കൊല്ലം: തി​രു​വ​ന​ന്ത​പു​രം പ​ള്ളി​ക്ക​ലിൽ സർ​ക്കാർ ഡോ​ക്ട​റെ കൈയേ​റ്റം ചെ​യ്‌​തെ​ന്ന കേ​സി​ലെ പ്രതികളുടെ വീട്ടിൽ അർദ്ധരാത്രി പൊലീസ് അതിക്രമം. ഒ​ളി​വിൽ​പോ​യ പ്ര​തി​യെ പി​ടി​കൂ​ടാനെന്ന രീതിയിൽ പൊ​ലീ​സ് അ​തി​ക്ര​മം തുടർന്നത് മൂന്ന് ദിവസം. ചൊ​വ്വാ​ഴ്​ച അർ​ദ്ധ​രാ​ത്രി​യി​ലെ പൊ​ലീ​സ് അ​തി​ക്ര​മ​ത്തി​നൊ​ടു​വിൽ കാൻ​സർ രോ​ഗി​യാ​യ വീട്ട​മ്മ ത​ളർ​ന്നു വീ​ണു. പി​ന്നാക്ക വി​ഭാ​ഗ​ത്തിൽ​പ്പെ​ട്ട ഇ​വർ ഇ​പ്പോ​ഴും കൊ​ല്ല​ത്തെ സ്വ​കാ​ര്യ ആ​ശു​പ​ത്രി​യിൽ ചി​കിത്സ​യി​ലാ​ണ്.

ഒടുവിൽ സഹികെട്ട വീട്ടുകാർ മൂന്നാം ദിവസം ദൃശ്യങ്ങൾ പകർത്തി മാദ്ധ്യമങ്ങൾക്ക് നൽകിയതോടെയാണ് വിവരം പുറത്തായത്. കൊ​ല്ലം പ​ര​വൂ​രി​ലെ സ്ത്രീകളും കുട്ടികളും മാത്രമുള്ള വീ​ട്ടിലെത്തിയാണ് പൊ​ലീ​സ് ഭീ​ഷ​ണി​പ്പെ​ടു​ത്തു​ക​യും ക​സ്റ്റ​ഡി​യിലെ​ടു​ക്കാൻ ഒ​രു​ങ്ങു​ക​യും ചെ​യ്ത​ത്. ഈ സമയം വ​നി​താ പൊ​ലീ​സി​ന്റെ സാ​ന്നി​ദ്ധ്യവും ഉണ്ടായിരുന്നില്ല.

ദൃ​ശ്യ​ങ്ങൾ മൊ​ബൈൽ ഫോ​ണിൽ പ​കർ​ത്തുന്നതിനിടെ സ്​ത്രീ​ക​ളിൽ ഒ​രാ​ളു​ടെ കൈ​ക്ക് ഒ​രു​ ഉ​ദ്യോ​ഗ​സ്ഥൻ ക​ട​ന്നു​പി​ടി​ക്കുന്നുമുണ്ട്. സ​ന്ധ്യ മ​യ​ങ്ങി​യാൽ, നേ​രം പു​ല​രും​ വ​രെ സ്​ത്രീ​ക​ളെ ചോ​ദ്യം​ ചെ​യ്യാൻ വി​ളി​പ്പി​ക്കാൻ പാ​ടി​ല്ലെ​ന്ന നി​യ​മമുള്ളപ്പോൾ അറിഞ്ഞുകൊണ്ടായിരുന്നു പൊലീസിന്റെ അഴിഞ്ഞാട്ടം. അ​ടി​യ​ന്ത​ര ഘ​ട്ട​മാ​ണെങ്കിൽ മ​ജി​സ്‌​ട്രേ​റ്റി​ന്റെ അ​നു​മ​തി വേ​ണം.

തി​രു​വ​ന​ന്ത​പു​രം പ​ള്ളി​ക്കൽ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ ഡോ​ക്ട​റെ മർ​ദ്ദി​ച്ചെ​ന്ന കേ​സിൽ പ്ര​തി​യാ​യ സു​ഗ​ത​കു​മാ​റി​ന്റെ മ​ക​ളു​ടെ വീ​ട്ടി​ലാ​ണ് അതിക്രമം ന​ടന്ന​ത്. സു​ഗ​ത​കു​മാ​റി​ന്റെ കാൻ​സർ രോ​ഗി​യാ​യ ഭാ​ര്യ​ക്ക് ചി​കിത്സ നി​ഷേ​ധി​ച്ചെ​ന്ന തർ​ക്ക​മാ​ണ് കേ​സി​ന് അ​ടി​സ്ഥാ​ന​മാ​യ സം​ഭ​വം. സു​ഗ​ത​കു​മാ​റും മ​ക​നും എൻ​ജി​നി​യ​റിംഗ് കോ​ള​ജി​ലെ അ​ദ്ധ്യാ​പ​ക​നു​മാ​യ ര​ഞ്​ജീ​ഷും ഒ​ളി​വി​ലി​രു​ന്ന് മുൻ​കൂർ ജാ​മ്യ​ത്തി​ന് ശ്ര​മി​ക്കു​ക​യാ​ണ്. ഇ​തും പ​രി​ഗ​ണി​ക്കാ​തെ​യാ​ണ് പ്ര​തി​യെ കി​ട്ടാൻ പ്ര​തി​യു​ടെ കു​ടും​ബ​ത്തെ വേ​ട്ട​യാ​ടു​ന്ന പ​ഴ​യ പൊ​ലീ​സ് മു​റ വീ​ണ്ടും അവർത്തിക്കു​ന്ന​ത്.