കഴക്കൂട്ടം: അഴൂർ,​ കഠിനംകുളം,​ ചിറയീൻകീഴ് എന്നീ പഞ്ചായത്തിൽ നിന്നും ഒറ്റപ്പെട്ട് കിടക്കുന്ന 11 വാർഡുകൾ ഉൾക്കൊള്ളിച്ച് പെരുമാതുറ പഞ്ചായത്ത് രൂപീകരിക്കണമെന്നാവശ്യപ്പെട്ട് കിംസ് ഹെൽത്ത് കെയർ ഗ്രൂപ്പ് എക്സിക്യൂട്ടീവ് ഡയറക്ടറും പെരുമാതുറ പഞ്ചായത്ത് രൂപീകരണ സമിതി ചെയർമാനുമായ ഇ.എം നജീബ് മന്ത്രി എ.സി മൊയ്തീനെ സന്ദർശിച്ച് നിവേദനം നൽകി.

പഞ്ചായത്ത് രൂപീകരണസമിതി ജനറൽ കൺവീനർ എസ്. സക്കീർ ഹുസൈൻ, സ്നേഹതീരം വൈസ് പ്രസിഡന്റ് എ. നസറുള്ളാ എന്നിവർ ഒപ്പമുണ്ടായിരുന്നു.

കഴിഞ്ഞ സർക്കാർ അനുവദിച്ച പെരുമാതുറ പഞ്ചായത്ത് കോടതി വിധിമൂലം നഷ്ടപ്പെട്ട വിവരവും, ഒരുമിച്ച് കിടക്കുന്ന 11വാർഡുകളെ വിഭജിച്ച് മൂന്ന് പഞ്ചായത്തിലാക്കിയതിനാൽ ജനങ്ങൾക്കുണ്ടാകുന്ന ബുദ്ധിമുട്ടികളും ഇ.എം നജീബ് മന്ത്രിയെ ധരിപ്പിച്ചു.

ഈ പ്രദേശം ഒരു പഞ്ചായത്തിന് കീഴിൽ വരുന്നതാണ് ടൂറിസം വികസനത്തിനും ഭരണപരമായ സൗകര്യത്തിനും നല്ലതെന്നും മന്തിയെ ബോദ്ധ്യപ്പെടുത്തി. വിഷയം പരിഗണിക്കാമെന്ന് മന്തി ഉറപ്പ് നൽകി.