തിരുവനന്തപുരം: മാദ്ധ്യമരംഗത്ത് നിരവധി മഹാപ്രതിഭകൾ ഉദിച്ചുയർന്നെങ്കിലും പത്രാധിപർ കെ. സുകുമാരന്റെ സിംഹാസനം ഇന്നും ഒഴിഞ്ഞു കിടക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. പ​ത്രാധി​പർ കട​ന്നു പോ​യി 38 വർ​ഷ​മാ​യി​ട്ടും 'പ​ത്രാ​ധി​പർ' എ​ന്ന് പ​റ​ഞ്ഞാൽ കെ. സു​കു​മാ​രനാ​ണ്. ഒ​രു പ​ത്രാ​ധി​പർ എ​ങ്ങനെ​യാ​ക​ണ​മെ​ന്ന് കെ. സു​കു​മാ​രൻ സ്വ​ന്തം ജീ​വി​തം കൊണ്ടാണ് കാ​ണി​ച്ചു ത​ന്ന​തെന്നും അദ്ദേഹം പറഞ്ഞു.

കേരളകൗമുദി സ്ഥാപക പത്രാധിപർ കെ. സുകുമാരന്റെ 38-ാം ചരമ വാർഷികത്തോടനുബന്ധിച്ച് കേരളകൗമുദി നോൺ ജേർണലിസ്റ്റ്സ് അസോസിയേഷന്റെ ആഭിമുഖ്യത്തിൽ പേട്ടയിലെ കേരളകൗമുദി അങ്കണത്തിൽ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു ചെന്നിത്തല.

ച​രിത്രത്തിൽ വല്ലപ്പോഴുമൊരിക്കൽ ​ഉ​ദ​യം കൊ​ള്ളു​ന്ന അ​സാ​ധാ​ര​ണ ധിഷണാശാ​ലി​യാ​യി​രു​ന്നു പത്രാധിപർ. കേ​ര​ള​ത്തി​ന്റെ ച​രി​ത്ര​ഗ​തി​യെ നി​യന്ത്രിച്ച പ​ത്രമാ​ണ് കേരളകൗമുദി. ആ​ദർ​ശ​ത്തി​ന്റെ അ​ടി​ത്ത​റയും പ്രതി​ബ​ന്ധങ്ങ​ളെ ത​ട്ടി നീ​ക്കി മു​ന്നോ​ട്ട് കു​തി​ക്കാ​നു​ള്ള ക​രുത്തും കേരളകൗമുദിക്ക് നൽ​കിയ​ത് പ​ത്രാ​ധി​പ​രാ​യി​രു​ന്നു. കേ​ര​ള ജന​ത നെ​ഞ്ചോ​ട് ചേർ​ത്തുവ​ച്ച കേ​ര​ളകൗ​മുദി. പ​ത്ര​മെ​ന്ന​തി​ന​പ്പു​റം ഒ​രു വി​കാ​ര​മാ​ണ്. പി​ന്നാ​ക്ക അ​വ​ശ ജ​ന​വി​ഭാ​ഗ​ങ്ങ​ളു​ടെ അ​വ​കാ​ശ ​പോരാ​ട്ട​ത്തി​ന്റെ പ​ട​വാ​ളാ​ക്കി പ​ത്രാ​ധി​പർ പത്രത്തെ വാർ​ത്തെ​ടു​ത്ത​പ്പോഴും എല്ലാ വി​ഭാ​ഗം ജ​ന​ങ്ങൾക്കും സ്വ​ന്തം പ​ത്ര​മാ​യി​ട്ടാ​ണ് അ​നു​ഭ​വപ്പെട്ടത്. പി​ന്നാ​ക്ക​ വി​ഭാ​ഗ​ങ്ങ​ളു​ടെ മോ​ച​ന​ത്തി​നും, ജ​നാ​ധി​പ​ത്യ​ത്തിനും സ്വാതന്ത്ര്യത്തിനും സാ​മൂ​ഹ്യ പു​രോ​ഗ​തിക്കും വേണ്ടി വിട്ടുവീഴ്​ച​യില്ലാ​തെ പോ​രാ​ടു​ന്ന പ​ട​വാ​ളായും കേ​ര​ളകൗ​മു​ദി​യെ അദ്ദേഹം മാ​റ്റി. എല്ലാ പു​രോഗ​മ​ന ആ​ശ​യ​ങ്ങ​ളു​ടെയും മുൻപന്തിയിൽ പത്രത്തെ പ്രതിഷ്ഠിച്ചു.

