നെടുമങ്ങാട്: രാജ്യത്തിന്റെ സാംസ്‌കാരിക മൂല്യങ്ങളെ പാശ്ചാത്യവത്‌കരണം കാർന്നുതിന്നുകയാണെന്ന് സി. ദിവാകരൻ എം.എൽ.എ പറഞ്ഞു. കേരള സർവകലാശാലയുടെ കീഴിലുള്ള നെടുമങ്ങാട് ടീച്ചർ എഡ്യൂക്കേഷൻ കോളേജിൽ എം.എൽ.എയുടെ പ്രാദേശിക വികസന ഫണ്ടിൽ നിന്ന് അഞ്ച് ലക്ഷം രൂപ വിനിയോഗിച്ച് നിർമ്മിച്ച സ്‌മാർട്ട് ക്ലാസ് മുറികളും കമ്പ്യൂട്ടറുകളും ടോയ്‌‌ലെറ്റുകളും ഉദ്‌ഘാടനം ചെയ്‌ത് സംസാരിക്കുകയായിരുന്നു അദ്ദേഹം. ബ്ലോക്ക് പഞ്ചായത്ത് പ്രസിഡന്റ് ബി. ബിജു അദ്ധ്യക്ഷത വഹിച്ചു. കോളേജ് യൂണിയൻ മെരിറ്റ് ഡേ, കലാ - കായിക, സാഹിത്യ ക്ലബുകളുടെ ഉദ്‌ഘാടനം എന്നിവയും ഇതോടനുബന്ധിച്ച് നടന്നു. നഗരസഭ ചെയർമാൻ ചെറ്റച്ചൽ സഹദേവൻ, സിൻഡിക്കേറ്റംഗം പ്രൊഫ.കെ. ലളിത, പ്രിൻസിപ്പൽ ഡോ. രേണുക സോണി, സംഗീത സംവിധായകൻ ജി.കെ. ഹരീഷ്‌മണി, എക്സൈസ് ഇൻസ്‌പെക്ടർ എ.പി. ഷാജഹാൻ, പി.കെ. സുധി, ടി.ആർ. സുരേഷ്, ഷാജി, എം.ജെ. റസീന, മോഹൻകുമാർ, ലളിതാംബിക ദേവി, ഐ.പി. സിന്ധു, ആർ. അനില, യൂണിയൻ ചെയർപേഴ്‌സൺ നിഷ കൃഷ്‌ണൻ, എസ്. മുസ്‌തഫ, വി.എസ്. സാരംഗി, എൽ. അഷ്‌ന, ജി. വിഷ്‌ണു, എം.വി. ശ്രീക്കുട്ടി, നക്ഷത്ര സനൽ, അമീർഷ, ടി. സുരേഷ് തുടങ്ങിയവർ സംസാരിച്ചു.