കോന്നി: ഇടത് പാളയത്തിലെ സ്ഥാനാർത്ഥി നിർണയത്തിലെ പൊട്ടിത്തെറിക്ക് പിന്നാലെ യു.ഡി.എഫിലും സ്ഥാനാർത്ഥി നിർണയം മലവെള്ളം പോലെ കലങ്ങി മറിയുന്നു. അടൂർ പ്രകാശ് എം.പി നിർദ്ദേശിച്ച ​പ്ര​മാ​ടം​ ​ഗ്രാ​മ​പ​ഞ്ചാ​യ​ത്ത് ​പ്ര​സി​ഡ​ന്റ് ​റോബിൻ പീറ്ററെ സ്ഥാനാർത്ഥിയാക്കില്ലെന്ന് ഡി.സി.സി നേതൃത്വം നിലപാട് സ്വീകരിച്ചതോടെയാണ് സ്ഥാനാർത്ഥി നിർണയം കീറാമുട്ടിയായത്. ​അ​ടൂ​ർ​ ​പ്ര​കാ​ശ് ഇ​ട​ഞ്ഞു​​നി​ൽ​ക്കു​ന്ന​ത് ​കോ​ൺ​ഗ്ര​സ് ​നേ​തൃ​ത്വ​ത്തിനും ​ത​ല​വേ​ദ​ന​യാ​യിട്ടുണ്ട്.

ജില്ലാ കമ്മിറ്റി സംസ്ഥാന നേതൃത്വത്തിന് നാലുപേരുടെ സ്ഥാനാർത്ഥി പട്ടിക നൽകിയിരിക്കുന്നതെന്നാണ് സൂചന. നിലവിലെ ജില്ലാ കോൺഗ്രസ് കമ്മിറ്റി പ്രസിഡന്റ് ബാബു ജോർജ്, മുൻ ഡി.സി.സി പ്രസിഡന്റ് പി.മോഹൻരാജ്, കെ.പി.സി.സി സെക്രട്ടറി പഴകുളം മധു, ജില്ലാ പഞ്ചായത്ത് അംഗവും ജില്ലാ ജനറൽ സെക്രട്ടറിയുമായ വിനീത അനിൽ എന്നിവരുടെ പേരുകളാണ് ഇതിലുള്ളത്. ഈ പേരുകൾ കൂടാതെ സംസ്ഥാന നേതൃത്വം സതീഷ് കൊച്ചുപറമ്പിലിന്റെ പേരും പരിഗണിക്കുന്നുണ്ട്.
റോബിൻ പീറ്ററെ സ്ഥാനാർത്ഥിയാക്കണമെന്ന അടൂർ പ്രകാശിന്റെ തീരുമാനം സംസ്ഥാന നേതൃത്വം പരിഗണിച്ചാൽ ജില്ലാ നേതൃത്വം തിരഞ്ഞെടുപ്പിൽ നിർജ്ജീവമാകുമെന്ന നിലപാടിലാണ്. ഇടതുപക്ഷത്തിന്റെ കുത്തക മണ്ഡലമായ കോന്നി അടൂർ പ്രകാശിലൂടെയാണ് തിരിച്ചുപിടിച്ചതെങ്കിലും പാർട്ടിയെ മറികടന്ന് സ്ഥാനാർത്ഥിയെ പരസ്യമായി നിർദ്ദേശിച്ചതിലുള്ള അമർഷം ജില്ലാ നേതൃത്വത്തിനുണ്ട്. മാത്രമല്ല മണ്ഡലത്തിലെ പ്രമുഖ സാമുദായിക സംഘടനയെ പിണക്കുന്ന തരത്തിലുള്ള അടൂർ പ്രകാശിന്റെ നിലപാടും ജില്ലാ നേതൃത്വത്തിന്റെ എതിർപ്പിന് കാരണമായി. അരൂരിൽ ഷാനിമോൾ ഉസ്മാനാണ് സ്ഥാനാർത്ഥിയാകുന്നതെങ്കിൽ നിലവിൽ ജില്ലാ പഞ്ചായത്ത് അംഗവും കോന്നി സ്വദേശിയുമായ വിനീത അനിലിനെ കോന്നിയിലേക്ക് പരിഗണിച്ചേക്കാനും സാദ്ധ്യതയുണ്ട്.

