ചിറയിൻകീഴ്: ചിറയിൻകീഴ് ബ്ലോക്ക് പഞ്ചായത്തിന്റെ ആഭിമുഖ്യത്തിൽ ചിറയിൻകീഴ് താലൂക്കാശുപത്രിയിലെ രോഗികൾക്കും കൂട്ടിരിപ്പുകാർക്കും ആഹാരം നൽകുന്നതിനായി നടപ്പിലാക്കിയ അന്നശ്രീ പദ്ധതിയുടെ ഭാഗമായി ഒരുക്കിയ ഓണസദ്യയിൽ രോഗികളോടൊപ്പം ബി.സത്യൻ എം.എൽ.എയും ചിറയിൻകീഴ് ബ്ലോക്ക്പഞ്ചായത്ത് പ്രസിഡന്റ് ആർ.സുഭാഷും തിരുവോണസദ്യയുണ്ടു. ആനത്തലവട്ടം കൈപ്പള്ളി വീട്ടിൽ ബിജുവാണ് സദ്യയൊരുക്കിയത്. ഇന്ന് കടയ്ക്കാവൂർ ഉബൈദ് നിവാസിൽ എച്ച്.ഷാനവാസും, നാളെ വക്കം റൂറൽ ഹെൽത്ത് സെന്ററിലെ എ.എം.ഒ ഡോ.സിജു എൻ.എസും ഓണസദ്യ നൽകും. അഞ്ചുതെങ്ങ് പഞ്ചായത്ത് മുൻ പ്രസിഡന്റ് വി.ലൈജു, വി.വിജയകുമാർ, എച്ച്.ഷാനവാസ്, ബിജുവും കുടുംബവും തുടങ്ങിയവരും സദ്യയിൽ പങ്കു ചേർന്നു.