തിരുവനന്തപുരം:ശ്രീനാരായണ ഗുരു​വിന്റെ ജീവി​തവും വിശ്വ​മാ​ന​വിക ദർശ​നവും നവോ​ത്ഥാന മുന്നേ​റ്റ​ങ്ങളും അതിന്റെ സർവകാല ​പ്ര​സ​ക്തിയും ലോകശ്രദ്ധ​യിൽ കൊണ്ടു​വ​രികയെന്ന​ ലക്ഷ്യത്തോടെ കേരള സാഹിത്യ അക്കാ​ഡമി പ്രസിദ്ധീകരിച്ച പുസ്തകം വായനക്കാരിലേക്ക്. 'ശ്രീനാ​രാ​യ​ണ​ഗുരു - ദി മിസ്റ്റി​ക്കൽ ലൈഫ് ആൻഡ് ടീച്ചിംഗ്സ്'എന്ന ഇംഗ്ലീഷ് ഗ്രന്ഥം സെക്ര​ട്ടേ​റി​യറ്റ് ദർബാർ ഹാളിൽ ഇന്നു വൈകിട്ട് 3 ന് മുഖ്യ​മന്ത്രി പിണ​റായി വിജ​യൻ പ്രകാ​ശനം ചെയ്യും. കവ​യിത്രി ഒ.വി.ഉഷ ഗ്രന്ഥത്തിന്റെ ആദ്യ കോപ്പി ഏറ്റു​വാ​ങ്ങും.

അക്കാ​ഡ​മി ആദ്യ​മാ​യാണ് ശ്രീനാ​രാ​യ​ണ​ഗു​രു​വി​നെ​പ്പറ്റി ഇംഗ്ലീ​ഷിൽ ഒരു ബൃഹദ് ഗ്രന്ഥം പ്രസി​ദ്ധീ​കരിക്കു​ന്ന​ത്. അ​ക്കാ​ഡമി അംഗമായ മങ്ങാട് ബാല​ച​ന്ദ്ര​നാ​ണ് ഗ്രന്ഥ​ത്തിന്റെ എഡി​റ്റർ.

ചടങ്ങിൽ മന്ത്രി എ.​കെ.ബാലൻ അദ്ധ്യ​ക്ഷനാകും. സാഹി​ത്യ​അ​ക്കാ​‌‌ഡമി പ്രസി​ഡന്റ് വൈശാ​ഖൻ ഗുരു​സ്‌മ​രണ നട​ത്തും. ഐ.​എം.​ജി. ഡയ​റ​ക്ടർ കെ.ജയ​കു​മാർ, അക്കാ​ഡമി വൈസ് പ്രസി​ഡന്റ് ഡോ.ഖദീജ മുംതാ​സ്, ശ്രീനാ​രാ​യ​ണ ​ധർമ്മ​സംഘം ട്രസ്റ്റ് ജന​റൽ സെക്ര​ട്ടറി സ്വാമി സാന്ദ്രാ​നന്ദ, അക്കാ​ഡമി സെക്ര​ട്ടറി ഡോ.കെ.പി.മോഹ​നൻ,​ സാംസ്‌കാ​രിക വകുപ്പ് സെക്ര​ട്ടറി റാണി ജോർജ്, തുടങ്ങിയവർ പങ്കെടുക്കും.

ഗ്രന്ഥത്തിന്റെ ഉള്ളടക്കം

ഗുരു​വിന്റെ ജീവ​ച​രിത്രം, ചരി​ത്ര​ മു​ഹൂർത്ത​ങ്ങൾ, സന്ദേ​ശ​ങ്ങൾ, ആത്മോ​പ​ദേ​ശ​ ശ​ത​കം, ദർശ​ന​മാ​ല, അദ്വൈത​ദീ​പി​ക, ബ്രഹ്മ​വി​ദ്യാ​പ​ഞ്ച​കം, ജാതി​നിർണ്ണയം തുട​ങ്ങിയ 20 ദാർശ​നിക കൃതി​ക​ളുടെ പരി​ഭാ​ഷ, ഗുരു​വു​മായി മഹാ​ത്മാ​ഗാ​ന്ധി, സി.​വി.കുഞ്ഞു​രാ​മൻ,​സ​ഹോ​ദ​രൻ അയ്യ​പ്പൻ എന്നി​വർ നട​ത്തിയ സംഭാ​ഷ​ണ​ങ്ങളുടെ പൂർണ​രൂപം, ശിവ​ഗിരി തീർത്ഥാ​ട​ന​മെന്ന ആശ​യ​ത്തിന്റെ ലക്ഷ്യവും ഉള്ള​ട​ക്കവും വെളി​പ്പെ​ടു​ത്തുന്ന ഗുരു​വിന്റെ ചരി​ത്ര​സം​ഭാ​ഷ​ണം, സ്വാമി രംഗ​നാ​ഥാ​നന്ദ, മുനി നാരാ​യ​ണ​പ്ര​സാ​ദ്, ഒ.എൻ.വി, സ്വാമി ഋതം​ഭ​രാ​ന​ന്ദ, സ്വാമി സംപ്ര​സാ​ദ്, ഡോ.സുനിൽ പി.ഇള​യി​ടം എന്നി​വ​രുടെ ലേ​ഖ​ന​ങ്ങൾ തുടങ്ങിയവ ഉൾപ്പെടുന്ന അഞ്ചു ​ഭാ​ഗ​ങ്ങ​ളാ​ണ് ഗ്രന്ഥത്തിനുള്ളത്.