​ ഇതിനിടെ പി.​ ​മോ​ഹ​ൻ​രാ​ജ് ​യു.​ഡി.​എ​ഫ് ​സ്ഥാ​നാ​ർ​ത്ഥി​യാ​കു​മെ​ന്ന​ ​സൂ​ച​ന​ ​ശ​ക്ത​മാ​യ​തോ​ടെ​ ​അ​ടൂ​ർ​ ​പ്ര​കാ​ശി​ന്റെ​ ​അ​നു​യാ​യി​ക​ൾ​ ​പ​ര​സ്യ​ ​പ്ര​തി​ഷേ​ധ​വു​മാ​യി​ ​രം​ഗ​ത്തെത്തി. കോ​ൺ​ഗ്ര​സ് ​കോ​ന്നി​ ​ബ്ളാേ​ക്ക് ​ക​മ്മി​റ്റി​ ​ഒാ​ഫീ​സി​ന്​ ​മു​ന്നി​ൽ​ ​ത​ടി​ച്ചു​കൂ​ടി​യ​ ​സ്ത്രീ​ക​ള​ട​ക്ക​മു​ള്ള​വ​ർ​ ​അ​ടൂ​ർ​ ​പ്ര​കാ​ശ് ​നി​ർ​ദ്ദേ​ശി​ക്കു​ന്ന​യാ​ളെ​ ​മാ​ത്ര​മേ​ ​സ്ഥാ​നാ​ർ​ത്ഥി​യാ​യി​ ​അം​ഗീ​ക​രി​ക്കൂ​വെ​ന്ന് ​പ​റ​ഞ്ഞു.​ ​ഒ​രു​ ​വി​ഭാ​ഗം​ ​യൂ​ത്ത് ​കോ​ൺ​ഗ്ര​സ് ​പ്ര​വ​ർ​ത്ത​ക​ർ​ ​ഒാ​ഫീ​സി​ന്​ ​മു​ന്നി​ൽ​ ​മു​ദ്രാ​വാ​ക്യവും​ ​വി​ളി​ച്ചു.

കോ​ന്നി​ ​എ​ ​ഗ്രൂ​പ്പി​ന് ​വി​ട്ടു​കൊ​ടു​ത്ത് ​അ​രൂ​ർ​ ​ഐ​ ​ഗ്രൂ​പ്പ് ​ഏ​റ്റെ​ടു​ക്കാ​നു​ള്ള​ ​സ​മ​വാ​യ​ ​ച​ർ​ച്ച​യാ​ണ് ​കെ.​പി.​സി.​സി​ ​ത​ല​ത്തി​ൽ​ ​ന​ട​ക്കു​ന്ന​ത്.​ ​അ​ങ്ങ​നെ ​വ​ന്നാ​ൽ​ ​പി.​മോ​ഹ​ൻ​രാ​ജിനാണ് കൂടുതൽ സാ​ദ്ധ്യ​ത.​ ​എ​ന്നാ​ൽ,​ ​കോ​ന്നി​ ​എ​ ​ഗ്രൂ​പ്പി​ന് ​വി​ട്ടു​കൊ​ടു​ക്കാ​നാ​വി​ല്ലെ​ന്ന​ ​നി​ല​പാ​ടി​ലാ​ണ് ​അ​ടൂ​ർ​ ​പ്ര​കാ​ശ്.​ എ,​ ​ഐ​ ​ഗ്രൂ​പ്പു​ക​ൾ​ ​വ​ച്ചു​മാ​റു​ന്ന​തി​ൽ​ ​ഏ​ക​ദേ​ശ​ ​ധാ​ര​ണ​യാ​യെ​ങ്കി​ലും​ ​അ​ടൂ​ർ​ ​പ്ര​കാ​ശി​നെ​ ​അ​നു​ന​യി​പ്പി​ച്ച​ ​ശേ​ഷ​മാ​വും​ ​അ​ന്തി​മ​ ​പ്ര​ഖ്യാ​പ​നം.​ ​എ​ ​ഗ്രൂ​പ്പി​ന് ​വി​ട്ടു​കൊ​ടു​ത്താ​ൽ​ ​റെ​ബ​ൽ​ ​സ്ഥാ​നാ​ർ​ത്ഥി​യെ​ ​നി​റു​ത്തു​മെ​ന്ന് ​യൂ​ത്ത് ​കോ​ൺ​ഗ്ര​സ് ​ഭീ​ഷ​ണി​ ​മു​ഴ​ക്കി​യി​ട്ടു​ണ്ട്. ഇ​തി​നി​ടെ,​ ​ഡി.​സി.​സി​ ​പ്ര​സി​ഡ​ന്റ് ​ബാ​ബു​ജോ​ർ​ജി​നെ​ ​സ്ഥാ​നാ​ർ​ത്ഥി​യാ​ക്ക​ണ​മെ​ന്ന​ ​ആ​വ​ശ്യ​വു​മാ​യി​ ​ജ​ന​റ​ൽ​ ​സെ​ക്ര​ട്ട​റി​ ​സാ​മു​വേ​ൽ​ ​കി​ഴ​ക്കു​പു​റ​ത്തി​ന്റെ​ ​നേ​തൃ​ത്വ​ത്തി​ൽ​ ​ഒ​രു​ ​വി​ഭാ​ഗം​ ​കെ.​പി.​സി.​സി​ ​നേ​തൃ​ത്വ​ത്തെ​ ​സ​മീ​പി​ച്ചിട്ടുണ്ട്.

