കൊല്ലം: എസ്.എൻ.ഡി.പി യോഗം കൊല്ലം യൂണിയന്റെ ആഭിമുഖ്യത്തിൽ കൊല്ലം ശ്രീനാരായണ കോളേജ് സെമിനാർ ഹാളിൽ നടന്ന വിവാഹപൂർവ കൗൺസലിംഗ് ക്യാമ്പ് യൂണിയൻ പ്രസിഡന്റ് മോഹൻ ശങ്കർ ഉദ്ഘാടനം ചെയ്‌തു. എസ്.എൻ.ഡി.പി യോഗം കൗൺസിലർ പി. സുന്ദരൻ അദ്ധ്യക്ഷത വഹിച്ചു.
യൂണിയൻ സെക്രട്ടറി എൻ. രാജേന്ദ്രൻ, യോഗം ബോർഡ് മെമ്പർ ആനേപ്പിൽ എ.ഡി. രമേഷ്, പ്രത്യേക ക്ഷണിതാവ് അഡ്വ. കെ. ധർമ്മരാജൻ, യൂണിയൻ കൗൺസിലർമാരായ ബി. വിജയകുമാർ, പുണർതം പ്രദീപ്, ബി. പ്രതാപൻ, ജി.ഡി. രാഖേഷ്, നേതാജി ബി. രാജേന്ദ്രൻ, ഷാജി ദിവാകർ, എം. സജീവ്, യൂണിയൻ പഞ്ചായത്ത് കമ്മിറ്റി അംഗങ്ങളായ ഇരവിപുരം സജീവൻ, അഡ്വ. എസ്. ഷേണാജി, ജി. രാജ്മോഹൻ, ആർ.ഡി.സി ചെയർമാൻ മഹിമ അശോകൻ, ട്രസ്റ്റ് ബോർഡ് മെമ്പർമാരായ മുണ്ടയ്ക്കൽ രാജീവൻ, ഉപേന്ദ്രൻ, കോതേത്ത് ശശിധരൻ, പി.ബി. ഉണ്ണികൃഷ്ണൻ, കൊല്ലം യൂണിയൻ വനിതാ സംഘം പ്രസിഡന്റ് ഡോ. സുലേഖ, സെക്രട്ടറി ഷീലാ നളിനാക്ഷൻ, കമ്മിറ്റി അംഗം വിമലകുമാരി, ശാഖായോഗം സെക്രട്ടറിമാർ, പ്രവർത്തകർ എന്നിവർ പങ്കെടുത്തു.
'ശ്രീനാരായണ ധർമ്മം കുടുംബ ജീവിതത്തിൽ' എന്ന വിഷയത്തിൽ ഷൈലജയും, 'സ്ത്രീ പുരുഷ മനഃശാസ്‌ത്രം' എന്ന വിഷയത്തിൽ സുരേഷ് പരമേശ്വറും ക്ലാസുകൾ നയിച്ചു. ഇന്ന് 'കുടുംബജീവിതത്തിലെ സങ്കൽപങ്ങളും യാഥാർത്ഥ്യങ്ങളും', 'കുടുംബ ബ‌‌ഡ്‌ജറ്റ് എന്നീ വിഷയങ്ങളിൽ രാജേഷ് പൊൻമല, 'സ്ത്രീ - പുരുഷ ലൈംഗികത, ഗർഭധാരണം, പ്രസവം,ശിശുപരിപാലനം' എന്നീ വിഷയത്തിൽ ഡോ. ശരത്ചന്ദ്രൻ, 'കുടുംബപ്രശ്നങ്ങളും പരിഹാരവും' എന്ന വിഷയത്തിൽ കെ.വി. അനൂപ് എന്നിവർ ക്ലാസ് നയിക്കും.