​റ്റ് അ​ഗ്നി​ശ​മ​നാസം​ഘം എ​ത്തി​യാ​ണ് തീ അ​ണ​ച്ച​ത്. ക​ട​യു​ടെ ഭി​ത്തി​കൾ​ക്കും ഷ​ട്ട​റി​നും ഫ്രി​ഡ്​ജ്, ഫ്രീ​സർ അ​ട​ക്ക​മു​ള്ള സാ​ധ​ന​ങ്ങൾ​ക്കും നാ​ശ​ന​ഷ്ട​മുണ്ടായി.