തിരുവനന്തപുരം: ഉപതിരഞ്ഞെടുപ്പ് നടക്കുന്ന വട്ടിയൂർക്കാവ് മണ്ഡലത്തിൽ മാത്രമായിരിക്കും പെരുമാ​റ്റച്ചട്ടം ബാധകമാകുകയെന്ന് ജില്ലാ ഇലക്‌ഷൻ ഓഫീസർ കൂടിയായ കളക്ടർ കെ. ഗോപാലകൃഷ്ണൻ വാർത്താസമ്മേളനത്തിൽ പറഞ്ഞു. തലസ്ഥാന ജില്ലയായതിനാലാണ് ജില്ലയിൽ പൂർണമായി പെരുമാ​റ്റച്ചട്ടം ഏർപ്പെടുത്താത്തത്. 168 പോളിംഗ് ബൂത്തുകളാണ് മണ്ഡലത്തിലുള്ളത്. 36 പ്രശ്‌നസാദ്ധ്യതാ ബൂത്തുകളാണ് ഇവിടെയുള്ളത്. എല്ലാ ബൂത്തുകളിലും ആദ്യഘട്ട പരിശോധന കഴിഞ്ഞു. പെരുമാ​റ്റച്ചട്ടം കർശനമായി പാലിക്കണമെന്ന് കളക്ടർ അറിയിച്ചു. പെരുമാ​റ്റച്ചട്ടം സംബന്ധിച്ച നോഡൽ ഓഫീസറായി അസിസ്​റ്റന്റ് കളക്ടർ അനുകുമാരിയെ ചുമതലപ്പെടുത്തി. ലാൻഡ് റവന്യൂ കമ്മിഷണറേ​റ്റിലെ അസിസ്​റ്റന്റ് കമ്മിഷണർ ജിയോ ടി. മനോജാണ് റിട്ടേണിംഗ് ഓഫീസർ. എൽ.എ, ഇന്റർനാഷണൽ എയർപോർട്ട് സ്‌പെഷ്യൽ തഹസിൽദാരാണ് അസിസ്​റ്റന്റ് റിട്ടേണിംഗ് ഓഫീസർ

വട്ടിയൂർക്കാവ് മണ്ഡലം ഒറ്റ നോട്ടത്തിൽ

ആകെ വോട്ടർമാർ...............1,95,601

പുരുഷന്മാർ............................ 93,347

സ്ത്രീകൾ...............................1,02,252

ട്രാൻസ്ജെൻഡേഴ്സ്.......... 2