സ്വന്തം നിലപാടുകൾക്ക് വേണ്ടി തൂലിക ചലിപ്പിക്കുമ്പോഴും അ​ന്യ​ന്റെ നി​ല​പാ​ടുക​ളെ ബ​ഹു​മാ​നി​ക്കാൻ ശ്രമിച്ചിരുന്നു. . അ​ക്ഷ​ര​ങ്ങ​ളിൽ വി​ഷം പു​ര​ട്ടാതിരുന്നതിനാൽ എല്ലാ വി​ഭാ​ഗം ജ​ന​ങ്ങൾക്കും കേ​ര​ളകൗ​മു​ദി സ്വീ​കാ​ര്യ​മായി.ത​ല്ലേണ്ടിടത്ത് തല്ലാനും ത​ലോ​ടേണ്ടിടത്ത് ത​ലോ​ടാനും ഒ​രു ലോ​പവും കാട്ടിയില്ല. സർ​ക്കാർ സർ​വീസിൽ കാ​ര്യ​ക്ഷ​മ​ത​യു​ടെ പേ​രു പറഞ്ഞ് പി​ന്നാ​ക്ക സം​വര​ണം അ​ട്ടി​മ​റി​ക്കാൻ ആ​ദ്യ ക​മ്യൂ​ണി​സ്റ്റ് സർ​ക്കാർ ശ്രമിച്ചപ്പോൾ അ​തി​നെ​തി​രെ പ​ത്രാ​ധി​പർ നടത്തി​യ സിം​ഹ​ഗർ​ജ​ന​മാ​യി​രു​ന്നു കു​ള​ത്തൂർ പ്രസംഗം. സാ​മൂ​ഹ്യ പരിഷ്കർത്താ​വി​നെ​യും, സ​മൂ​ഹ​ത്തി​ന്റെ കാ​വ​ലാ​ളെ​യു​മാ​ണ് അതിലൂടെ ​ തെ​ളി​ഞ്ഞു കണ്ടത്. പ​ത്രാ​ധി​പർ​ക്ക് ശേ​ഷമുള്ള രണ്ടാം ത​ല​മു​റ​യി​ലും പത്രാധി​പർ വെ​ട്ടി​ത്തെളി​ച്ച പാ​ത​യി​ലൂ​ടെ​യാ​ണ് കേ​ര​ളകൗ​മു​ദി സ​ഞ്ച​രി​ക്കുന്ന​ത്. വാർ​ത്ത​ക​ളു​ടെ വി​ശ്വാ​സ്യ​ത​യാ​ണ് കേ​ര​ളകൗ​മു​ദി​യു​ടെ മു​ഖ​മുദ്റ. സ​ത്യ​സ​ന്ധ​ത​യ്ക്കും വി​ശ്വാ​സ്യ​ത​യ്ക്കും ഒ​രു കോ​ട്ടവും ത​ട്ടാ​തി​രി​ക്കാൻ ഇപ്പോഴത്തെ സാ​ര​ഥികൾ ബദ്ധശ്രദ്ധരാണ്. രാജ്യത്ത് ദളിത് വിഭാഗത്തിൽ നിന്ന് ആദ്യമായി ഒരു രാഷ്ട്രപതി ഉണ്ടാകാൻ നിമിത്തമായതും കേരളകൗമുദിയാണ്- ചെന്നിത്തല പറഞ്ഞു.

സി. ദിവാകരൻ എം.എൽ.എ അദ്ധ്യക്ഷത വഹിച്ചു. മുൻ മന്ത്രി പി.കെ. ഗുരുദാസൻ മുഖ്യപ്രഭാഷണം നടത്തി. കേരളകൗമുദി നോൺ ജേർണലിസ്റ്റ്സ് അസോസിയേഷൻ പ്രസിഡന്റ് വി. ബാലഗോപാൽ സ്വാഗതവും ജനറൽ സെക്രട്ടറി കെ.എസ്. സാബു നന്ദിയും പറഞ്ഞു.