കു​ണ്ട​റ: ബസ് യാ​ത്ര​യ്​ക്കി​ടെ സ്​ത്രീ​യു​ടെ ബാ​ഗിൽ​ നി​ന്ന് പ​ണം മോ​ഷ്ടി​ച്ച ത​മി​ഴ്‌​നാ​ട് സ്വ​ദേ​ശി​ക​ളെ യാ​ത്ര​ക്കാ​രും ബസ് ജീ​വ​ന​ക്കാ​രും ത​ട​ഞ്ഞു​വ​ച്ച് പൊ​ലീ​സി​ന് കൈ​മാ​റി. തൂ​ത്തു​ക്കു​ടി അ​ണ്ണാ​ന​ഗർ 12 പു​റ​മ്പോ​ക്കിൽ താ​മ​സ​ക്കാ​രാ​യ പേ​ച്ചി (35), കാ​വ്യ (23) എ​ന്നി​വ​രാ​ണ് പിടിയിലായത്.

ഇന്നലെ രാവിലെ 11.40​ ഓ​ടെയാണ് സംഭവം. കി​ഴ​ക്കേക​ല്ല​ട നെ​ടി​യ​വി​ള സ്വ​ദേ​ശി​നിയായ യാത്രക്കാരി ച​ന്ദ​ന​ത്തോ​പ്പ് ഐ.ടി.ഐയിലെ പി.ടി.എ മീ​റ്റിം​ഗിൽ പ​ങ്കെ​ടു​ത്തതിന് ശേഷം അവിടെ നിന്ന് പ​ള്ളി​മുക്കിൽ ബസിൽ വന്നിറങ്ങി. പള്ളിമുക്കിൽ നിന്ന് ഭരണിക്കാവിലേക്ക് പോകാൻ മറ്റൊരു ബസിൽ കയറി ടിക്കറ്റ് എടുക്കാൻ നേരത്താണ് പക്കലുണ്ടായിരുന്ന 3700 ഓളം രൂപ നഷ്ടപ്പെട്ടതായി അറിഞ്ഞത്. ഉടൻ തന്നെ ക​ണ്ട​ക്ട​റെ വി​വ​ര​മ​റി​യി​ച്ചു. തുടർന്ന് ബസ് ജീവനക്കാരും സ്ത്രീയും ചേർന്ന് പള്ളിമുക്ക് ജംഗ്ഷനിൽ ചിലരോട് അന്വേഷിച്ചപ്പോൾ പള്ളിമുക്കിലേക്ക് വന്ന ബസിൽ നിന്നിറങ്ങിയ രണ്ട് നാ​ടോ​ടി സ്​ത്രീ​കൾ ഓ​ട്ടോ​റി​ക്ഷ​യിൽ ക​യ​റി പോ​യ​താ​യി മനസിലായി. തുടർന്ന് ബസ് മു​ക്ക​ട ജംഗ്​ഷ​നിലെത്തിയപ്പോൾ അവിടത്തെ കാ​ത്തി​രി​പ്പ് കേ​ന്ദ്ര​ത്തിലുണ്ടായിരുന്ന ഇവരെ പി​ടി​കൂ​ടു​ക​യാ​യി​രു​ന്നു. നഷ്ടപ്പെട്ട പണം ഇവരിൽ നിന്ന് കണ്ടെത്തുകയും പൊലീസിന് കൈമാറുകയുമായിരുന്നു. പ്രതികൾ കൊ​ല്ലം റെയിൽ​വേ സ്‌​റ്റേ​ഷൻ പു​റ​മ്പോ​ക്ക് താവളമാക്കി മോ​ഷ​ണം ന​ട​ത്തി​വ​രി​ക​യാ​യി​രു​ന്നു​വെ​ന്ന് പൊ​ലീ​സ് അ​റി​യി​ച്ചു.