കിളിമാനൂർ: റസിഡന്റ്സ് അസോസിയേഷനുകളുടെ പ്രവർത്തനങ്ങൾ സജീവമായതോടെ നാട്ടിൽ അക്രമങ്ങളും പൊലീസ് കേസുകളും കുറഞ്ഞതായും, നാടിന്റെ വികസന പ്രവർത്തനങ്ങളിൽ രാഷ്ട്രീയ വിദ്വേഷങ്ങൾ പാടില്ലെന്നും അടൂർ പ്രകാശ് എം.പി പറഞ്ഞു. പോങ്ങനാട് ആലത്തുകാവ് ഫ്രണ്ട്സ് റസി.അസോസിയേഷന്റെ ഓഫീസ് മന്ദിരത്തിന് തറക്കല്ല് ഇടൽ കർമം ഉദ്ഘാടനം ചെയ്ത് സംസാരിക്കുക യായിരുന്നു അദ്ദേഹം. അസോസിയേഷൻ പ്രസിഡന്റ് രാജേ ന്ദ്രക്കുറുപ്പ് അദ്ധ്യക്ഷത വഹിച്ചു. കിളിമാനൂർ പഞ്ചായത്ത് പ്രസിഡന്റ് എസ്.രാജലക്ഷ്മി അമ്മാൾ, വാർഡ് അംഗം സജികു മാർ, മികച്ച അദ്ധ്യാപകനുള്ള സംസ്ഥാന അവാർഡ് നേടിയ കരവാരം സ്കൂൾ പ്രിൻസിപ്പാൾ മോഹൻ വാലഞ്ചേരി, ഫ്രാക്ക് അസോസിയേഷൻ സെക്രട്ടറി ചന്ദ്രബാബു, സാബു ആലത്തുകാവ്, ചന്ദ്രബാബു, ശശി ധരൻ പിള്ള തുടങ്ങിയവർ സംസാരിച്ചു.