നെയ്യാറ്റിൻകര: എൻ.എസ്.എസ് ധനശ്രീ പദ്ധതി പ്രകാരം വനിതാ സ്വയംസഹായ സംഘങ്ങൾക്ക് സ്വയം തൊഴിൽ സംരംഭങ്ങൾ തുടങ്ങുന്നതിനായിട്ടുള്ള വായ്‌പാ വിതരണത്തിന്റെ ഉദ്ഘാടനം നെയ്യാറ്റിൻകര താലൂക്ക് യൂണിയൻ പ്രസിഡന്റ് കോട്ടുകാൽ കൃഷ്‌ണകുമാർ നിർവഹിച്ചു. ധനലക്ഷ്‌മി ബാങ്കുമായി സഹകരിച്ചാണ് വായ്‌പകൾ വിതരണം ചെയ്യുന്നത്. ധനലക്ഷ്‌മി ബാങ്ക് മാനേജർ സജിത്ത്, യൂണിയൻ വൈസ് പ്രസിഡന്റ് പി.എസ്. നാരായണൻ നായർ, സെക്രട്ടറി കെ. രാമചന്ദ്രൻ നായർ, എൻ.എസ്.എസ് ഇൻസ്‌പെക്ടർ എസ്. മഹേഷ്‌ കുമാർ, ഭരണസമിതി അംഗങ്ങൾ തുടങ്ങിയവർ പങ്കെടുത്തു.