കൊ​ട്ടി​യം: വീ​ട്ടിൽ മാ​താ​വി​നൊ​​പ്പം ഉ​റ​ങ്ങി കി​ട​ക്കു​ക​യാ​യി​രു​ന്ന എ​ട്ടാം ക്ലാ​സ് വി​ദ്യാർ​ത്ഥി​നി പാ​മ്പു​ക​ടി​യേ​റ്റു മ​രി​ച്ചു. ത​ഴു​ത്ത​ല പി.കെ. ജം​ഗ്​ഷ​ന​ടു​ത്ത് ഷ​മാ​സ് മൻ​സി​ലിൽ അ​ബ്ദുൽ നാ​സി​റി​ന്റെ​യും സ​ബീ​ന​യു​ടെ​യും മ​കൾ ഫർ​സാ​നാ നാ​സ്വിർ (12) ആ​ണ് മ​രി​ച്ച​ത്. തി​ങ്ക​ളാ​ഴ്​ച പു​ലർ​ച്ചെ ഒ​ന്ന​ര​യോ​ടെ​യാ​യി​രു​ന്നു സം​ഭ​വം. ക​ട്ടി​ലിൽ കി​ട​ക്കു​ക​യാ​യി​രു​ന്ന കു​ട്ടി നി​ല​വി​ളി​ച്ചുകൊ​ണ്ട് ചാ​ടി​യെ​ഴു​ന്നേൽ​ക്കു​ക​യും എ​ന്തോ ക​ടി​ച്ച​താ​യി പ​റ​യു​ക​യും ചെ​യ്​തു. കൈയിൽ എ​ന്തോ ക​ടി​ച്ച ചെ​റി​യ പാ​ടും ഉ​ണ്ടാ​യി​രു​ന്നു. കു​ട്ടി​യെ ജി​ല്ലാ ആ​ശു​പ​ത്രി​യിൽ എ​ത്തി​ച്ചെ​ങ്കി​ലും ജീ​വൻ ര​ക്ഷി​ക്കാ​നാ​യി​ല്ല.

മു​ള്ളു​കാ​ട് ഖു​വ​ത്തുൽ ഇ​സ്ലാം തൈ​ക്കാ​വി​ലെ ഇ​മാ​മാ​യ പി​താ​വ് സ്ഥ​ല​ത്തു​ണ്ടാ​യി​രു​ന്നി​ല്ല. മു​ഖ​ത്ത​ല എം.ജി.ടി.എ​ച്ച്.എ​സി​ലെ എ​ട്ടാം ക്ലാ​സ് വി​ദ്യാർ​ത്ഥി​നി​യാ​യി​രു​ന്നു. മൃ​ത​ദേ​ഹം പി​താ​വി​ന്റെ കു​ടും​ബ വീ​ടാ​യ അ​യ​ത്തിൽ എം.എ​സ് ന​ഗർ 118 പ​റ​ങ്കി​മാം​വി​ള വീ​ട്ടിൽ പൊ​തു​ദർ​ശ​ന​ത്തി​ന് വ​ച്ച ശേ​ഷം വൻ ജ​നാ​വ​ലി​യു​ടെ സാ​ന്നി​ദ്ധ്യ​ത്തിൽ കി​ളി​കൊ​ല്ലൂർ തെ​ക്കും​ക​ര മു​സ് ലിം ജ​മാ​അ​ത്ത് ഖ​ബർ​സ്ഥാ​നിൽ അ​ട​ക്കി. മു​ഹ​മ്മ​ദ് ഷ​മ്മാ​സ്, ഫർ​ഹാ​നാ നാ​സ്വിർ എ​ന്നി​വർ സ​ഹോ​ദ​ര​ങ്ങ​ളാ​ണ്.