കല്ലമ്പലം : ആറാം ക്ലാസുകാരനെ പ്രകൃതി വിരുദ്ധ ലൈംഗിക പീഡനത്തിനിരയാക്കിയ യുവാവ് അറസ്റ്റിൽ. വാളകം പൊലിക്കോട് മുറിയിൽ നെടിയവിളാകത്ത് വീട്ടിൽ ജിയാസ് (21) ആണ് അറസ്റ്റിലായത്. കല്ലമ്പലം പുല്ലൂർമുക്കിലെ സ്വകാര്യ ബേക്കറിയിലെ ജീവനക്കാരനാണ് ജിയാസ്. പ്രദേശത്തുള്ള കുട്ടിയുമായി അടുപ്പത്തിലാകുകയും തുടർന്ന് കുട്ടിയെ പ്രലോഭിപ്പിച്ച് കഴിഞ്ഞ ജൂൺ മാസം പ്രകൃതി വിരുദ്ധ നടപടിക്ക് വിധേയമാക്കുകയുമായിരുന്നു. പീഡനത്തെ തുടർന്ന് മാനസികാസ്വാസ്ഥ്യമുള്ള കുട്ടി ചികിത്സയിലാണ്. കുട്ടിയുടെ ബന്ധുക്കളുടെ പരാതിയിൽ കല്ലമ്പലം പൊലീസ് കേസെടുത്ത് അന്വേഷണം നടത്തുകയും കഴിഞ്ഞ ദിവസം പ്രതിയെ അറസ്റ്റ് ചെയ്യുകയുമായിരുന്നു. ആറ്റിങ്ങൽ കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്ത് സബ് ജയിലിലേക്ക് അയച്ചു. സർക്കിൾ ഇൻസ്പെക്ടർ അനൂപ്‌ ആർ. ചന്ദ്രൻ, സബ് ഇൻസ്പെക്ടർ വിനോദ് കുമാർ .വി.സി, ഗ്രേഡ് എസ്.ഐ സനൽ, സി.പി.ഒ സുരാജ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.