സ്ഥാനാർത്ഥി നിർണയത്തിനായി ചേർന്ന സി.പി.എം ജില്ലാ സെക്രട്ടേറിയറ്റിൽ കെ.യു.ജനീഷിന്റെ പേര് സംസ്ഥാന നേതൃത്വം ഏകപക്ഷീയമായി പ്രഖ്യാപിച്ചതാണ് ഇടതുപാളയത്തിൽ അസ്വാരസ്യങ്ങൾക്ക് ഇടയാക്കിയത്. നിലവിൽ ജില്ലാ കമ്മിറ്റി കണ്ടുവച്ചിരുന്ന പേരുകളൊന്നും പരിഗണിക്കാതെ സംസ്ഥാന നേതൃത്വത്തിന്റെ തീരുമാനം കെ.എൻ.ബാലഗോപാൽ അറിയിച്ചതോടെ ഒരു വിഭാഗം നേതാക്കൾ ക്ഷുഭിതരായി സെക്രട്ടേറിയറ്റിൽ നിന്ന് ഇറങ്ങിപ്പോവുകയായിരുന്നു. പാർട്ടി ജില്ലാ സെക്രട്ടറി കെ.പി ഉദയഭാനുവിന് സംസ്ഥാന നേതൃത്വത്തിന്റെ തീരുമാനത്തിൽ അമർഷമുണ്ടെങ്കിലും പുറത്ത് പ്രകടിപ്പിക്കുന്നില്ല. എൽ.ഡി.എഫിൽ സി.പി.ഐ ഉൾപ്പടെയുള്ള മറ്റ് ഘടക കക്ഷികൾക്കും ജനീഷിന്റെ സ്ഥാനാർത്ഥിത്വത്തിൽ നീരസമുണ്ട്.
കഴിഞ്ഞ തിരഞ്ഞെടുപ്പിൽ ശക്തമായ മത്സരം കാഴ്ചവച്ച ബി.ജെ.പിയും മണ്ഡലത്തിൽ വിജയ പ്രതീക്ഷയിലാണ്. പത്തനംതിട്ട ജില്ലയിലെ തങ്ങളുടെ ശക്തികേന്ദ്രങ്ങളിൽ ഒന്നായ ഇവിടെ സംസ്ഥാന നേതാക്കളായ കെ.സുരേന്ദ്രൻ, ശോഭാ സുരേന്ദ്രൻ, മുൻ സംസ്ഥാന പൊലീസ് മേധാവി ടി.പി.സെൻകുമാർ എന്നിവരുടെ പേരുകളാണ് പട്ടികയിലുള്ളത്. ശബരിമല വികാരം ഏറെ അലയടിച്ച കോന്നിയിൽ കെ.സുരേന്ദ്രൻ മത്സരിക്കണമെന്ന നിലപാടിലാണ് പ്രവർത്തകർ. മത്സരിക്കുന്നില്ലെന്ന നിലപാടിലാണെങ്കിലും പാർട്ടി നേതൃത്വം നിർദ്ദേശിച്ചാൽ കെ.സുരേന്ദ്രൻ മത്സര രംഗത്ത് എത്തുമെന്നാണ് സൂചന. ഇങ്ങനെയെങ്കിൽ ഉപതിരഞ്ഞെടുപ്പിൽ ശക്തമായ ത്രികോണമത്സരം നടക്കുന്ന മണ്ഡലമായി കോന്നി മാറും.