പ്രാക്ടി​ക്കൽ

നാലാം സെമ​സ്റ്റർ ബി.​പി.എ (വീ​ണ) പരീ​ക്ഷ​യുടെ പ്രാക്ടി​ക്കൽ ഒക്‌ടോ​ബർ 1 മുത​ൽ ശ്രീ.​സ്വാതി തിരു​നാൾ സംഗീത കോളേ​ജിൽ ആരം​ഭി​ക്കും.

ബാച്ചി​ലർ ഒഫ് ഹോട്ടൽ മാനേ​ജ്‌മെന്റ് ആൻഡ് കാറ്റ​റിംഗ് ടെക്‌നോ​ളജി (ബി.​എ​ച്ച്.എം/ബി.​എ​ച്ച്.​എം.​സി.ടി) പരീ​ക്ഷ​യുടെ നാല്, ആറ് സെമ​സ്റ്റർ പ്രാക്ടി​ക്കൽ 25 മുതലും രണ്ടാം സെമ​സ്റ്റർ പ്രാക്ടി​ക്കൽ 30 മുതലും ആരം​ഭി​ക്കും.

ടൈംടേ​ബിൾ

നാലാം സെമ​സ്റ്റർ ത്രിവ​ത്സര (യൂ​ണി​റ്റ​റി) എൽ എൽ.ബി പരീ​ക്ഷ​കൾ 24 ൽ നിന്നും സെപ്റ്റം​ബർ 30 ലേക്ക് മാറ്റി​.

സൂക്ഷ്മ​പ​രി​ശോ​ധന

ബി.​ടെക് സപ്ലി​മെന്ററി ഒന്നാം സെമ​സ്റ്റർ (2008 & 2013 സ്‌കീം) പരീ​ക്ഷ​യുടെ സൂക്ഷ്മ​പ​രി​ശോ​ധ​നയ്ക്ക് അപേ​ക്ഷി​ച്ചി​ട്ടു​ളളവർ റീവാ​ല്യു​വേ​ഷൻ സെക്‌ഷ​നിൽ (ഇ.​ജെ VII) 24 മുതൽ 26 വരെ​യു​ളള പ്രവൃത്തി ദിന​ങ്ങ​ളിലും ഏഴാം സെമ​സ്റ്റർ ഇന്റ​ഗ്രേ​റ്റഡ് എൽ എൽ.ബി, പത്താം സെമ​സ്റ്റർ ഇന്റ​ഗ്രേ​റ്റഡ് എൽ ​എൽ.ബി പരീ​ക്ഷ​കളുടെ സൂക്ഷ്മ​പ​രി​ശോ​ധ​നയ്ക്ക് അപേ​ക്ഷി​ച്ചി​ട്ടു​ളളവർ റീവാ​ല്യു​വേ​ഷൻ സെക്‌ഷ​നിൽ (ഇ.​ജെ x) 23 മുതൽ 26 വരെ​യു​ളള പ്രവൃത്തി ദിന​ങ്ങ​ളിലും ഹാജ​രാ​കണം. ഫോട്ടോ പതിച്ച ഐ.ഡി കാർഡും ഹാൾടി​ക്ക​റ്റും കരു​തണം.

പരീ​ക്ഷാ​ഫീസ്

ഒന്നും മൂന്നും സെമ​സ്റ്റർ ബാച്ചിലർ ഒഫ് ഫിസി​ക്കൽ എഡ്യൂ​ക്കേ​ഷൻ (രണ്ടു വർഷം) പരീ​ക്ഷ​കൾക്ക് പിഴ കൂടാതെ ഒക്‌ടോ​ബർ 1 വരെയും 150 രൂപ പിഴ​യോടെ 9 വരെയും 400 രൂപ പിഴ​യോടെ 15 വരെയും ഓൺലൈ​നായി അപേ​ക്ഷി​ക്കാം.

മൂന്നാം സെമ​സ്റ്റർ ബി.​എ.​എ​സ്.​എൽ.പി (2010 സ്‌കീം - മേഴ്സി​ചാൻസ്) ഡിഗ്രി പരീ​ക്ഷയ്ക്ക് പിഴ കൂടാതെ 24 വരെയും 150 രൂപ പിഴ​യോടെ 27 വരെയും 400 രൂപ പിഴ​യോടെ 30 വരെയും അപേ​ക്ഷി​ക്കാം.

പരീ​ക്ഷാ​ഫലം

ഒന്നാം സെമ​സ്റ്റർ ബി.​എ​സ് സി ബോട്ടണി ആൻഡ് ബയോ​ടെ​ക്‌നോ​ളജി (2018 അഡ്മി​ഷൻ റഗു​ലർ, 2017 അഡ്മി​ഷൻ ഇംപ്രൂ​വ്‌മെന്റ്/സപ്ലി​മെന്റ​റി, 2016, 2015, 2014 & 2013 അഡ്മി​ഷൻ സപ്ലി​മെന്റ​റി) പരീ​ക്ഷാ​ഫലം വെബ്‌സൈ​റ്റിൽ. പുനർമൂ​ല്യ​നിർണ​യ​ത്തിനും സൂക്ഷ്മ​പ​രി​ശോ​ധ​നയ്ക്കും 26 വരെ അപേ​ക്ഷി​ക്കാം.