തി​രു​വ​ന​ന്ത​പു​രം: കഴിഞ്ഞ വർഷം പ്രളയത്തിൽ വീടുകൾ നഷ്ടമായ എണ്ണായിരത്തോളം പേർ ഇത്തവണ പുതിയ വീട്ടിൽ ഓണ​മുണ്ണുമെന്ന് മുഖ്യമന്ത്രി പിണറായി വിജയൻ പറ​ഞ്ഞു. പ്ര​ള​യ ദു​രി​താ​ശ്വാ​സത്തിൽ കൈ​കോർ​ത്തവ​രെ ആ​ദ​രിക്കാൻ തി​രു​വ​ന​ന്ത​പു​രം സെൻട്രൽ സ്‌​റ്റേ​ഡി​യത്തിൽ ജില്ലാ പ​ഞ്ചാ​യ​ത്ത് സം​ഘ​ടി​പ്പി​ച്ച ചടങ്ങിന്റെ ഉ​ദ്​ഘാ​ട​നവും അ​വാർ​ഡ് വി​ത​ര​ണവും നിർ​വ​ഹിക്കുക​യാ​യി​രു​ന്നു അ​ദ്ദേ​ഹം.
7500 ഓളം വീടുകളുടെ നിർമ്മാണം പൂർത്തിയായി. 5500 ഓളം വീടുകളുടെ നിർമ്മാണം അതിവേഗത്തിൽ നടക്കു​ക​യാ​ണ്. ദു​ര​ന്ത നി​വാ​ര​ണ പ്ര​വർ​ത്ത​നത്തിൽ സ്വ​യം​സ​ന്ന​ദ്ധ​രാ​യി മു​ന്നോ​ട്ടു​വ​രുന്ന യു​വാ​ക്കൾ നാ​ടി​ന്റെ ക​രു​ത്താ​ണ്. ഇ​നി​യൊ​രു ദു​ര​ന്തം വന്നാൽ അ​തി​നെ ചെറുക്കാൻ ശേ​ഷി​യു​ള്ള പു​നർ​നിർമ്മാ​ണ മാ​തൃ​ക​യാ​ണ് വേ​ണ്ട​ത്. അ​ത്ത​ര​ത്തി​ലു​ള്ള പു​നർ​നിർമ്മാ​ണ പ്ര​ക്രി​യ​യാ​ണ് ഇ​പ്പോൾ പു​രോ​ഗ​മി​ക്കു​ന്ന​തെന്നും മു​ഖ്യ​മന്ത്രി പ​റഞ്ഞു.
ഡെപ്യൂട്ടി സ്പീക്കർ വി.ശശി അദ്ധ്യക്ഷനായിരുന്നു. വി.എസ്.ശിവകുമാർ.എം.എൽ.എ, ജില്ലാ പഞ്ചായത്ത് പ്രസിഡന്റ് വി.കെ.മധു, വൈസ് പ്രസിഡന്റ് ഷൈലജ ബീഗം, സ്ഥിരം സമിതി അദ്ധ്യക്ഷരായ ബി.പി.മുരളി, വി.രഞ്ജിത്ത്, ചെറ്റച്ചൽ സഹദേവൻ, കെ.ശ്രീകുമാർ, ആർ.സുഭാഷ്, എം.പി.ജയലക്ഷ്മി, ബി.ജു.വി.എസ്.എന്നിവർ സംസാരിച്ചു. 'പ​രി​സ്ഥിതി ദു​ര​ന്ത​ങ്ങളും പ്രാ​ദേ​ശി​കാ​സൂ​ത്ര​ണ​വും' എ​ന്ന വി​ഷ​യത്തിൽ സെ​മി​നാറും ന​ടന്നു. ആ​സൂ​ത്രണ ബോർ​ഡ് അം​ഗം ഡോ.കെ.എൻ ഹ​രിലാൽ വി​ഷ​യാ​വ​തര​ണം ന​ടത്തി.